استفسار.. عقد صندوق الموارد البشرية
السلام عليكم ورحمة الله وبركاته حبيت استفسر انا موظفة قطاع خاص واسمي مسجل في صندوق الموارد البشرية , و قبل 5 شهور انتهى دعم السنتين حقت الموارد طبعا انا وقعت عقد قبل سنتين الي هو عقد موظف مدعوم من الصندوق اليوم الإدارة عندنا جابت لنا عقود جديدة نوقع عليها وانا باقي ماوقعت لان فيه شروط ماعجبتني :( وبتأكد لازم اوقع عقد جديد بعد ماينتهي دعم الصندوق غير العقد الاول ؟ يعني هالإجراء صحيح ونظامي ؟ طيب اسمي باقي موجود بالصندوق والحالة فعال ليش اغير العقد ؟؟ طيب الإدارة ليش توو الحين توقعنا عقد من ان الدعم صار له فترة منتهي ؟؟ انا مابي اوقع لان الشروط الي بالعقد الي جابوه لنا صراحة ظلم !! يحق لي اكتفي بعقد حق الصندوق .. لانه عقد غير محدد المدة شوروا علي وش النظامي .. اوقع عقد جديد .. والا يحق لي الاكتفاء بحق الصندوق ؟؟ ( العضوية حقت اختي ) :d |
دائماً يكون عقد الموارد البشريه عقد مفتوح وغير محدد
بس ممكن تذكرين لي بعض الشروط بالعقد الجديد وستتم أجابتك |
هلا اخوي من ضمن الشروط بااختصار 1- مافي بدل اجازة :confused: 2- اذا استقال الموظف تسقط اي مستحقات او مطالبات ماليه له :do5h: 3- اذا جاا يبي يترك لازم يعطي الادارة خبر قبلها بثلاث شهور :b ومايترك الا بعد موافقة الادارة وتوفير البديل ( اذا ماوافقوا ومافي بديل وترك يعتبر مثل التغيب بدون اشعار حتى لو اعطاهم خبر ) 4- والاهم الراتب المكتوب غير صحيح مكتوب 3000 وبالحقيقة بعد انتهاء الدعم نستلم 2500 بدل مايزيد مع زيادة السنين ينقص :d هذي الي ذاكرتها وهي الي مسوي ازمه لي صراحه !! سؤااال // عقد الموظف المدعوم من الموارد هل يتغير بعد انتهاء سنتين ؟؟؟ |
اقتباس:
بس لا ترفضين كتابيا اكتفي بالفظ فقط |
كل الشروط هاذي ,,, يبلونها ويشربون مويتها لأنها مخالفه لنظام العمل
ويعتبر العقد غير سليم بمخالفته أنظمة العمل 1- بدل الأجازه من حقك أجازه براتب وهذا شي ينص عليه النظام 2- لاتسقط أي مستحقات للموضف في حال تقديمه للأستقاله 3- شهر واحد بس قبل الأستقاله وهذا شي ينص عليه النظام وافقو ولا ماوفقو يضربون راسهم بالجدار وهذا شي ينص عليه النظام 4- الراتب لازم يكون نفس الي مكتوب بالعقد وهذا شي ينص عليه النظام 5- بالنسبه للعقد حسب خبرتي بأن عقد الموارد مفتوح ولايتغير وتدفع الشركه للموضف نفس الراتب بعد الدعم ولاكن أستفسري أنتي من الموارد بأتصالك على الرقم الأتي 920000713 يعني أسئليهم قولي العقد يتغير بعد أنتهاء الدعم وعلى فكره أستفسري كمان عن مكافأتك من الموارد لأن الموارد لو كمل الموظف سنتين مدعوم 7 يستلم مبلغ من الموارد ودورتان مجانيه عن طريق الموارد بس الشركات نصابه تأخذ المكافات ولاتعطيها الموظف أي أستفسار أنا حاضر لاتنسيانا من دعائك |
طالبيهم براتب اجمالي عن السنة الأولى + راتبين عن السنة الثانية وهي مكآفأة الصندوق
اما شروطهم في العقد الجديد فهي مخالفة للنظام نهائياً |
رد: استفسار.. عقد صندوق الموارد البشرية
عندي استفسار
انا مرظف خاص وملتحق بالعمل من تاريخ 5/6 ميلادي يعني شهرين وموقع عقد الصندوق والان ادخل ولا اجد اسمي بالاستعلام عن موظف مدعوم وش السبب |
الساعة الآن 08:41 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين