السلام عليكم ورحمة الله وبركاته..
أنا طالب جامعي , حصلت على عمل 6 ساعات يوميا لكن المفاجأة !

إخواني انا قدمت على شركة ليتل سيزر وقبلوني الحمدالله , المهم سويت المقابلة وكل شيء وتيسرت , كنت مبسوط إلا إن الموظف اللي سوى المقابلة معي بدأ يحطم أمالي أمل تلو الآخر , المهم يوم جيت أسالة عن الدوام قال الدوام 6 ايام بالاسبوع ويوم إجازة ولازم تكون مو مسجل بالموارد البشريه.
طبعا يوم الإجازة يقولك تاخذة من الأحد الى الاربعاء غير كذا لا يعني بالويكند مستحيل آخذ إجازة, أظف إلى ذلك إن اول 3 ايام الدوام 6 ساعات , وثاني ثلاث ايام 8 ساعات الى آخر يوم بالدراسة يعني الخميس والسبت والأحد 8 ساعات , هذا وأنا طالب جامعي , لكن الحاجة حدتني.

قلت له ما أستطيع أداوم كذا أنا دراستي تحتاج متابعة.
المهم ما علينا , سألته عن الراتب فقالي اول شيء تداوم فترة لين تترسم قلتلة كيف وكم الراتب بيكون؟
يقول بتداوم اول شهر او شهرين او مدري كم لين تثبت نفسك بعدين نرسمك , طبعا مصلطلح
(نرسمك) ما عجبني لأني في شركة خاصة 100% , المهم قلت له كم الراتب إلين أترسم , سألته ويا ليتني ما سألت , يقول 10 ريال على كل ساعه تداومها يعني أحسبوا 3 ايام الدوام يكون فيها 6 ساعات , وثلاث ايام 8 ساعات.. اي ان الراتب راح يكون مجمعه 1680 ريال فقط لا غير إلى أن أترسم.

انا حقيقة الوضع مو عاجبني جدا.

بالله عليكم وش رايكم؟
راتب 4000 الآف مع دعم الموارد وش رايكم؟
وش رايكم بعدد ساعات الدوام كطالب ماهي ظلم؟
ايضا راتب ما قبل الترسيم ماهو حرام أندعم ويعطوني 1680؟
أتركها وأبدا مشوار البحث مرة أخرى؟
تسأؤلات كثير تدور في ذهني لكن شوروا علي بالشور الطيب.

اشكركم كل الشكر إخواني الكرام والله يوفقكم ويسعدكم..

يابن الحلال 8 ساعات كطالب صعبه عليك

لاكن يأأخي الشركات كثيره وتدور طلاب بدوام جزئي وراتب أفضل وبدون دعم

أنت بأي منطقه

مغترب بمنطقة القصيم..