توي متخرج واسمي في وزارة العمل والتامنات هل تقبلتي الجامعات والشركات
السلام عليكم
انا سجلت في شركة قبل شهرين وتخرجت الحين من الثانوية بتقدير ممتاز هل وجود اسمي في وزارة العمل والتامينات يهدد قبولي في الجامعات والشركات مثل سابك وارامكوا ؟ ولو فصلت من الشركة وسقط اسمي من وزارة العمل لكنه باقي في التامينات هل تنحل المشكلة ولا لازم بعد يسقط من التامنيات ؟ ارجو الرد من اصحاب الخبرة ؟ |
وعليكم السلام ورحمة الله وبركاته:
الوضع عادي جداً الجامعات ما اعتقد يدققون ويبحثون وراك اما الشركات مثل اللي ذكرت اذا قبلت عندهم انت تعتبر موظف ولازم يسجلونك في التامينات اذا قبلوك تروح للشركة وتجيب اخلاء طرف ويشيلون اسمك من التامينات وبالتوفيق للجميع |
بسم الله الرحمن الرحيم
السلام عليكم ورحمة الله وبركات الجامعات أخوي مادرو وين الله حاطهم و ماياثر على تقديمك ابدا بس الشركات اللي تنتهي بالتدريب لا لان من البداية تعتبر عندهم موظف ويسجلوك في التامينات الاجتماعية وموفق يارب :w |
طيب يا اخوان اذا فصلت من الشركة لكن اسمي موجود بالتامينات لانه يقعد ثلاث شهور علئ مايسقط
يسبب مشكلة لي وجود اسمي بالتامينات فيه ناس يقولون عادي مايسبب لك شي وناس يقولون لا لازم يسقط الاسم ويقعد ثلاث شهور علئ مايسقط بس عادي تسجل بشركة سؤال ثاني كم يوم يقعد اسمي في التامينات بعد طلب الاسقاط ؟ |
وعليكم السلام اخوي عادي افصل من الشركة السابقة
واهم شي يلطع لك في التأمينات انت مسجل ولكنك لاتعمل حاليا ( عادي يعني انشلت منهم) ومكتب العمل كذلك (لايعمل حاليا) يكون موضوعك منتهي لأن لازم يسقطوا اسمك بالأخص اللي تكون مدعوم من الموارد البشرية بالتوفيق لك |
انا رحت للشركة وطلبت استقالة ورفض يقول لازم تجي بعد عشرة ايام يكتمل الشهر و تستلم راتبك واسوي لك اخلاء وانزل اسمك من الشركة الان ما اقدر هل كلامه صحيح انه لازم اكمل شهر في التمينات ولا يتلاعب ومايبي يفصلني عشان يستفيد من اسمي
|
يقدر ينزلك في أي وقت عادي بس هو مايبي يخسر لأن دفعلك حق التأمينات ويبقى يستقل اسمك
بس دام انه وعدك بعد 10 أيام الله يعين بس كان حاولت معاه يخلصك ... والله يكون بعونك أخوي |
الساعة الآن 09:54 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين