تجمع المتقدمين على وظائف جامعة الجوف 2/8/1434
السلام عليكم ورحمة الله وبركاته..
أفننح هذا التجمع باستفسار أطرحه بين يدي إخوتي وأخواتي المتقدمين والمتقدمات على وظائف: معيد/محاضر/مدرس لغة: كيف طريقة التقديم يا إخوان؟؟؟ تعبت وأنا أحاول أول مرة قال لا تنطبق عليك الشروط، وبعدين صار يقول الرقم مسجل، رغم إني سعودية، وماجستير بامتياز، وتقديري ما يقل عن جيد حدا في المؤهل الأول، وعمري ما يزيد عن 29، وتخصص البكالوريوس امتداد للماجستير، والمؤهلين من جامعات سعودية معترف بها، ومالي إلا شهرين متخرجة، ولا أنا موظفة حكومية، وش عذرهم بالله، وش الي ما ينطبق علي، وش الحل يا جماعة، كبف أقدم؟؟ المشكلة سبق لي مع ناس أعرفهم التقدم بشهر 3 على وظائف محاضر، وطلبوا منا الأوراق، وأرسلناها ولا صار ولا شيء في التقديم السابق، كبف نلحق هالتقديم الي يعرف لا يبخل علينا وله الأجر الله يحفظكم. |
ما شاء الله عليكي..
كنت بفتح تجمع وسبقتيني .. انا مثل مشكلتك بالضبط.. الشروط مطابقة ولكن طلع لي رفض.. ارسلت المشكلة لهذا الايميل : career@ju.edu.sa ان شاء الله يردوا .. |
داااااااايخة
العمر مايزيد عن 28 مو 29 للمعيد والمحاضر مايزيد عن 33 ..!! لازم تتصلي عليهم وتشوفي سبب الرفض يمكن لانك قدمتي اول ولسى ماطلعت الترشيحات ..! فأستبعدوكي لأنك مقدمة آول .. مهاجرة الى الابد كيف طلع لك رفض ؟ انا طلع لي اخر شي ذا الكلام .. يجب الحضور لمطابقة البيانات وذلك ابتداء من يوم السبت الموافق 6/8/1434 الى يوم الاربعاء الموافق 17/8/1434 بمكتب وكالة الجامعة للدراسات العليا والبحث العلمي من الساعة 4:30 مساء وحتى الساعة 8:30 مساء وعلى الايميل مايردو وانا جربت جربي تتصلي عليهم .. وبسألكم انا جد مااقدر اروح الجوف بس عشان اقدم اوراق !! اذا بروح بروح على المقابلة الشخصية .. وقلت برسل الوئائق المطلوبة بالبريد الممتاز يسير كذا عادي ولا لازم الحضور !؟ ياليت تجاوبوني .. |
سمايلنق والله ماادري وين المشكلة ..
انا رسلت للايميل الموجود .. انا ماجستير وعمري 28 .. وكل الشروط مطابقة .. انا بحاول اتصل عليهم اليوم واشوف لكم الخبر |
اقتباس:
دخلت على رابط طباعة الطلب و حصلت أسمي في قائمة متقدمين على وظيفة . أذا سجلت و طلع الرفض أتأكدي من أسمكي موجود في قائمة لكن اليوم شيكت على موقع طلع لي يرقض ؟؟؟؟ موقع مضروب على الأخر |
شكرا أختي سمايلنق على ردك الكريم...
قدمت على محاضر وعمري 29 وبالتالي عمري مطابق هذا الي حبيت أوصله... بخصوص طقت المشوار عشان المطابقة فقط هذا وباء جماعي للأسف معظم الجامعات تتعنت فيه أذكر مرة رحت للمندق عشان المطابقة وكان اﻻختبار بعدها بأسبوع فما قدرت أروح ﻷن الفاصل بين الموعدين ما يسمح إني أجلس أستنى ﻻ شغل وﻻ مشغلة وﻻ معارف وﻻ يسمح إني أروح وأريح ثﻻث أيام بعدين أرجع أضرب المشوار نفسه لين المندق مستحيلة فكنسلت الجامعة. |
اقتباس:
اﻵن حتى القائمة الي تقول عليها وأشارت لها اﻷخت مهاجرة اختفت وصارت تطلب كلمة مرور!!! البوابة حقتهم تعيسة للغاية أرسلت لهم استفسار من نفس الموقع وأرسلت إيميل بعد على العنوان الي أدرجته سابقا اﻷخت مهاجرة وأرجو إنك ترسل إيميل لعل وعسى يحسون على دمهم ويضبطون الخرابة حقتهم الي يقال لها بوابة!! ما أدري وش له داعي اﻻختراع العظيم هذا دام ما تقدرون على تصميمه وإدارته!! وﻻ هي حتى ذيك البوابة الي فيها تفصيﻻت وإمكانيات كلها معلومات أولية وبس!! يعني ما يحتاج اﻷمر كل هالزحمة والشارع فاضي!! جاب الله الهوتميل والاسكنر يجيب لك الشهادة لين حدك!! الله كريم بس. الله يسعدك أخوي أرسل على اﻹيميل سابق الذكر استفسار ﻻ تنس كثر الدق يفك اللحام، ويد الله مع الجماعة. |
اقتباس:
هﻻ والله بالمهاجرين العائدين اﻵيبين الي لربهم حامدين... حيا الله هالطلة.... نورت المتصفح... وبانتظار ما يستجدك معك أسعدك الله. |
جماعة الخير!!!!
مدري أقول صباح الخير..... وإﻻ مساء الخير.............. وإﻻ نصبح كلنا على خير....! مصدوووووومة مصدوووووومة مصدومة بالحيل!! تبون تنصدمون زيي؟؟؟ تعالوا حبايبي العاطلين حملة الشهادات الجامعية العالمية والمبتعثين وغير المبتعثين: قفل التقديم أمس الساعة 7 المساء!!!! من وين لك الخبر أكيد كلكم تسألون هذا السؤال! اتصلت على مكتب مدير الجامعة وجاوبني السكرتير وقال بكل رباطة جأش قفل التقديم أمس الساعة 7 المساء! متى قفل؟؟ قصدي متى فتح أصﻻ عشان يقفل!!!!! ليش كذا لييييييش؟؟؟؟ حرام عليكم يا مسؤولين عيال الوطن ترانا ﻻ تعطلون قدراتنا! |
ههههههههههههههههه
من جدهم شكلهم فتحوا وتورطوا باعمارهم وقفلوا التقديم ولا بقالة هي ههههههههههههههههههههه المهم خيرها في غيرها ..اخاف انها جامعة ستانفورد..كلها الجوف ما في حسرة عليها |
الساعة الآن 10:58 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين