جربت الفقر من ولادتي ابي اعز امي وافرحها :(
 

السلام عليكم

اتمنى صوتي يوصل تكفون الدال على الخير كفاعله الله يوفقكم اللي يعرف مسؤول يوصل صوتنا
ابونا ابو متعب المسؤولين اسمعو شكواي انا بنتكم بنت بلدكم لي الحق ان انتفع وان يتم دعمي

اولا انا ولدت يتيمه وطول عمري والله العظيم جربت الفقر بانواعه كنت اروح للمدرسه بدون فلوس لان ذاك الوقت الضمان ماهو شهري
وكنت عايشه ببيت ايجاز الهنود مايعيشون فيه
جربت انواع القهر بانوعه وجعل ماحد يجرب اليتم وهو صغير لطختنا الدنيا انا واخواتي وكبرت واخذت شهادة البكالوريوس انا واختي الاكبر مني وجلست ثلاث سنين انتظر الوظيفه مافيه الا بواسطه وانا ماعندي اي واسطه حاولت اتوظف اي شي ماقدرت كل شيء بواسطه اتركي ملفك ونتصل عليك
جاني حافز وفرحتي كانت ماتوصف رغم انه ماكان يجيني كامل بس الحمد لله وجمعت فلوسه وقررت اكمل دراسه على حسابي انا واختي ب الاردن لعل تجينا وظيفه ولا مافيه قريب من منطقتي جامعه تتيح اني اكمل الا الاردن بسبب ان منطقتي حدوديه بس هنا المشكله ان الرسوم طلعت غاليه درست ترم واجلت ترم ماقدرت ادفع التكاليف صرت اجمع ضماني اللي هو كله 300 ريال واختي 300واعطيه للايجار
احس بقهر وظيقه معاي بنات لان عندهم واسطه وابوهم له مكانه جتهم البعثه بسهوله
مادري ايش اسوي ياليت الضمان الاجتماعي يساعدنا ويخلينا نقدر ندرس لان وضعي انا واختي صعب والله ابي اكمل تعليمي واحس بضيق ربي يعلم فيه تعبت نفسيا ابي اغني امي ابي افرحها امي كبيره بالعمر ابي اخليه تجرب السعاده ااه ياربي افرجها تعبت من البكى يارب خلي لكل بنت ابوها وامها
مابي الا صوتي يوصل اسالك بالله وصلو صوتي ابي تجي اليتامى البعثه ويساعدونا
اللي مابيده حيله تكفون ادعو لي الله يفرجها علي

الله يوفقك اختي واصرارك علي الوظيفة يخليني اقولك يجيك الخير من الله الله الله بالوالدة وربي يعطيك كل الخير

ماتظيق الاوتفرج من ربك وعليك بالاستغفار

والله ياااا اختي مابيدي الا دعاء لك
انااا فاهمه مشاعرك لاااانه حالك قريب من حالي
نفسي اكمل دراستي نفسي افرح امي ......
الله يرسهل امورك ويفرج عنك همك

الله يوفقك ويرزقك وتفرحي امك .. اطلبي العون من الله فقط

يقول الشاعر :

مااخبلك ياباغي من الناس حاجة *** الناس لوشافت معك شي تنهبك

هلا اختي ياقلبي الله يوفقك ويرزقك ويعوضك خير ويبسط علي وعليك بالرزق يااختي امك معزوزه وبتظل معزوزه وتفتخر فيكم انكم اولادها الفقر يااختي مو عيب ولا شيء ينقص من قدرها او مكانتها هذا الشيء نصيب بالدنيا مالنا يد فيه
انا مثل حالك الضمان ينزل لنا فلوس قليله جدا يادوب تكفي مصاريف البيت والفواتير وتخلص الحمدلله على كل حال اشياء كثيره احتاجها مالاقي فلوس اشتريها وحتى بالمناسبات فساتين مااشتري البس اي شيء قديم عندي حتى بزواجات اخواني العيشه صعبه ويبي لها صبر مو كل شيء نتمناه نلقاه وخلصت جامعه ومالقيت وظيفه ولا عندي اي مدخول وحافز السنه الماضيه مسوي خير مانكابر ونجحد النعمه والله كنا نشتري اللي نبغى واللي ناقصنا هاللحين نتذكرها وحنا متضايقين على عدم تمديدها للي مثل حالتنا او ماتوظفوا يااختي الضيق بعده فرج قريب بحول الله يمكن تتزوجي بواحد يعوضك ويعوض اهلك ويساعدهم يارب
اذا تبي تكملي الماجستير كمليها على حساب الدوله هنا واذا حصل برا ابتعاث اما على حسابك صعب جدا ماابي احبطك بس مصاريفها كثيره سكن ولا تمويل للبيت ولا دراسه ولا ايش وايش وايش خليك متفائله واطلبي الله الرزق والزوج الصالح اللي يساعدكم مافيه اي شيء مستحيل ياما عوايل فقراء مثلنا وتزوجوا بناتهم بناس اصحاب مراكز وساعدوا اهلهم ووظفوا اولادهم وتغيرت عيشتهم للافضل دايما الفقراء مثلنا يطمحون لشيء يوصلونه وربي مايخيب ظنهم وراح تلاقين هالشيء وتدعين لي ياعمري

الله يرزقك اختي من واااسع فضلة:h

الله يفرج همك ويرزقك من أوسع أبوابه يارب..
(إن بعد العسر يسرا) خلي ثقتك بربك كبيرة وهو ماراح يخذلك أبدا راح يعوضك خير فوق ماأتخيلتي وأتمنيتي..♡♡