|
والحل مع المدير الكذاب
السلام عليكم اخواني
انا اشتغل في شركة ومديري اكبر كذاب اقولها وانا شهيد امام الله ومو انا فقط الي اقول انه كذاب جميع من تعامل معاه يقول انه كذاب المهم مابي اطول عليكم انا مندوب جده مكه مره اتصل علي المدير العصر وهو معصب وقال ليه اخرت الاوراق الي اعطيتك ايها عشان تسلمها للشخص الي اسمه عثمان قلت له يامديري ما استلمت الاوراق ولا اعرف عنها اي شي قال لا انا متاكد اني اعطيتك ايها في تاريخ 22 قلت ما اعطيتني ايها. قال ياخي متاكد اعطيتك ايها سكت لمدة دقيقه وقلت يمكن هو واقع في ورطه ويبغاني اطلعه منها لانه الاوراق الي يتكلم عنها حق 5 اشخاص لنقل الكفاله حقهم على الشركه فقلت ايوه كانت عندي الاوراق كثيره وتاخرت في التسليم بسبب كثرة الاوراق والمشاغل (وانا اكذب) وجبت لنفسه العذر وفكرت اني انقذته ولكن المدير الكذاب استغل كلامي وقال افصلوه او يرجع لمهنة عامل مع العمال في التليس والغبار اتصلت عليه كذا مره مايرد عشان اوضح له كل الحقيقه الا انه رفض يرد على مكالماتي رحت للشخص الي اسمه عثمان الي استلم الاوراق المتاخره قلت له اوراق نقل الكفاله مين سلمها لك هل انا استلمتها قال لا مو انت انا استلمتها من مندوب اخر مو منك الحين كيف اتصرف مع المدير مو راضي حتى يسمع مني انا احس انه هو استغل كذبتي معاه يوم انقذته ويبغى يتخلص مني والحل ياخوان؟؟؟؟؟؟؟ |
كثير يمرون بنفس موقفك وانا اولهم ممكن اكذب عشان ازبن شخص وانقذه من مشكله بسيطه عشان ماتصير مشكله أكبر
بس الشخص هذا اما احد اخواني او اعز اخوياي لاني اثق فيهم اما في العمل ماأيد اللي انت سويته افضل شي تكون صادق وواضح في عملك حاول تتواصل معاه وتشرح له الموضوع واذا كان متبليك عشان ينزل مستواك في العمل انصحك تقدم شكوى عليه الله يوفقك |
الله يعطيك العافية على الرد و التواصل
انا فكرة بالشكوى ومتاكد لو قدمت بالشكوى حتكون لصالحي بس ماني عارف وين أقدم الشكوى و ايش الطرق النظاميه والشي الي خايف منه انهه الشيخ الشركة يزعل لو قدمت شكوى |
روح لمدير الموضفين وأشرح له الوضع
وقل قلت كذا عشان افتك منه وروح لسوداني وخليه يكلم مدير الموضفين ويقول مو هو الي سلمني الأوراق والمدير الكذاب وقف بوجه لو يقول أنا قايل لك كذا قل لااااااااااااااااااااااااااااااااااااااااااااااااا اااااااااااااااااااااااا ماقلت كذا خلاص لو مشيتها مره يبي يسويه كل مره |
خلك سعودي وقدم عليه شكوى
|
يا جماعه الكذب مفسده ومداه قصير ومذله اصدق بعملك وقولك ولا ترى الا زين وقوة شخصية
|
| الساعة الآن 08:18 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين