بسم الله الرحمن الرحيم.

من كل قلبي أقول: أسأل الله لي, ولكل مسلم, ومسلمة, ومؤمن, ومؤمنة العفو, والعافية في الدنيا, والآخرة.

من كل قلبي أقول: أسأل الله لكل عاطل, وعاطلة, الوظيفة الحكومية ذات المرتب الحلال, والمبارك, والعالي.

1- من أنا؟

أنا معلم حكومي أدرس مادة الكيمياء, وتم تعييني على المستوى الرابع, والحمد لله, وأنا علي دين أكثر من 100 ألف ريال, وأعول خمسة أنفس, وأخوي الوحيد عاطل, وأبوي متوفي الله يرحمه, وساكن وحيد بعيد عن أهلي ولو تم تحويلي لعمل إداري بسبب المشكلة التي سوف أخبركم بها راح أقع في مشكلة مادية كبيرة جداً لأن راتبي بينقص واجد, وليس, والله تقليل من الوظيفة الإدارية, ولكن الراتب ما يكفي الحاجة.

2- مخطط النقل الخارجي:

أول سنة, وهي: 1432-1433 درست في قرية تابعة لمحافظة البكيرية, وثاني سنة, وهي: 1433-1434 التي وقعت فيها المشكلة درست في مدينة عنيزة.

3- ضغط العمل في السنة الثانية:

النصاب عالي جداً يعني 24 حصة, وأنا لا زلت معلم جديد, وأدرس أكثر من 100 طالب, وأدرس أكثر من 6 فصول, وأنا معلم الكيمياء الوحيد في مدرستي الثانوية.

4- المشكلة التي وقعت فيها:

مدير مدرستي في نهاية السنة رفع فيني محضر تسريب أسئلة اختبار نهائي لطلاب أول ثانوي, وأنا لم أسرب بشهادة بعض زملائي المعلمين, وبعض الطلاب, وقام بتكليف موجهي بكتابة الأسئلة نيابة عني.

5- حقيقة إدارة مدرستي المؤسفة:

المدير: رجل طيب, ولكن ليس له شخصية, فهو يأخذ بكلام الوكيل دون تأكد, والوكيل: يضع فيني أخطاء غير واقعية, والمرشد: يقول ما لا يفعل.


6- الهدف من كتابتي لهذا الموضوع الأسئلة التالية:

هل سوف أتعرض لعقوبة التحويل إلى عمل إداري؟

كيف أتصرف الحين؟ وش أسوي؟ وين أروح؟ من أكلم؟

مايحولك بأي حق يحولك لعمل أداري وأنت بعيد كل البعد عن العمل الأداري

وش جاب تخصص الكيمياء لعمل الموضف الأداري


ثاني شي بينك وبينه شهادة زملائك

لو يبي يصير شي يصير تحقيق وكلام فاضي ممكن تضرك تبقى بملفك لاكن عمل أداري لاأتوقع

ولو تعرضت لضلم عندك وزارة التربيه والتعليم وعندك ديوان المضالم تقدر توقفهم عند حدهم


نقطه أخيره أخي وليعذرني القارئ هل أنت من نفس المنطقه لأنها منطقه معروفه بعنصريتها البغيضه وحسدها

ولاهم مستفيدين شي

أنقل عن هالمنطقه دام البعد فيك فيك

جزاك الله خير أخوي وراء الوضائف.

تبي الصراحة, وأنا أخوك أنا من سكان, ومن أهل عنيزة.

فعلاً كلامك سليم أن إدارة عنيزة العامة, والإدارات المدرسية فيها عنصرية, وحسد, وأضيف التشدد.

أعرف واحد من اخوياي المعلمين بعنيزة يطلعهم المدير الساعة 2 بعد الظهر !!!!!

الحمد لله إني أعرف أن العنصرية جهل, والحسد يفسد القلب, والتشدد ينفر الناس, والله يعيذني والمسلمين, والمسلمات, والمؤمنين, والمؤمنات من العنصرية, والحسد, والتشدد.

الله يهدي من ضل, والله يثبت من استقام, والله يرد حق المظلوم, والله يهدي الظالم.

الله يكون بعونك

خذ افادة من زملائك في العمل وشهادتهم لك بعدم حصول امر التسريب منك
وبما انك واثق ما لهم عليك أي باب لا مستند ولا غيره فـ لا تخاف
والله ييسر لك الامور كلها

أضيف لكلامي

ماهي مدرسة ولا وزارة أبوه يحولك لعمل أداري صعبه ومن سابع المستحيلات

أنت هنا بنظام وشرع يوقفون الأشكال هاذي عند حدها