|
بعد الاستخآرهـ : أتمنى تفيدوني وتفيدون غيري
السلام عليكم ورحمة الله وبركــآته اللهم بلغنآ ليلة القدر إنك سميع مجيب أولا يا أخوان أنا ويمكن كثير معاي محتارين بشغله ألا وهي أنا تخصصي علوم وهندسه حاسب طبعا جامعي وتقديري 3.44 (جيد) ومعاي شهادة خبره وشهاده ICDL وانقبلت [COLOR="DarkRed"]بقوات الأمن الخاصةمبدئيا برتبة رقيب أمن ورقمي 143410007 وأنا والله يا شباب محتار حيرة ما يعلم بها الا الله تعرفون وأنتم ادرى مني هذا مستقبل سئلت عن القوات الخاصه قالو دورتها صعبه لكن رواتبها جزلة فا يا اخوان هل تنصحوني أتوكل على الله وأروح لهم لأني اتوقع بعد توفيق الله إنهم راح يقبلوني نهائي ( وخايف تعب الجامعة كله يروح هدر ) :c وعلى ما قالو ما خاب من أستشار وكم رآتب الرقيب فيها أول ما يتخرج .. والله يعطيكم العآفيه يا إخوان مــقــدمــا ويحقق لكل واحد اللي فـ باله |
وعليكم السلام ورحمتة الله وبركاتةة
اخوي متخرج بكالريوس وعطوة رتبة (رقيب) اول ماتعين راتبة تقريبا 10000 ريال وحاول تخش الكلية الامنية رتبة ملازم راتبك تقريبا بعد التخرج 10 الين 11 الف تقريبا تقريبا الدورات العسكرية كلها صعبة اول اسبوعين بتتعب نفسي وجسدي وبعدين لاتعرفت ع الرجال هناك تمر الدورة فلة ووناسة وودك انها ماتخلص لنها عرفتك ع ناس ينعدو زي الاخوان انت استخير وانشد وباذن الله تتيسر والله يوفقك ي رب |
[align=center]الله يجزاك خير يا ( مبروز الشـهـآدهـ ) وتسلم على النصيحه [/align]
[align=center]ونشوف رد الشباب البآقين إن شاء الله يكون لنا فيه خيـره[/align] |
انا مثلك بالظبط عندي بكلوريوس لغة انجليزية لغات وترجمه وانقبلت في الامن الخاصه مبدئي وبمشي معهم الين تجي دورتهم في شهر 7 السنه الجايه تقريبا .. اذا جاء موعد الدوره انا اكون اتخذت قراري ورواتبهم سمع انها من 10 الاف الى 13 الف
انصحك تروح لهم وتتدرج في مراحل القبول حتى تصل الى القبول النهائي واتخذ قرارك . |
انت الحين محتار من ايش؟ خايف من الدورة تكون صعبة؟ ولا ماتبي حشره العسكرية لك؟ ولا ايش بالضبط موضوعك حيرني انا انا على سبيل المثال انقبلت بالامن الخاص جندي اول لكني بأسحب عليها ليش لاني ما ابي حشره العسكرية واستلاماتها وحتى الاهانة الغير مباشرة اللي ممكن اتعرض لها ناهيك عن اني انسان فلاوي احب السفرات والطلعات وهذا شيء صعب يتوفر بالعسكرية وان توفر راح يكون صعب نوعا ما عشان كذا قررت اكمل دراسة لعل وعسى الله يرزقني بشيء افضل من العسكرية لكن نصيحتي لك انت كمل الاجراءت خصوصا ان اجراءت الامن الخاص تتطول شوي يعني اقل شيء 7 شهور على ماتدخل الدورة وهذي المدة كافية لك انك تجلس وتشوف وش تبغى بالضبط وش اهدافك؟ لاتحتار ولا شيء ولاتطلب اراء احد لانك يمكن تمشي على رايه وتتوهق لان رغباتنا تختلف وصعب احد يحدد لك مستقبلك غيرك |
توكل على الله وادخلها الدوره سهالات اعرف ناس دخلوها كثير ولا واحد من الي اعرف هرب منها .. الرواتب من ١٠ الاف الين ١٣ على حسب الاصناف والتخصص ويكفي ان ترقيتها ماشيه يعني توصل نقيب وانت تضحك ..
|
كمل دراستك
تخصصك جدا ممتاز اقله لو تبي تتوظف عندك الشركات الكبيرة والمحترمة اقسام الاي تي ورواتب وحوافز اذا تبي العسكرية وانت جامعي انتظر الامنية معك سنتين فيها وتخصص مطلوب بالامنية |
[align=center]يعطيكم العافيه يا إخوان وما تقصرون والله [/align]
[align=center]أنا فكرت في قوات الامن الخاصه ورتبة رقيب رواتبها عالية مقارنة بوظائف الشركات اول ما تتوظف فيها[/align] [align=center] ننتظر أجوبة الإخوان[/align] |
توكل ع ربك وخشهآ .. روآتبهآ عآلية جدآ
ورتبتك حلوه .. م باقي لك الا رتبتين وتصعد سلم الظبآط : $ |
في البدايه ياخووي اتمنى لك التووفيق والسداد
نصيحة لك من اخ صلي صلاة الاستخارة وشووف وش اللي يتبين لك ياخووي اذا كان توك متخرج فنصيحة لك قدم على الشركات الكبرى مثل ماذكر لك بعض الاخوان او قدم على وظائف مدنيه لان تخصصك ماشاء الله ممتاز اما اذا كنت متخرج ولك فترة ومالقيت وظيفه فتوكل على الله وربي يسرها معاك |
| الساعة الآن 05:39 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين