|
استشارة :عسكري _قطاع خاص _مدني ايهم افضل
السلام عليكم ورحمه الله وبركاته يا شباب هذا اول موضوع لي وانا ابي استشير الكل انا خريج معهد اداره بمعدل حلو وعندي شهادات حاسب وشهادات اخرى تتعدى 6 شهادات واقدر اتوظف في مجال اداره المستشفيات لان هذا تخصصي نجي لزبدة الموضوع ايهم افضل العسكريه : خاصه القوات المظليه برتبت وكيل رقيب او رقيب بسبب الشهادات دوره متعبه راتب ماعندي خلفيه لاكن يقال فوق 9 الف تعيين بعيد , الدوام ما عندي اي خلفيه بيكون قطاع خاص رواتب من 5 الى 7 بالكثير ودوام كرف بمعنى الكلمه من الصباح للمغرب و 6 ايام بالاسبوع لكن ممكن التطور الوظيفي سريع وتغير متى ما بغيت والترقيات تجي غصب مع السنين المستشفيات: خلال تطبيقي دوام من الصبح الى 5 العصر وكرف العمل وضغطه مو بسيط غير الاختلاط وغير مشاكل المرضى وتعذيب الضمير وراتب 8 الف ريال لا احد يقولي انت بتكون حر بالمدني ترى الى ما ذاق دوام المستشفى لا يقعد يتفلسف, عندك شهر اجازه ودوامك هو حياتك تنام بدري عشان تقوم بدري والمستشفى ضغطه مو سهل للناس الى يشتغلون بذمه لان الى حولك كلهم بمزوطين وانا اشوف نفسي مو راعي لعب بالعكس راعي عمل لكن احس ان هذا ياثر علي وفوق هذا الاختلاط وتميع البنات انا عندي حميه ولا ارضى قلة الحياء والمسخره الى تسير فيها لكن بالنهايه ابي الشي الصح الخاص يكفي مذله الاجنبي والله العالم , اشوف انك تذل لوطنك وعلى يد اخوانك ولا تنذل تحت سوري ولبناني , مو عنصريه لكن هم العنصريين والله الموفق :w |
لكل قطاع عيوبه ومميزاته والقرار الأول والأخير لك
بالنسبة للعسكرية ضغط نفسي وبدني احيانا مع راتب جيد ولكن يجب ان تكون قد العسكرية وتتحمل الاهانات التي قدتصدر من الضباط او من بعض الافراد. بالنسبة للقطاع الخاص دوام لساعات طويلة مع راتب منخفض ومعاملة قد تكون سيئة بعض الاحيان من الاجانب الذين لايتمتعون بأي حس من الذمة والضمير. بالنسبة للوظيفة المدنية قد تكون انسب من القطاع الخاص واقل مشاكل من العسكرية ولكن التعيين عليها صعب جدا مع رواتب مناسبة جدا بالنسبة لوظائف المستشفيات فيها ضغط عمل بسبب كثرة المراجعين وخصوصا وظائف الاستقبال والمواعيد الله يكون في عونهم ولكن راتبها مرتفع مقارنة مع القطاع الخاص |
العسكرية ظغط نفسي شوي لاكن مع المنظبط ما تفرق
القطاع الخاص ظغط بدني ونفسي حاول في الوظيفة المدنية ولو انها صعبة لاكن نفسياً اريح وبدنياً بالنسبة للمستشفيات أنصحك تقدم على مستشفى الحرس تشغيل ذاتي أعرف واحد نفس تخصصك مرتاح بس تعبان من ناحية الدوام 12 ساعة شفتات 3 ايام 12 ساعة وثلاث ايام راحة والراتب حلو والإستخارة أهم شي وأسال الله التوفيق للجميع |
حبيبي انا مجرب دوام المستشفى قبل كرهت نفسي مذله وربي ماشفتها فالعسكريه الان غير الاختلاط ودوام طويل مثل ماقلت , والان حمد لله مرتاح اداوم 12 واريح يومين وتعامل رجولي اخوه بمعنى الكلمه غير الراتب العالي وعند اهلي نحمد الله ونشكره بان تفضل علي بهاذي النعمه ..
انت لاتروح للجيش تشطح مره وحده هو اللي فيه نقل , حاول الامن العام او الحرس او الحرس الملكي الشي القريب لمك ومضمون بالتعيين الثابت والراحه ف الدوام اسأل الله لك التوفيق |
صلاه الاستخاره تحل موضوعك باذن الله
|
اذا بتدخل عسكريه عندك قطاعات الداخليه رواتب اعلى ودوام في الرياض
مثل الامن الدبلوماسي ، قوات الامن الخاصه( قطاع مستقل لحاله ) ، المباحث اذا عطوك رقيب فتاكد ان الراتب من ٩ وفوق .. حبيت افيدك بالي اعرفه ومتاكد منه |
مدني ولا تفكر ب غيره
|
ابعرف ليه حطيت برآسك من العسكرية ، القوات المظلية ؟ تراه تخصص بالجيش وهو يمكن الاعلى بالرواتب بس انه نفسية لأرواتب زينه ولأ ترقيات وراح تشوف الكرف فيه ، ودقيش ماراح تحصل الى بطلعة الروح ، ومناطق محدده
ترآ فيه غيرهآ افضل بكثير ، اذا طولك +168 عندك المباحث لهآ اقسام كثيرة مباحث إدارية " وهي الافضل على مستوى المملكة " المباحث العامة ومدري اذا فيه غيرهآ بس هذي الي اعرفهآإ ، تداوم 24 تسلم 72 وفيه نآس تستلم 12 وتسلم 48 وفيه نآس تستلم 6 ساعات وتسلم 48 دوآمك كانك رايح لأخويك تبي ثوب تبي بناطيل علىُ كيفك ، و شهادتك اذا انهآ دبلوم يمكن يعطونك وكيل رقيب او عريف راتبك على الاقل +9 وخوي وكيل رقيب بالمباحث راتبه 11500 تقريبآ ، ولأ كانك عسكري ، ومجالاتها كثيرة ماقدر احدد لك تخصص لأنك مآتدري وين يحطونك ، واغلب تخصصاتهآ يعم عليهآ السرية يعني ماتدري وش دوامهم بس الي اعرفه كآنك مدني وفلهه وكلن يتمنآهاإ وترقيآتهآ مافيه تطويفَ الى المبزوط عندك البحث والتحري " يتبع لشرطة من الامن العام " : دوامهم مثل المباحث بالضبط ، بس رواتب اقل بشيُ بسيط جدآ _ وعملهم البحث عن المطلوبين في قضايأ جناية مثل المفحطين الحرامي المطلوبين لشرطة والدوريات والمرور وغيرهه يجيبونه فقط ، عندك امن الطرق ، اغلب الناس يدوامون 24 ساعه _ يسلم من الدوآم 72 ساعه يعني 3 ايام وفيهآ توكيل تقدر تخلي خويك يستلم عنك ، وانت بعدين تستلم عنه ,,آلخ عندك قطآعات عسكرية كثيرة حلوهه ، ابعد عن المظلين مكروفين ترآهم استخير ثم استشير لأتسوي شيُ على عمآك ، ترا هذا مستقبلك ، ويفيدونك اصحاب الخبرة الي سبقوكك وعلى العموم عطيتك التفاصُيل لآجل يكون عندك معلومات بسيطة " نصيحة _ لأتسآل واحد مو مرتاح بعمله او ماكان له فكرة انه رايح يكون عسكري ، لأنه راح يسب لك بالعسكرية وماراح يخلي عيب مايقوله فيهآإ ، شوف ناس مقتنعين وموكلين امرهم لله تحصله مرتآح بعمله لو انه عامل نظافة " الله يرزقنآ ويرزقك من واسع فضله ، اعذرني على الإطالة |
| الساعة الآن 12:22 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين