|
اش الحل اخواتي واخواني هل صحيح ماتفعله الشركات ؟؟؟
السلام عليكم ورحمة الله
اخواني واخواتي انا كنت اشتغلت بمركز تجاري مرموق ومشهور جدا له فروع كثيرة بداخل وخارج المملكة المهم اشتغلت فيه لمدة سنة و9 اشهر وتركت الشغل برمضان 1434 وقدمت استقالة وقعوا عليها يوم 31-7-2013 وصورة الاستقالة موجودة معايا وليومكم هذا اسمي ماخرج من التامينات كل ما ادورت بموقع التامينات يطلع مازلت على راس العمل كلمت المسؤلة عنا قالت لازم يجلس اسمك شهر بعدين يطلع من التامينات المشكلة كل الموظفات اللي استقالوا تجلس اسمائهم شهر ليش السبب مع العلم ان الموظف او الموظفة اللي لهم واسطه 3 ايام واسمه خرج من التامينات باستثناء اللي ماعندهم واسطه ليش يجلس شهر اش الاسباب عشان يستفيدون يعني من الشهر اللي اسمي يكون معاهم ؟؟؟ او لانهم شركة مشهورة ؟؟؟ انا كنت بشغل ثاني لما قدمت استقاله اليوم الثاني واسمي ماهو موجود في التامينات اش الحل تكفووون اختكم صورة حزينة |
مافي ولا رد
|
بدون أي نقاش
تقولين لهم بتنزلون أسمي ولا أبشتكي على مكتب العمل مالهم حق يحتفضون بأسمك أكثر من أسبوع من تاريخ الأستقاله هذا تلاعب وأحتيال ولاتنسين تاخذين منهم شهادة خبره وأخلاء طرف ولوكان معاك أخلاء الطرف خلي ولي أمرك ياخذه ويروح التأمينات وينزلون أسمك على طول أي أستفسار أنا حاضر |
يا أختي إذا انك اخذتي إخـلاء طرف وشهادة الخبرة من الشركـة مالـهم أي حق أنه إسمـك يكـون معلق بالتأمينات الإجتماعيـة المعروف مجرد أنك قدمتي استقـالة يعطونك إخـلاء طرف وعليـها شهادة خبـرة من بداية ما توطفت معـاهم إلـى أخـر يوم داومتي فيـه وقدمتي إستقـالتك فيـه. وفي حـالة أنـه إسمـك ما زال عالق في التأمينات الإجتماعيـة كلميـهم وقـولي عندكم حـل واحد " يا إنكم تنزلون إسمي من التأمينات الإجتماعيـة ، وإلا بقدم عليـكم شكوى بمكتب العمـل وفي حالـة مر عليـك شـهر كـامل أو أقل من شـهر قولي انا أبغى راتب بحكم أنك من يوم قدمتي الاستقـاله ما نزلوا أسمك الانـهم يبون يستفيدون من إسمك كونه مسجل بمكتب العمـل ويعطيهـم جزء من راتبك وانتي على النــية ما تدرين ليـه ما يبون ينزلون أسمك إلا بعد مـرور شـهر هـذا السبب إللي مخليـهم ما ينزلون إسمك من التأمينات عشـان ينزلك الراتب وياخذونه هـم ". تحياتي لك ،،:tsfiq: |
الله يسعدكم اجمعين يارب
انا ما ابي لاشهادة خبرة ولاشي تعذبت عذاب الله العالم فيه اقسم بالله ظلم عمري بحياتي ماشتغلت مثل هذا العمل وتحملت لظروف بس معاد قدرت اتحمل واستقلت والمشكلة ان ورقة الاخلاء من الشركة رافضين الا بعد ان يمر شهر على اسمي بالشركة انا شفت موظفة كذا رفضوا يعطونها اخلاء الطرف الا بعد شهر انا ماعندي الا صورة فقط من الاستقالة ينفع اروح اوديها قسم السيدات بالتامينات ؟؟؟؟ |
اقتباس:
هلاآ اختي ., قسم بالله كنك تتكلمين عني .. انا نفس وضعك :( استقلت قبل رمضان .. بعد 3 سنوات كرف وقرف هالقطاع الخايس .,! وليومك هذا .. ماعطوني مستحقاتي ولاا اخلاء طرف ولاا شهادة خبره ., واسمي لازال بالتأمينات .., يعني اسمي بيصير له شهر ونص ماطلعوه من التأمينات ., استشرت الي هنا بالموقع .. وناويه ان شاءلله اقدم شكوى لمكتب العمل ., لكن ادعي لي يارب اذا اشتكيت ماتطوول السالفه :do5h: بالنسبة لك وحدة من صديقاتي صار معاها نفس الشيء بخصوص التأمينات ., راحت لفرع السيدات وقالولها حلين الأول- انها تنتظرمقر العمل هم يطلعونها من عندهم .. والثاني- تقدم شكوى عليهم عند الـتامينات ., بس ماطلبوا منها شي .. لا اخلاء طرف ولا نسخه من الاستقاله وقتها ., كل الي قالته لهم انها تركت واسمها لازال مسجل ., موفقه يارب .., |
اقتباس:
شهادة الخبره من حقك وحرام تروح عليك الحين الشركات مشغلينا خبره خبره , وأنتي تقولين ماأبي شهادة خبره كيف تبي تشتعلين بعدين , شهادة الخبره تزيد من فرصك بالحصول على وضيفه التعب وكل شي يهون عشان ناخذه خبره ثانياً : صوره لا ماتنفع لو طولو عليك وصلتي لطريق مسدود معاهم يعني جلسو يماطلون كل يوم بكره بكره تروحين أنتي لو كان فيه قسم نسائي بمكتب العمل عندكم بمنطقتكم ولا يروح ولي أمرك ويكتب خطاب شكوى لمدير مكتب العمل بمنطقتك ويشرح فيه الموضوع وعلى طول راح يطلبونهم وغصب غصب عنهم ينزلون أسمك من التأمينات ِ |
انا راي انك تروحين على طول مكتب العمل وتقدمي شكوى وتجيبها لهم
وتقولي تعطوني اخلاء طرف وتشيلون اسمي من التامينات اتنازل عن الشكوى وتدقي خشمهم احسن ماتترجينهم ودك نسوي قائمه سوداء بالشركات اللي تسوي كذا بالسعودين عشان ماحد يتوظف عندهم |
الله يخليكم يارب
طيب اذا شالوا اسمي من التامينات يكفي ؟؟؟ او لازم بعد من مكتب العمل ؟؟؟ |
اقتباس:
يطلع اسمك في موقع وزاره العمل حاله العامل: نهايه خدمه واذا توظفتي في شركه ثانيه تتغير وتكون حاله العامل : على راس العمل يعني التامينات هو الاساس بالموضوع هذا رابط التحقق من الاشتراك في التامينات http://www.gosi.gov.sa/portal/web/guest/212 رابط تحقق من موظف سعودي في وزاره العمل http://mol.gov.sa/Services/Inquiry/SaudiEmpInquiry.aspx |
| الساعة الآن 10:27 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين