تسجيل الدخول
|
|||||||
تأسس الموقع عام
2006
Site was established in 2006
|
|||||||
| موضوع مغلق |
|
|
LinkBack | أدوات الموضوع | انواع عرض الموضوع |
31-07-2013, 05:44 AM
|
|||
|
|||
|
تجمع المقبولين ][نهائيا ][ بـ كلية الملك فهد الأمنية [دورة43 ]
تجمع المقبولين ][نهائيا ][ بـ كلية الملك فهد الأمنية [دورة43 ]
بسم الله الرحمن الرحيم تجمع المقبولين ][نهائيا ][ بـ كلية الملك فهد الأمنية [دورة43 ]  الحمد لله الذي من علينا وعليكم بالتوفيق والوصول الى هذه المرحلة ونبارك للجميع وصولهم لهذه المرحلة راجين المولى عز وجل ان يوفقنا واياكم لكل ما فيه خير وان يمن عليكم بالقبول النهائي . اولا نتمنى من الجميع مراعاة كل كلمة تكتب في هذا الموضوع لتعم المصلحة وليكون مرجع لكل الدورات القادمة باذن الله تعالى وما ودنا نشوف اشاعات ولا روابط وهمية ولا اي شي ياثر على الشباب المتابعين نرجو ان يكون هناك فائدة من هالتجمع . كلية الملك فهد الامنية تقع في شرق مدينة الرياض والهدف من وجودها امداد قطاعات وزارة الداخلية بالضباط الجامعيين المجهزين والمدربين لتلبية كافة احتياجاتها والمساهمه في دعم عجلة التنمية والمحافظة على امن هذا البلد الغالي . يتمتع الخريجين بوظائف في أحد " قطاعات وزارة الداخلية " الأمن العام (الشرطة - المرور - أمن الطرق - دوريات الأمن - الطوارئ - أمن الحج والعمرة - الامن الدبلوماسي ) الدفاع المدني قوات الأمن الخاصة المبـــاحث العــامة المديرية العامة للجوازات كلية الملك فهد الأمنية مركز القيادة والسيطرة مركز المعلومات الوطني مركز المشروعات التطويريه مكافحة المخدرات حرس الحدود الخدمات الطبية المديرية العامة للسجون قوات امن المنشات النتائج باذن الله خلال اليومين القادمة وان شاء الله يكون الجميع مع المقبولين والدورة راح تبداء تقريبا بنص شهر عشرة القادم يعني معاكم وقت كافي ان شاء الله ترتبون اموركم . نبداء نعطيكم نبذه بسيطة عن الاشياء والمستلزمات الي راح تحتاجونها خلال فترة الخمس والاربعين يوم .. بموقع الكلية فيه مجموعه من الطلبات الاساسية الي تحتاجونها ولكن فيها اشياء ما راح تستخدمونها ولكن من باب الفائدة اطلعو عليها :  - تحتاج لشنطة مناسبة تحط فيها اغراضك وتكون متوسطة الحجم وحاول تاخذ نوعية تمشي حالك لانك راح تستلم شنطة عهده وراح تستخدمها اجباري بعد الخمس والاربعين . حاول الشنطة تكون بكفرات " عجلات " عشان يسهل عليك التنقل بها داخل الكلية حتى وصولك لغرفتك . - ملابس داخلية وانا اقترح تاخذ كمية كبيرة لانك راح تحتاجها كثير والمطلوب سراويل قصيرة و الفنايل الداخلية فقط وللمعلومية الاغلب ما يستخدم الفنايل فحاول ما تكثر انا انصح باستخدام البوكسرات لانها اريح واحسن خصوصا للي متعود عليها والسراويل القصيرة حاول ما تكون بمطاط على الفخذ لانها بتتعبك في الرياضة والجزوات . - بدلة سماوي كم قصير فقط ولا احد يجيب كم طويل لانو ما راح تحتاجها الا الاشخاص المتعودين علييها لان الجو حار والكمية ما بين ثنتين الى ثلاث حبات كفاية وحدة تلبسها ووحدة احتياط بالنشطة ووحدة بالمغسلة والي بيجيب اكثر براحته - بجامة نوم كحلي هي مو مطلوبة ولا مجبور تلبسها ولكن خذ معاك حبه احتياط وهي موجوده بمحلات الرياضة بالعويس مع السماوي - قبوع ابيض جيب حبتين كفاية وفيه بالخياط موجوده لو احتجت زيادة . - شراب ابيض واسود كمية مناسبة وحاول تكون نوعيتها ممتازة عشان ما تطلع ريحة مثل الريبوك والاديداس وغيرها من الماركات الكويسة وحاول ما يكون فيه مطاط يشد على الرجل عشان ما يسوي لك مشاكل بالاقدام ماهي ناقصه . - حذاء حمام منااسب وهو من اهم الاشياء لانك بتلبسها كثير وهي اريح لك خلال تواجدك بالكتيبة والمسجد . - حذاء خاص بالتمارين والهرولة وهنا انصصح يكون نوعية ممتازة مررة لو تدفع فيها اي ملبغ لانها بتساعدك على الاداء بشكل افضل وما بتتعبك زيادة وهنا كمان انصح بالماركات العالمية مثل اديداس وريبوك وغيررها وترا راح تستخدمها طول فترة الكلية فاختار نوع ممتاز . - مناشف كبيرة وصغيرة وانا شخصيا اشوف وحده كبيرة تكفي . - بخاخ او بودرة الروايح وهذا مهم مررة ولكن الكثير ما يستخدمونه حاول تجيبة معاك راح تستفيد منه كثير . - اغراضك الشخصية مثل الصابون ومقص الاظافر واعواد الاذن وفرشة الاسنان ومزيل العرق وغيرها حاول تكثر مواد نظافة . - خذ معاك مبلغ مالي ولا تكثر اذكر اني ما صرفت كثير بالخمس والاربعين ميتين كفاية واذا انت راعي كانتين خذ خمس مية . وفيه صرافة لو حبيت تستخدمها باي وقت .  - صور شخصية لك وصور من بطاقة الاحوال ونموذج رقم 9 الي صورته اول . ونموذج البنك عشان المكافئات .  هذي اغلب الاغراض الي مممكن تحتاجها بالخمس والاربعين يوم وبعدها راح تعرف ويش تحتاج وتدبر امورك . الي يتوقع ان الكلية جنه وراح يستقبلونك بالورد والعطور تكون غلطان وهالفكرة لازم تتغير من الان وتعرف انك بتروح لمصنع من مصانع الرجال وفيه ضغط وتمارين وتعب جسدي ونفسي كبير جدا . والضبط والربط ما راح يجي الا بالشدة  التحضير راح يكون له رهبه وخوف وتتوقع انه فيه اشياء تردك وتخوفك زي شعورك لما تدخل مكان جديد او تنقل لمدرسة جديدة تاكد انك منت بلحالك وان الي معاك مصيركم واحد فلا تقلق وتعوذ من الشيطان لو حسيت نفسك غريب . بتدخلون الصالة الرياضية وراح يوزعونكم على الفصايل حسب الرسائل الي بتجيكم وبيجيكم ضباط الصف ويستلمونكم وتروحون للكتائب . بتعرفون غرفكم و مواقعكم وبعدها بتستلمون العهد وتتوزعون كل واحد لغرفته تنظفونها وترتبونها . راح يتابعكم ضباط الصف ويعلمونكم كل شي .. الغرف بالاول راح تكون محيوسة ومي مترتبه ومليانة غبار بعد الصيف فتتعبون شوي انصحكم تروحون للخياط وتشترون من هناك ملايات جاهزة وبيوت مخاد مريحة لك خلال الخمس والاربعين يوم . بالنسبة للحلاقة فلازم يكون الحلاقه رقم واحد ومو اسبوعيا اسبوع حلاقة واسبوع لا راح تعرفون كل شي بوقته . والحجوزات فيه انواع كثير من الحجوزات حسب نوع المخالفة وراح اعطيكم ترتيبها حسب النظام القديم للاجازات وانتو عدلو عليها : حجز تاخير وفيه يطلعون الطلبة المحاجيز بعد المغرب او العشاء حسب الضابط المستلم . < احلا حجز حجز خميس وفيه يطلع المحاجيز يوم الخميس الظهر او العصر حسب الضابط المستلم , حجز اسبوع كامل .  حجز اسبوعين .  وفيه مخالفات يجي فيها حجز اسبوع او اسبوعين وسجن مع خصم من درجات السلوك . النظافة تكون مجدولة حسب اليوم وكل يوم لك شي تنظفة . فيه استلامات تلحقك كل فترة وهي خفارة بالليل والطلاب نايمين وتكون بالممرات حقت الكلية وتكون مدتها ساعة ونص وبكل يوم يستلم اربعه اشخاص من كل فصيل يعني دورية تلحقك كل اسبوعين او ثلاثه . واي مخالفة تسويها ينزلونك خفارات تنضبط غصب عنك اذا صارو الناس نايمة وانت مستلم .  بعدها راح تعرفون كل شي بوقته وحسب الخطة او البرنامج الي مجهز لكم هذي بعض الصور عشان يكون عندكم تصور للوضع .. التحضير راح تكون اشكالكم كيذا بالضبط .. وانتبه لـ اللون حق السماوي   وهذا شكلكم بالحصص الصباحية والمسائية وهنا نشوف الموشحين الي راح يجننونكم لقبهم بالكلية الشبيحه .  وذي صورة للميدان والابراج حقت التعليم  هذي وحدة من الغرف بس الصورة قديمة شوي ايام المموه القديم  وهذي صورة للمرات حقت الكلية باليمين دورات المياة وباليسار الغرف وهذي برادات الموية مقابل الغرف  وهذا شكلكم وقت التمامات والجزوات    وهذي الظاهر سرية كاملة متجازية تصليبه بالظهر   صالة الميز   الزي الرسمي للكلية بدلة التشريفات الخاصة بالطلاب تلبسونها بالدخول والخروج والزيارات خارج الكلية  البدلة رقم 3 او ما يسمى بالكحلي والمموه بصورة وحده < احلا شي االمموه مريح وواسع  وفيه زي الدفاع عن النفس الي هو الكاراتيه مع الحزام الابيض والبوت الرياضي التعليم .. مادة الطب الشرعي   مادة الدفاع المدني العملي < فلة وفيها نشاطات كثيرر  مادة الرماية   الاختبارات النهائية   الفرضيات .. قبل الحفل بايام قليلة     السير الطويل .. مرتين بالسنة كل فصل دراسي واحد   وهذي الكلية ايام الامطار اجواء مرة روعه    مهمة الحج  وهذا حلم كل واحد فيكم حفل التخرج    هذي نبذه بسيطة عن الوضع واي استفسارات راح نكون معاكم انا وباقي الزملاء من دورة 42 ملاحظه : الصور هذي موجوده بالنت بشكل صريح لا احد يجيني ويشغلني والي بيدور بقوقل بيلقى اكثر . حسب طلب الاخوة : اتمنى من الأخوان ان يكون اي استفسار في الايام القادمة ب اللون الأحمر ليتسنى للجميع تميز السؤال من المشاراكات العابرة .. واسأل الله ان يكتب لنا القبول في الدنيا والآخرة اتمنى ما اكون ناسي شي والمعذرة على التقصير اخوكم المحب كراع قهيد دبلوم 42  موفقين .. رابط الموضوع القديم هنا التعديل الأخير تم بواسطة كراع قهيد ; 31-07-2013 الساعة 06:10 AM |
|
31-07-2013, 05:50 AM
|
|||
|
|||
|
بارك الله فيك اخوي كراع |
|
31-07-2013, 05:55 AM
|
||||
|
||||
|
جزاك الله خير الجزاء .. موضوع جبار .. من شخص شهم التعديل الأخير تم بواسطة بسوم الشمراني ; 31-07-2013 الساعة 06:02 AM |
|
31-07-2013, 06:05 AM
|
|||
|
|||
|
الله يعطيك العافيه يا ضابط كراع قهيد |
|
31-07-2013, 06:07 AM
|
|||
|
|||
|
موفقين جميعا |
| موضوع مغلق |
|
(( لا تنسى ذكر الله )) |
|
|
|
|
العرض العادي
