السلام عليكم


يعلم الله مافيني من هم وغم وانا توني طالب خريج ماتهنيت ولافرحت


مشكلتي هي


تدربت عند مكتب وقع معي عقد تجريبي مده 90 يوم راتب 1800 ريال


ولكن وبعد انتهاء تدريب الجامعه تركتهم وقلت عقد تجريبي ماني مقدم استقاله غبت اكثر من اسبوعين وتفاجات انهم سجلوني في التامينات الاجتماعيه ؟؟


جيتهم وقدمت استقالتي وقلت هذا عقد تجريبي يحق لي افسخ العقد متى مابغيت


اعطيتهم استقالتي خذوها وقالو تبي نعطيك اخلاء طرف من التامينات ادددفع 1500 ريال؟؟؟


قلت راتبي 1800 وادفع لكم 1500 ريال؟


قالي ادفع اللي تقدر عليه قلت ماعندي وماني مستفيد من التامينات احذفوه

قلت اتنازل لكم عن راتب اسبوع ونص اوقع اني استلمته بس احذفو اسمي ورفضو !!


رحت التامينات وقدمت شكوى

قالي الموظف تعال بعد اسبوع مع العلم انه فيه ناس كثير حالتي بالتامينات ولا استغرب من كلامي قالي عبي ورقه الشكوى



لكن سؤالي الان / التامين ينتهي اول يوم في رمضان هل يختفي اسمي من التامينات اني غير مسجل؟


والسؤال/ هل اقدر اتوظف في رمضان ولا لازم اخلاء الطرف هذا عشان ينحذف اسمي من وزاره العمل والتامينات

طبعا انا تعرضت للابتزاز والتهديد

كانو يخوفوني بتقييم اللي يرسلونه للجامعه نهايه التدريب

راتبي استلمته ناقص 1140 ريال

ورفضو يعطوني صوره من العقد اللي وقعته



ساعدوني الله يجزاكم خير


نفسيتي سيئه جدا ولا انام الليل والله

ياخوي يبتز من صاحي انت سعودي سيدهه وتاج راسه قدم شكوى لمكتب العمل وهم يخرجونك

قدم كمان شكوى لتامينات وإذا انت رجال روح كسر مكتبهم

لاتدفع لهم ولا ريال ولا يحقلهم والمفروض ماتوقع عقد معهم دامك طالب متدرب العقد بينهم وبين الجامعه

فقط فقط

وقلهم نزلو أسمي ولا بروح مكتب العمل

وأذ ينتهي اشتراكك بأول رمضان مايحقلهم يجددولك


وبالنسبه لتقيم

روح على طول للمسئول عن التدريب بالجامعه

وأشرحله الوضع قل يقولون لي أدفع فلوس ولا تقيمك بالجامعه بأيدينا

على طول راح يلغي العقد معهم هم الخسرانين

ساعات لازم تستخدم سياسة عنتر بن شداد

لا اؤيدها كثيرها ولكنها نجحت مرة معي ضد شركة اغلب مدراؤها اجانب

ولا ريال تعطيهم

قدم شكوى للتامينات

مثل هالحالات يكون اسمك مستفاد منه بالتامينات

ويقولو لك ادفع مثل ماصار مع اخوي

بس بالنهاية انت ابن البلد ومحد يقدر ياكل حقك

لا تعطيهم ولا ريال
واذا اسمك باقي مسجل عندهم فهذي عليهم مو عليك لان المفروض يصرفون لك راتب

انت صغير توك ابو 19 20 يا لبيه هههههههه

قسما بالله انهم يستغلون صغر سنك وقلة تجربتك وقاعدين يخوفونك

عرفت ترى السالفة انك توك صغندود مسيكين واصلا من كلامك تقول اني ما انام الليل يا لبى قلبو اللي ما ينام الليل ههههههه

اقول اسمع وقف وانت تسمعني يا ولد (ففيس حازم كله جدية ) لا يكثر ترى انت في دولة عدل وامان واسلام

انت اصلا موقفك سليم الراتب ينزلك ما يبونك يحذفونك من التامينات ولا انت روح التامينات شيل اسمك وخلاص