ياليت افكار تجاريه للمعلمات المغتربات
الله يجزاكم خير ياليت تعطونا افكار للاستفاده في الغربه علما ان الراتب طاير كله على الطيران
وابغى فكره لمشروع للتسليه في الغربه ومساعده ماديه من الشرقيه وجا تعييني في هجره من هجر بيشه وش اقدر استفيد رانتظار افكاركم |
بالتوفيق ان شاء الله
والله يرزقك |
وياك يارب
للحين انتظر افكار |
الله يوفقك ويحقق احلامك
|
الله يوفقكن .. يعتمد ايش تتقنون وايش تعرفون ؟؟؟؟
بالامكان النزول لأسواق بيشة والبحث عن ما ينقص هذا السوق في مجالكن .. او سؤال الزميلات والجارات في نفس المنطقة وتلمس احتياجاتهن لشيء لا يتوفر عندهن ولكن يتوفر في مدينتك او ممكن يكون في مدينتك اكثر جودة وارخص سعر . اقتراحات :- - اعمال الكروشيه . - تغليف الهدايا والمناسبات والتوزيعات . - شراء طابعة وتنسيق وكتابة البحوث واللوحات للطلبة هناك .( نشر اعلان في بقالات الحي ) - تدريس الطلبة الصغار او الطالبات الدروس الخصوصية المركزة والمساعدة في المذاكرة . - اعداد البهارات وتغليفه . - تسويق وبيع الاكسسوارات .. اكسسوارات نسائية او اكسسوارات جوال او شنط الخ هذا بعض ما يحضرني الآن لي عودة لأي فكرة جديدة . بالتوفيق .. |
قريه من قرى بيشه سوقهم بسيط جدا ماعندهم الا مطعم بروستيد وهمبرجر مبسط جدا
وطبعا محلات ملابس اقل من البسيط وهم بحكم البداوه مايطلعون من بيوتهم النساء وماعندهم تجمعات ماعندهم مثل الي عندنا كل شي بسيط ومايعرفون اشياء كثيره |
مادام عندهم مطاعم معنى هذا انها قرية قابله للتطور
وانتي ياعزيزتي تظنين انهم بدو ومايعرفون شيء وبحكم تجربتي في العيش في هجرة من هجر المدينة واختلاطي مع سكانها وجدت العكس بيوت من الداخل جميلة ومنسقه وجيل يتابع الموضة ويحب يقلدها الهجرة التي كنت فيها كانوا شهريا ينزلوا المدينة ويتسوقوا من السوبر ماركت ومن السوق وعيالهم يودوهم الملاهي .... المهم من الكلام ذا كله افتحي محل لوازم نسائية مو ملابس لا اكسسوارات مناكير ادوات تجميل شباصات كل شيء حطي فيه وممكن تفتحي خياط نسائي اذا مافي في القرية الخياط في الهجرة التي ذكرتها سابقا شغال 100%مراييل مدارس تقصير عرض فساتين للبيع والله يكتب لك الرزق الحلال. |
جزاكم الله خيرا على المشاركه
بس ماينفع المحل او الخياط لانه اذا تم نقلي الى مدينتي مراح استفيد شي يعني ابغى شي مافيه محل وعمال صعبه |
شوفي يا استاذة افضل شي انك تجيبي معاكي من الشرقية بضاعه من اسواق الجملة مثل
اكسسوارات علب مكياج شنط ملابس لانجري خذيلك من كل نوع درزن واشتغلي على زميلاتك المعلمات حاولي لاتكثري بضاعة وكل ما خلص من عندك شي اطلبي من اهلك يرسلولك واذا تقدري تشتركي كمندوبة في بعض الشركات مثل اورفلم تدفعي لهم مبلغ رمزي مقابل انك تشتركي معهم ويعطوكي كتلوج فيه منتجات جيدة وكل طلبية لكي نسبة وتوصلك لين بيشة وان شاء الله تنعرفي في المنطقة ويصير عندك زباين |
نسيت اقلك كانت في معلمة تجيب صور كعينات لحف اسره كانت فخمة وروعة وشغالة على الطلب وماشاء الله صارت تورد للمحافظه الي هيا فيها حتى على المحلات
|
الساعة الآن 06:52 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين