|
......تجمع المعينات بالقريات ...
السلام عليكم الف الف مبروك للبنات المرشحات والله يوفقنا جميعا يارب ويسهل امورنا انا من الرياض وترشحت للقريات تكفون يابنات اللي معينات بالقريات ابي اعرف عن المنطقه والخدمات اللي متوفره فيها انا قريت عن قريه العيساويه ابي اعرف عنها لان خايفه يكون توجيهي لها هل فيها سكن وابي حضانه لان معي بيبي عمره 10 شهور والله مادري وين بخليه تكفون يابنات الفزعه واللي متعينه بالقريات وتبغى ندور سكن سوى انا مستعده (( يارب احس اني خايفه مافيه احد متعين هناك الا انا حتى تجمع محد سوى تكفون تكفون الفزعه :m:m:m:m |
[align=center]افا وينكم تكفون ابي احد يرد علي[/align]
|
هههههههههههه يارب يعينكـ من الرياض العاصمه الى القريات :d في اقصاء زوايا مملكتنا الحبيبه , لاجد جد شوفي مكاننا بالخريطه يمكن تهونين عن التدريس كله راح تصابين بصدمه حضاريه سوف تؤثر على الفسيولوجيا عندكـ, لهذا أنصحكـ تتخيلي معي هذا الموقف ( أنتي راكبه ( روز رايز ) وتمشين بالرياض والمكيف يهفهف عليكـ وشيلتكـ تحركـ من البراد وبيدكـ اسكريم ( كون زون ) والميوزيكـ شغاله بهدوء وروقان للاخر ,وبجنبكـ البيبي ربي يخليه لكـ جالس بمقعده بكل امان,فجأه تصحي على صوت محرم سواق الباص وهي تقومكـ وتقولكـ قومي سولفي على , بالاخيره تطلعين تحلمين لانكـ كنتي مدوخه بسبب ريحة شربات ( دلاغات ) سواق الباص المعفن الي مافيه مكيف والشبابيكـ فاتحه وسموم القيض تلهب وجهكـ من تحت شيلتكـ ( يارب عفوكـ ) واغنية مزعل فرحان (اتحاشى الهم ) مرفوعه لاخر شي وسحابه بالباص بسبب دخان السواق كاتمه على نفسكـ ......الخ << أدع لكـ المجال لأكمال التخيل ) على العموم مبروكـ التعيين , القريات محافظه متوسطه خدمات السكن فيها سيئه والموصلات أيضا سيئه (لاتكاسي ) ولايحزنون , حاضنات لطفلكـ مافيه للاسف ,اسواقها صغييره , ومطاعم مافيه غير كودو ( عشرين كيلو ) والارنب الجائع بس , سكانها طيبون الى حد السذاجه ماأصابتهم الى الأن اخلاق التمدن والحضاره اللي اصابت معظم مناطق السعوديه لازالت فيه بقايا اخلاق البدواه وجلادتها فيهم نوع من العشوائيه والغوغائيه (فئه منهم انتي ستعرفينهم بنفسكـ) العيساويه قريه تبعد عن القريات 100 كيلو طريق الوادي ( وادي السرجان ) قريه صغيره نفس وضع القريات بس فيها سكن ومركز قياده لحرس الحدود يمكن يعطونكـ سكن خاص اذا درستي بمدارس السكن , طبعا فيه عدة قرى محيطه بالقريات ممكن تتوجهي لواحده منهن , وكل قريه لها ظروفها اللخاصه , وأي (أستفسار أو خدمه لايردكـ غير لسانكـ) انا موجود ,أخوكـ في الله وعهده سبحانه بيني وبينكـ. |
مشكور اخوي على هالمعلومات اللي تضيق الصدر
الواحد وش يسوي يدور لقمه العيش ان شالله تتسهل يارب والله يكون بالعون ان شالله وين البنات المترشحات للقريات .؟؟؟؟؟؟؟؟؟؟؟؟؟؟؟؟ معقوله مافيه احد |
انا تعينت بشهر 4 في القريات
للأسف المنطقة تفقد الكثير من الخدمات مثل كلام ابو نوف صحيح , وانا كنت متعينة داخل منطقة القريات واجبرونا على النقل الداخلي وتم نقلي الى قرية العيساوية يمكن يوجهونك داخل المنطقة , أو في قرى تبعد12 كيلو , 20 عن المنطقة , أبعد قرية اللي هي العيساوية متحمسة اروح أشوف القرية :) |
هلا وغلا ..
انا متعينه بالقريات هي منطقه صغيره مو كبيره وفيها 9 قرى ابعدهم العيساويه تبعد عن القريات 90 كيلو واقرب قريه لها العقيله تبعد 6 كيلو احياء القريات العزيزيه - المطار- شارع تبوك- الفيصليه- النسيم - حصيده مطاعمها اقل من عاديه تفتقر الى االمطاعم المعروفه لايوجد بها الطازج او هرفي اكثر شي شوايه ورز وفطاير وبروست الاسواق شعبي يسمى سوق الحريم ويفتقد افضل الماركات العالميه يوجد مكياجي نكتار العربيه المواصلات لايوجد بها تاكسي لازم تشوفي لك من الباصات الصغيره اهلها طيبين ومعروفين بالخدمه للناس منطقه شديده البروده بعد شهر 12 وبالصيف الجو جميل وربيع متمسكين بالبدواه القرويه الى الان لكن منطقه سهل التأقلم فيها وبترتاحي ان شاءالله .. بالنسبه للسكن ممكن تاخدي شقه تأسيسها انتي بس الاثاث بالقريات غالي شوي يتروح سعر شقق العماير 1200 ريال اما الشقق المفروشه يوجد كثير بس اسعارهم مرتفعه من 2500 الى 5000 بالشهر المكتبات يوجد مكتبات مدرسيه مثل الخلف والشرعان كبيره اتمنى لكي التوفيق وحياك الله بالقريات .. |
الله ييسرر الاموووور
|
| الساعة الآن 06:08 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين