ابغاء وظيفة
 

مازال الطلب مستمر

تابع قسم وظائف منطقة الرياض وربي يوفقك

ماتبع بس شكل هالديرة مابة وظائف خخخخخ

الا اخوي فيه الاف الوظائف بس انت اقبل حتى لو وظيفه بسيطه مثل معقب او محصل او موظف استقبال وان شاء الله مع الوقت تحصل وظايف افضل

شف وانا اخوك انا ماني رافض بعض الواظائف عبث وعندي سبب مثال
انا رافض المعقب لسبب مهم انت رجال خابر الزحمة بها الرياض من يبي يتحملة
وظيفة محصل انا رافضة انا مالي خلق اجلس اجمع لشركات دراهمهم لو نقص ريال سجنونك ولا لو انسرقت ودوك ورا الشمس
وظيفة سكيرتي الصراحة الواحد ينفس واهو جالس لحالة
وظيفة كاشير تبي واحد فاضي يجلس يحسب
وظيفة العامل الصراحة مابي شدة اشيل واحط نصي بعوج ومصوع

اما الي وظيفة ثانية انا ماعندي ولا اهتميت لراتب لني بصراحة انا رجال متعود على الدوام جلست ست سنين بالجامعة ورايق واخر سنتين بدون مكافئة والامور طيبة وحنا بخير

والي خلاني اقول شكل هالديرة مابة وظائيف لني كل ماطلعت الصبح عند كل اشارة القا اجنبي واقف وطاق الكرفتة والنضارة الشمسية وانا ياحول لا ذي ولابنت الذي دوران بها الشوارع لما ينفضخ راسي من الشمس وارجع لبيت ومن بكرا نفس الحكاية والله اني اعبي التانكين حقات الجيب فل ولا يجلسن يومين الا خلصات كل ذا من الطفش الفضاوة الله يسهل الامور ويعين الله على هالدنياء الدنية

نفس حالتي الله يعينك كيف صبرت ست سنين في الجامعة

وش اسوي صبرت على اساس اني ابي اتخرج لو تبي الصدق من اول يوم دخلت الجامعة متاكد مليون بالمية منب متخرج لني هواوي منب راعي دراسة وخربيط بس قدر الله وماشاء فعل

اخوي ههههههههههههههه الله يرزقك بس انت عندك مشكله كبيييييره

وهي اللي بتخلي المدراء ماينظرون في طلبك

مشكلتك هي في الاملاء كل جمله انت كاتبها فيها خطأ املائي نصيحه طور نفسك في الكتابه الاملائيه

اذا تبي وظيفة تتمناها وهذي بداية المشوار

مع الاسف مشكلتك هذي لاحظتها مع كثير من الشباب !!!

أخوي المعقبين دخلهم طيب يوصل لل 10 الاف بالشهر .. طيب فيه وظيفة موظف الاستقبال تحصلها بالفنادق والشقق الفندقيه والمستشفيات يحتاج لها مظهر ممتاز بس