انا سمعت انه ممتاز

جزاك الله ألف خير

طيب اخوي هذا المعهد في اي مدينه ؟وهل له فروع في جميع مناطق المللكه؟
هل دوراتهم بس بالصيف ولا طول السنة تقدم دورات ؟

الصرحة أنا ودي اقوي الانجلش عندي

ياليت يا اخوان اللي يعرف معاهد تفيد مو بس يعطونك شهادة من غير فايده يقولنا عنها
و جزاكم الله خير

مشكور علىالموضوع اخوي
لكن حبيت اسال هل فيه معاهد زي هذي في جدة او مكة >>> ياليت القى اجابة كافية شافية مع رقم المعهد

هل له فروع في المنطقة الشرقية

أنا كان نفسي من زمان آخذ دبلوم لغة إنجليزية مع إني ممكن أبدأ من المستوى الثالث
أو الرابع .. لكن المشكلة في المركز اللي راح آخذ فيه ..
وقبل 4 أو 5 سنوات عرفت مركز بيرلتز في مكة في حي العزيزية ..
كثير مدحوا فيه بصراحة لأنه اللي يعلموا فيه من بريطانيا ..
وأنا أبغى زي كذا اللي يعلموني مايتكلموا عربي حتى لو كان صعب علي
المهم اني أتعلم ..
والله اللي حببني في اللغة الإنجليزية معلمة ممتازة في المرحلة المتوسطة
كانت ماتتكلم عربي إلا نادراً إذا شافت البنات مررره حاسوا وماعرفوا شي
لكن كان تدريسها كله باللغة الإنجليزية علشان كذا مشيت أمورنا ..

ياريت تفيدني عن مركز بيرلتز اللي في مكة لو كنت تعرفه ..
ولك جزيل الشكر

نعناعة مركز بيرلتز اللي في مكة انا درست فيه دورات
واذا جو طالبين يسوولهم تخفيض >> خليك ذكية اذا رحتي المبنى تسجلين شوفيلك وحده واتفقي انكم زملاء ويسوولكم تخفيض يمكن 100 ريال او اكثر بشوي هههههههه

المهم مركز بيرلتز مركز حلو يدقق على المحادثات اكثر من القرامر لكنه يعتمد اللهجة الامريكية وهو مركز امريكي والمدرسين من نفس الناطقين باللغة الام هو مركز حلو وبصراحه استفدت منه
لكن زي ماقلتلك اذا انتي ميه ميه في القرامر روحي لبيرلتز لانه يركز على المحادثات اكثر ومنهاجهم حلوه نوعا ما لكن بحسب خبرتي سمعت ان المركز البريطان يقولون افضل بس يمكن انه اصعب لانها اللهجة البريطانية ويركز على كل شي قرامر فاكابولاري ومحادثات
بالتوفيق

هل تنصحون بالمعهد

وهل تعليمهم ممتاز

يعني هو أمريكي مو بريطاني زي ماعرفت
طيب أنا كويسة في كل شي الا المحادثة :d
نفسي أتكلم بطلاقة .. اتكلم كلمتين واسكت والخبط الدنيا بعدين :d
وأنا هذا الشي اللي أبغاه التركيز على المحادثة أكثر
والتخفيض بس 100 ريال ؟ مرره كلفوا على حالهم بصراحة :d
كنت أبغى آخذ الدبلوم في نيوهورايزن لأني أخذت فيه دبلوم حاسب
وشفطوا مني 20 ألف و600 أو 400 .. بس غيرت رأيي
ولي عندهم ساعات محادثة مجانية تقريباً 10 ساعات
قلت أول ماأبدأ آخذ دبلوم اللغة الإنجليزية أروح ارتب معاهم
بأخذ ساعاتي ..
والله ياخوفي يقولوا لي مالك شي عندنا .. لأنهم صايرين نصابين :(
الله يستر
عالعموم مشكور عالنصيحة
والله يعطيك ألف عافية
يارب