خدعة حافز الجديدة .. إدخلوا كلكم // وين حقوق الانسان ومكافحة الفساد؟؟ حسبي الله
بسم الله الرحمن الرحيم
طبعا اغلبكم ما قدر يدخل على موقع حافز لكن انا قدرت ادخل بعد لف ودوران حول الموقع ولما ضغطت تسجيل دخول اعطوني هي على بلاطه شوفوا الصوره http://im32.gulfup.com/lE44N.png الشي الثاني والخدعه الكبرى من حافز اقولكم اول شي ايش صار معي لجل تستوعبوا ايش الحركه الخبيثه حقتهم انا شخص عادي مثلي مثلكم ولاني محسب لحركات حافز الملتويه احدث بياناتي بالاسبوع مرتين طبعا في كل مره احدث بياناتي والله العظيم يا اخواني اني ادخل على التدريب الالكتروني ويطلعلي لا يوجد لديك تدريب إلكتروني لاني حاسب حساب هالشي المصيبه قبل اسبوع لقيت عندي تدريب الكتروني ولما دخلت على جدول التدريبات لقيت تقريبا 6 تدريبات انا متغيب عنها !!!! كيف طيب ؟ اذا كنت متابع اول بأول وما كان ينزل لي شي خصوصا ان التدريبات بتواريخ قديمه يعني متأكد فيها اني شايف هل في تدريب ولا لا وما كان يطلع لي ان في عندي تدريب المهم الموقع اليوم مقفل وما يخليك تدخل تحدث او تكمل تدريبك ناويين يخصموا علينا هذا اكييييييييد واذا اشتكى احد او حس فينا احد بيقولو له خصمنا لانهم متغيبين عن بعض التدريبات مو عشان موقعنا معفن وما يفتح :( الله يسلط عليهم وينتقم من كل شخص حاط راسه براس غلابا حافز حقوق الانسان ومكافحة الفساد نامو واشبعوا نوم هذا الشعب ما ينتظر منكم شي الحرب قريبه وراح نشوف من يدافع عن هالوطن هل هم المسؤولين الي مترززين بمكاتبهم ولا ابناء الوطن البسطاء . |
نفس الحاله اسم المستخدم او الرقم السري خطا يعني يبغو يخصموون من المبلغ
مااقول الا حسبي الله ونعم الوكيل بس |
حسبي الله عليهم ابحدث اخر يوم للتحديث
وانا من امس احاول بالموقع ويطلعلي الرقم السري غلط او كلمه المرور |
جزاك الله خير
|
الله يسلط عليهم لي اربعه ايام ماخليت متصفح ولا جوال ولا لابتوب وما رضي يدخلني ونفس الشي لقيت تدريب انه السبت يبدا وبقدره قادر اختفي التدرب وكل شي حسبنا الله ونعم الوكيل عليهم يبغون يقطعون ذا الرزق الوحيد لنا الله يسلط عليهم ولا يربحهم في كل ريال اخذوه بغير حق
|
انا في العادة أحدث كل يوم جمعه
وسبحان الله هذا الاسبوع حدثت يوم الاربعاء والخميس الحمدلله حدثت |
صادق في كل حرف .
|
حسبي الله عليك يا حافز ذليت شباب وبنات الوطن لكن مصيرك يا حافز تصير كابس
|
ماراح يكون في خصم على التدريب المتغيب عنه هذا كلامهم لي عندما قمت بالاتصال بهم والاستفسار عن الدورات المتغيب عنها
|
كشفت مصادر في وزارة العمل عن اعتزام صندوق تنمية الموارد البشرية "هدف" خلال الشهرين المقبلين، تطبيق عقوبة بحق المستفيدين من البرنامج الوطني لإعانة الباحثين عن العمل (حافز)، حال تخلفهم عن حضور دورات التدريب الإلكتروني، وذلك بخفض الإعانة بمقدار 200 ريال بصورة دائمة في كل مرة يتغيب فيها المستفيد عن حضور التدريب.
ويحق للمستفيد من برنامج "حافز" تأجيل دورة واحدة فقط خلال الشهر، وفي حال تكرار تغيب المستفيد عن الدورة لأكثر من مرة بنفس الشهر، سيتم خصم مبلغ 200 ريال شهريا عن كل دورة يتغيب فيها. وأوضحت المصادر أن العدد المسموح لمرات التغيب للمستفيد خمس مرات، تشمل عدم تحديث المستفيد للموقع، أو تغيبه عن الدورات الإلكترونية مجتمعة، وحال تكرار أحد هذين الأمرين للمرة السادسة يتم إقصاء المستفيد من البرنامج وحظره عن الاستفادة منه لعدم إثبات جديته. حسب (عكاظ). محدثين محدثين ومتدربين متدربين والالفين ريال من فوق خشومكم ماخذينها ماخذينها لو نقعد 24 ساعه قدام اللابتوب ما يمهنا الموضوع صار تحدي للشعب وتحدي لرزق الشعب سياسة حافز عارفينها وما تخفى علينا تطفيش الناس منه - حطوا شرط العمر اقل من 35 - اول شي كان من تنقبل ينزل لك شهريا وبس - صاروا يدقوا علينا ويقولوا في وظيفه بشركه بالمريخ واذا رفضت شالوك من حافز - جابوا التحديث الاسبوعي لجل يطفش الشعب ويترك حافز لكن الشعب وراهم الانتظام في اروع صوره - الحين حطوا التدريب الالكتروني وصرنا كأننا في مدرسه ونفس الشيء وريناهم الانتظام اتذكروها يا اخوان واتذكروها زييييييين كمان راح يجي يوم يحطوا لك وقت دخولك وهم محددينه مثلا ( للتحديث ادخل الساعه 1 الظهر ) ولا تسهروا هذا اذا ما كان التحديث يومي الله يستر انا عن نفسي والله العظيم مرات اقول ماني محدث وطز في حافز والله لا يرده جابلنا القلق والتعب بالتحديث بس اليد قصيره والحاله ما تستحمل ولازم ادعس على كبريائي لجل اعيش واقضي مستلزماتي العاديه انا ادري ان حافز يكلف الدوله مبلغ وقدره كل شهر ليش من الاول قررتوه ؟ ليش تبغوا تطفشونا منه ؟ هالمبلغ معقول مأثر على ميزانيتنا ؟ هالمبلغ يروح لابناء وبنات الوطن ما يروح لبرا السعوديه والملك عبدالله الله يطول بعمره ويحفظه لنا هو عطانا اياه وقال هذي مني لعيالي يجيك مسؤول ما يسوى بصله يسوي فيها نظام على كيفه لا وحقوق الانسان تقول ما جتنا اي شكوى من الناس على حافز لا يا شيييييييخ ؟؟؟!! اقسم بالله ان النت مليان دعاوي ومصايب عن حافز ويمكن اكثر موضوع سعودي فيه تظلمات هو حافز ومكافحة الفساد خلوها نايمه لان هي اصلا يبغالها مكافحة فساد الناس ما تبغى تدريب الكتروني لان اغلبهم يضغط التالي التالي وياخذ الاجابات من قوقل الناس تبغى تااكل تبغى تاكل بالالفين ريال يعني تدريب تعلمني فيه كيف اتعامل مع الناس ؟ لو انهم صحيح يبغوا يعدوا جيل للعمل حطوا تدريباتكم الالكترونيه كمناهج بالمدارس مو تجيني بعد 15 او 17 سنه دراسه .. تدرسني من جديد !! وتعلمني كيف اتعامل مع الناس ما سويتو خير يا مسؤولين حافز وذنب هالناس برقابكم ليوم الدين وفي شيخ يقول ما يجوز احد يدخل عنك التدريب الالكتروني !! بالله هذا وش نرد عليه ؟ انا بسكت ما بعلق على موضوعه لان الي مثله يسكت عن حافز كله ويتكلم عن هالشي بالذات ما يستحق منا كلمه بالاخير واسف على الاطاله راح يجي يوم ويعرف العالم كله ان الشعب السعودي يستحق اكثر من حافز عندما قال الجنود الانجليز لقائدهم لماذا نقاتل من اجل انجلترا وليس لنا فيها ارض ! سيقول الشعب السعودي : سنقاتل من اجل تراب هذه البلد وحتى لو لم يكن لنا فيه ارض او حافز وحتى لو كان الفاسدون يضيقون علينا عيشنا . |
الساعة الآن 03:49 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين