|
برستيج عرعر لاتستعجل وانا اخوك ترآ الاوراق تاخذها بدقايق وتعبيها كمان بدقايق
يعني لو تاخذها من الفرع قبل موعد مقابلتك بيوم يمديك وبالراحه والله يوفقنا واياك ( شباب كل واحد يكتب لنا تاريخ مقابلته والمنطقه حتى نسفيد من بعض ) تآريخ مقابلتي 10_11 يوم الاثنين بمنطقه تبوك .. |
تاريخ مقابلتي 29 شوال يوم الخميس بمنطقه مكة المكرمة
والله ييسير لكم ولي ولجميع المسلمين |
اقتباس:
بعطيك العافية والله يوفقك ويوفق الجميع طيب ماسألتهم هل هو قبول نهائي ؟ وكم الاحتياج ؟ |
شباب تراكم رفعتو ضغطي .. محد رد على سؤالي لييييييييييه ؟؟
موقع فرع وزارة العدل بالشرقية ويييييييين ؟؟ وياليت شرح كامل وواضح لاهنتم والسؤال الثاني .. انا قدمت بالثانوية لكن عندي دبلوم .. هل اخذها معي ولا ؟ |
اقتباس:
تمسك طريق الخليج وتمر بدوار الصدفة وتكمل سيده ويجيك دوار الأشرعة وتكمل سيده ويجيك دوار ثالث تاخذ يسار يجيك تقاطع تعداه بعدها تمشي شوي تحصل الفرع يسار http://im40.gulfup.com/bHJLU.jpg |
ياليت اللي من الدمام ينقز للفرع يوم الأحد ويسأل
بما ان المقابلة الساعة 4 م هل فيه مشكلة لو نجي بنفس اليوم الصباح ونسلم الأوراق والا لازم قبلها بيوم نسلم الأوراق ؟ |
السلام عليكم
ياشباب في بداية التقديم حاطين شرط التقديم بالمؤهلات ذاتها يعني اللي بيقدم بالدبلوم او الجامعة بيمسكونة الباب نصيحة لااحد يقدم بغير الثانوية المفاضلة بالنسبة في الثانوية العامة والدورات والخبرات الله يوفقكم ياشباب .. |
اقتباس:
بيض الله وجهك وجزاك الله كل خير .. لكن لكن الي جاي من الاحساء وين اسهل واخف طريق له عن الزحمه ؟؟ |
اقتباس:
انا سجلت بالثانوية .. ولما رحت اعطيهم الاوراق اول مره قلت له عندي ثانوي قال وين شهادة حاسب ؟؟ قلت له عندي دبلوم ادارة مكتبية واكيد درست فيها حاسب .. قال طيب مكتوب هالكلام ؟؟ قلت له شوف السجل التدريبي وفيه جميع المواد الي درستها وفيه درجة نجاحي في المادة بعد .. شافها وقال تمام صور لي السجل وجيبه .. وفعلا صورت السجل واخذ اوراقي كامله (( الثانوية + الدبلوم )) وطابقها مع الاصول و وقع عليها وقال خلاص تجيك رساله بموعد الاختبار اذا انقبلت اوراقك .. وفعلا مشت الاوراق ورحت اختبرت وعديت الاختبار بفضل الله (( الحمد لله )) والحين باقي المقابله .. وان شاء الله اعديها .. (( يارب على بابك ولا خاب طلابك )) يعني حيرتني بكلامك .. انا اموري مشت بناء على شهادة الدبلوم والحين خايف اخذها معي ولا لا !! |
اقتباس:
|
اقتباس:
بيض الله وجهك وجزاك الله الف خير وماقصرت يالغلا .. ننتظر اخواني اهل الدمام يفدوني |
اقتباس:
|
أخواني الكرام حبيت أنوه عن شيء
حتى الآن لاتعتقد ولا بنسبة 1% إنك توظفت خلاص عشان ما تنصدم وتصدم أهلك معك المقابلات يحصل فيها كل شيء متوقع وغير متوقع وتبدأ فيها الواسطات والمحسوبيات والمزاجيات وكذلك فيها إنصاف وعدل .. وهذا ليس إتهام لأحد لكنه واقع ملموس لذلك طالما لم يعلن أسمك مقبول بالوظيفة لاتعيش جو إنك خلاص توظفت مهما كان عدد الاحتياج يعلم الله أقوله عشان ماتنصدمون زي ما انصدمت مع جامعة الحدود الشمالية تخيلوا الأول في التحريري أنا ومؤهلي مستوفي الشروط ومقابلتي جدا جدا ممتازة وكنت عشت الجو خلاص وجوني ناس من الجامعة وبشروني تخيلوا ماحطوني حتى إحتياط كانت صدمة قوية جدا ً لكن حسبي الله ونعم الوكيل إفرح لما تشوف إسمك مقبول بالوظيفة نهائي ، غيره لاتعطي لنفسك مجال تصدمك .. |
اقتباس:
وادا كتب الله لي نصيب واقدر اتوظف عن طريق جدارة على تخصصي |
الله ييسر الامور
اخوان حبيت انشدك عن المقابله ماذا تعتمد وهل رح يكون فيه اختبار على الحاسب والا اسئله شخصيه بنتظاركم يااخوان |
مقابلة العدل
أحفظوا سور من القرآن أحفظوا أحاديث للرسول صلى الله عليه وسلم أركان الصلاة واجباتها شروطها مبطلاتها والأفضل حفظها دائما مو بس عشان الاختبار والوظايف جهز أجوبة لمثل هالأسئلة ليش ماتوظفت للحين وش تعرف عن وزارة العدل من هو وزير العدل كم عمرك (كل هالعمر ومابحثت عن عمل) ليش ماكملت دراستك ليش ما أخذت دورات وش هواياتك وش تعرف في الحاسب (ويمكن يجلسونك على حاسب) لذلك راجع مهاراتك فيه خاصة الوورد أيضا ً أمسك قلم ودفتر واسترجع مهارة الكتابة والخط الله يوفقني وإياكم وتنتهي هالمعاناة مع البطالة ونجي هنا نفرح بعض يارب |
انا ان شاء الله مقابلتي يوم الاحد اعتقد اني اول واحد رح يسوي مقابله هنا
ان شاء الله ازودكم بالتفاصيل |
هل المقابلة عن طريق اتصال مرئي ولا مباشر ؟؟
|
اقتباس:
|
اقتباس:
وإياك شوف المهم في الموضوع تسلسل الأفكار والبساطة في الإجابة يعني حضر نفسك بإجابة مفهومة وواضحة س/ ليش ماتوظفت للحين ؟ ج / أنا توظفت لعدة سنوات متعاقد (وإذكر إسم الشركة) س/ ليش كاتب في الورقة أنك ماتوظفت ؟ ج / لأن هذه الوظائف بدون تأمينات فطبيعي ماراح أذكرها لأنه لاإثبات عليها كذلك يستطيع أي شخص يجيب أوراق من هالنوع إضافة إلى أني توظفت بوظائف عقودها شفهية مثل وظائف مكاتب العقار والتقسيط |
الله يسرها لنا ولكم ياااااارب
باذن الله هانت يا اخوان والكل مقبول يارب سوال يا اخوان المقابله عندي يوم الثلاثاء بخصوص الملف المطلوب يعني اروح لفرع الوزاره يوم الاحد واكمل الملف واسلمه لهم يوم المقابله ؟ |
أخواني المتقدمين على وظيفة كاتب
الإملاء ضروري جدا ً جدا ً خاصة لوظيفة الكاتب وأتوقع أن 80% من المفاضلة عليه .. لأن صميم هذه الوظيفة هو الإملاء .. لذلك من عنده مشكلة في الإملاء يحاول يصلحها أو يكتبها هنا ونحن نساعده .. مثال/ البعض يكتب اللهم صلي على محمد اللهم ارضى عن أبو بكر اللهم إشفي كل مريض اللهم إنك تحب العفو فأعفوا أو فأعفو عني وهذا غلط الصحيح اللهم صلِِّ على محمد (بدون ياء في آخرها فقط كسرة تحت الشدة ) اللهم ارض َ عن أبي بكر ( بدون ألف مقصورة فقط فتحة على آخرها ) اللهم اشفِ كل مريض (بدون ياء في آخرها فقط كسرة) اللهم إنك تحب العفو فاعفُ عني (بدون واو في نهايتها فقط ضمة) لأن هذه الأفعال هي أفعال أمر إنتهت بحرف علة (أ و ي) فيحذف الحرف ويستبدل بالحركة(ضمة/كسرة/فتحة) |
على فكرة ياجماعة الخير ترى التسميع مو تختار قصار السور
|
انا مقابلتي الاحد الجاي الله يوفقني وياكم ان شاء الله
|
وكذلك الهمزات البعض لايفرق بين همزة الوصل والقطع
ومتى يكتب همزة ومتى مايكتب همزة الوصل لاتكتب لأنها لاتنطق أما همزة القطع فهي تكتب لأنها تنطق مثال لهمزة الوصل علم الجواهر واستخراجها (لاحظ حرف الألف في استخراجها ماينطق ،، وستخراجها) اللهم اشفِ المريض (لاحظ الألف في اشف ماينطق ،، كأنها كذا ،، اللهمشف) فاستعذ من الشيطان (لاحظ الألف في استعذ ماينطق كأنها فستعذ ) مثال لهمزة القطع أتقنت عملي إتقانا ً (لاحظ همرة إتقانا نطقتها بشكل واضح) لعبت مع أحمد (همزة أحمد واضحة) ذهبت إلى المدرسة (كل همزات الحروف لازم تكتب مثل إلى إلاَ أن إن أما إما إلخ ) طبعا ً هذا شرح مبسط للفرق بين الهمزتين .. |
انا موعد مقابلتي 11/9. في عرعر
|
الله يعطيك العافيه علي الشرح الممتاز
وانتو يا شباب الهمه الي عنده معلومه لا يبخل بها |
اقتباس:
|
سلآم
ي اخوان اللى موعده يوم الأحد 9/11 متى ياخذ الملف ويكمله ويسلمهم اياه قبل يوم المقابلة مع العلم ان الشخص مسافر منطقة اخرى وتوظف قبل رمضان باسبوع بشركة أحد يداوم يوم السبت اللى هو قبل المقابلة بيوم ولا لازم يروح يوم الخميس ويخلصها ينتظر أحد يتفضل مشكور ويجيبه ع الإستفسار موفقين |
اقتباس:
مقابل فندق التيسير الاسبوع الجاي ابي امرهم واشوف :court: |
اقتباس:
الخميس او الاربعاء كويس طبعاً السبت اجازة |
اقتباس:
والمقابلة فقط للتاكد من الجدية وسلامة الحواس السمع اي انك لائق للوظيفة او لا تطمنو يالربع ولا تعقدون الامور ختم وزارة وبكالريوس ولا دبلوم مافي احد يدور الزله عليك انت صاحب حق وهم راغبين بتوظيفك توكلو على الله |
اقتباس:
اقتباس:
هلا بك اخوي لاتعقد روحك جهز الاوراق الي مطلوبه منك ومر اقرب فرع لوزارة العدل لك وخذ نسخ من الاوراق كانك مرشح عندهم ماراح يسالك احد من انت ولا وين مرشح ولا متى موعدك واذا نتهيت خل الملف معك لحين موعد مقابلتك في الفرع الي محددينه لك يعي مو ظروري تسلم الاوراق قبل موعدك اهم شي اذا جاء موعدك تكون اوراقك جاهزه وانت زاهب فقط الاوراق موجوده بكل مكان بالفروع وتلقاها باكثر من مكتب والموظفين متعاونين جدا او العسكرين ممكن يواجهو استبعاد لان فيه ورقه تعهد انك مانت موظف عسكري او ماسبق خدمت عسكريه وان الوزارة لها الحق في استبعادك خوذو الامور ببساطه ولاتعقدو على انفسكم هدو الامور وبسطو على انفسكم انا موعدي يوم الاحد 25-11 الساع تسع باذن الله اول ما اطلع بخبركم بكل شي مع ان الموظفين يقولون ارقدو وامنو كلكم ان شاء الله متعينين الا الي فيه مشكله باطرافه او بسمعه يعتبرونه غير لائق للعمل والوزارة بحاجه كبيره للموظفين |
الله يوفقكم اخواني وان شاء الله جميعكم مقبولون بالوظائف
اخواني انا حبيت بس اعلق على اخوي اللي يقول ان كلكم مقبولين اخواني المقابله فيها اسبعاد كم حدث بالمرتبه السادسه اللي طلعو للمقابله 1500 واخذو منهم 800 فقط وهالكلام رسمي مو من راسي ويا اخواني المقابله للمرتبه السادسه كانت فيها اختبار ع الكمبيوتر يعطيك قطعه من 10 او 9 اسطر ويعطيك كم دقيقه يقول لك اكتبها والمقابله يمكن يكثرونها معاك ويمكن ما تاخذ وقت بس خليك واثق من نفسك وترا فيها استبعد والله العظيم وبالذات وظائف الرابعه والخامسه لان العدد كبير والمقابله عليها درجه ويعلم الله اني ما حبيت احطمكم وكل واحد بياخذ نصيبه بس حبيت اعطيكم خبر وازيدكم والله العظيم خبر ان المقابله فيه استبعاد جاني من قريب لي في احد المدن وهو من ضمن اللجنه اللي بتسوي المقابلات ويمكن مو اكيد يسوون لكم المقابله بالاتصال المرئي كما حدث بوظائف المرتبه السادسه والله يوفقكم اخواني |
أخوي عاطل حاسبات 25/11 لايوافق الاحد يمكن موعدك 25/10 تأكد من التاريخ بارك الله فيك
|
اقتباس:
احد عندهـ هالمعلومه يفيدنا |
اقتباس:
|
اقتباس:
كلامك على العين والراس يالغالي لكن وزير العدل صرح قبيل طرح وظائف المرتبه الرابعه والخامسه انه بصدد اشغال اكثر من 3000 وظيفه على محاكم وكتابه العدل على مستوى المملكه بالطرح الجديد للوظائف القادمه وهالتصريح تلقاه بتوتير وحنا نقول ان شاء الله وبنتوكل على الله سواء كذا والا كذا والارزاق بيد الله سبحانه وتعالي |
اقتباس:
ان شاء الله بروح لهم يوم الاحد والمقابله باذن الله يوم الثلاثاء والله ينور لك دربك يالغالي ويسعدك ويرزقك ويرزقنا جميع بالقبول النهائي |
اقتباس:
|
| الساعة الآن 03:31 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين