|
راتب الشركات الخاصه
السلام عليكم ورحمة الله وبركاته الموضوع اللي بتكلم عنه كان قاهرني من زمان ولازال...أنا مستغربه من أغلب الشركات حاطه راتب مغري 3500 بعدين يشمل (التأمين الصحي ,بدل سكن،بدل مواصلات،بدل...،بدل....) أولاً شئ وش اللي مغري ب 3500!!!!!!!!! ثانياً هذا الراتب كيف يتحمل كل هذي البدلات!!!!!!!! ثالثاً أجل كم الراتب الرئيسي!!!!!! 50؟ 100؟ 500؟ حنا ب2013 الإيجارات ارتفعت الغذاء ارتفع الملابس الجوالات كل شئ وأنتم على 3500 وإن طارت 4000 أبي أشوف رايكم؟؟ مع إني محتاجه الشغل بس أشوف الرواتب أنقهر وأتراجع،أنتم مثلي ماترضون إلا براتب يستحق التعب والمجهود اللي نسويه ولا أي شئ بس أهم شئ إنه شغل |
فعلاً لاقينا بالرواتب هذي
راتب قليل ويطلعون روحك بالعمل واخر الشهر تصير مديون لو انك عاطل ارحم بصراحه يفترض بما ان الشعب عاطل ومو محصلين وظايف حكوميه يدعمون القطاع الخاص بنصف الراتب ويكون عالي مثلاً الشركه اقل شي تعطي 3500 + الحكومة 3500 = 7000 راتب معقول ويستاهل التعب الله ييسرها ان شاء الله |
اقتباس:
|
من جد 3500 ولا شي
انا راتبي4500 ادفع للسياره 1500 + 1000 اجار شقة والمصاريف الاكل والشرب لايقل عن 1500 كويس اذا يصفالي 500 ريال بالشهر ولا زواج ولا شي وكل تاريخ 5 من الشهر يخلص الراتب اذا طول جلس الى تاريخ 10 وكله ديون في ديون لا ويجيني واحد يقول ليه عمرك 29 وماتزوجت .!! ابد والله فتره نقاهه المفروض حد ادنى 7000 ريال عشان الناس تشتغل وتكون مرتاحه نفسياً الحين الشعب السعودي صار من اكثر الشعوب عصبيه لو تكلمه يتهاوش معاك في الشارع في السياره بالمحلات في مكان ضغوطات الحياه صارت تأثر على الشخصيه وصار هذا هو الطبع العام مع الاسف والناس واصله معها ماقول الا حسبي الله ونعم الوكيل مليارات تروح وحنا على 2000 و 3000 ريال رواتبنا |
للاسف الوضع تعبان جدا والرواتب متدنية الى متى ؟؟؟
الله اعلم |
| الساعة الآن 01:32 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين