الفزعة الفزعة يااخواني
 

بسم اللة الرحمن الرحيم
اولا اتشرف بنضمامي لهذا المنتدى الشامخ بادارته ومشرفينه واعضائة واسال اللة ان يوفق الجميع وان يرزقهم من واسع فضلة وان يعطي كل انسان امنيتة اللهم امين

(اخواني قدمت على احدى الجامعات على وظيفة كاتب واخبرني احد موظفي الجامعة بعد سؤالي لة عن طبيعة الاختبار
ان الاختبار يتضمن اسئلة عن السكرتارية والادارة والمساعدة الادارية والمالية وقالي خذلك كتب من المكتبة وادرسها
قلت يااخي لم اقدم على سكرتير ولامحاسب قال هذا العلم)

اخواني ارجوا مساعدتي من منكم دخل اختبار او عندة علم ولو معلومة بسيطة لايبخل علينا بها
خايف من الاختبار ومن كلام الموظف وانا مخاوي البطالة من تسع سنين اللة يكتب اجركم

اخوي الله يوفقك
ولا تخاف لازم تتوكل على الله
قبل ما تدخل الاختبار وان كان لك خير فيها بتاخذها وان كان مالك خير فيها ربي
يصرفها عنك
وهونها وتهون
لا تعطي الاختبار اكبر من حجمه ولا اقل
انت حاول تجمع معلومات في الامور الاداريه والسكرتاريه
لان طبيعة العمل وحده بس اختلاف مسمى الوظيفه
وان شاء الله الاخوان بيفيدونك ويكون منتدى البطالة فال خير عليك

اخوي اوصيك قبل الاختبار تدعي بعض الادعيه اللي تهدي عليك وان شاء الله خير

( اللهم لا سهل الا ما جعلته سهلا انك تجعل الحزن اذا شئت سهلا )
( اللهم اني أسألك نفسا مطمئنة تؤمن بلقائك وترضى بقضائك وتقنع بعطائك وتصبر على بلائك )
( اللهم افتح علي حكمتك وانشر علي رحمتك )
( رب اشرح لي صدري ويسر لي امري واحلل عقدة من لساني يفقه قولي )

صدقني هذي الادعيه اذا قلتها بقلب صادق لها تأثير عجيب على تهدئة النفس

((((واذا استعنت فاستعن بالله ))))

دعواتي لك بالتوفيق والنجاح

سينقل الى قسم استفسارات الوظائف

وحي القلم

اسأل اللة ان يشرح صدرك وييسر امرك

وتكلتنا عاى اللة

شكرا على نصائحك القيمة

اخواني اللي اختبر بجامعة الطائف اواي جامعة لايبخل علينا يعطينا اي معلومة
عن نوع الاسئلة وطريقة الاختبار

الله يرحم والديكم وييسر اموركم يجزاكم خير تكفون

أخوي لا تصدق أنا أختبرت في جامعة الإمام وكان الإختبار جدا سهل جميع المتقدمين ما أخذوا أكثر من نص ساعة...واللله على ما أقول شهيد...

اخوي (الحسني 07) الله يوفقك ويرضى عليك دنيا واخرة ويطمن بالك

لوتكرمت محور الاسئله عن ماذا يدور
الله يعطيك العافية ويجزاك خير

انا اختبرت في جامعة الملك خالد على وظيفة مسجل طلبه

طبعا ما انقبلت لكن الاختبار التحريري سهل جدا جدا

عبارة عن عشرين سوال في الوظيفة الي انت مقدم عليها

الله يوفقك اخوي (r3d1003) ويعوضك خيرا منها ويرزقك من حيث لا تحتسب

مثل ماقال أخوي r3d1003 أنا قدمت على وظيفة مشغل أجهزة حاسب آلي وكانت الأسئلة جميعها عن الحاسب الآلي..

لأنهم في الواقع يقسمونك على شكل مجموعات...
يعني إللي مقدمين على وظيفة (( كاتب)) مثلك وشرواك . يتخبرونهم في الطباعة ومن الكلام هذا....

يعني لاتخآآآف ..

رووح والله يوفقك.....

الله يوفقك ياخوي (مخاوي البطالة ) وكل الاخوان

والله ان دعوتك لي حركت مشاعري وردت لي الروح