[align=center]السلام عليكم
موضوعي شوي طويل ..
ولكن مامعاي بعد الله الا انتو تساعدوني

التحقت بشركه 10/2010
وبدأنا بالتدرب بالكليه ونجحت
ومن ثم التدريب ع رأس العمل ..
حصلت على 3 انذارات خلال مسيرتي
وكان تاريخ اخر انذار هو شهر 1/2012
وكلها انذارات غير مستحقه
ولكن حالي من حال زملائي بالدفعه ..
بعد الانتهاء من التدريب ع رأس العمل
قرر موعد المقابله النهائيه
واختبرت عند مدراء ونجحت ..
( النجاح هنا يبلغني فيه السوبر فايزر من دون اعطاء اوراق تثبت النجاح )
وبعد فتره من اداء الاختبار تقرر اعادة الاختبار لكامل الدفعه بعد تمديد التدريب. والسبب (عدم حضور رئيس القسم للاختبار) ..
وللمعلوميه : موعد المقابله والاختبار النهائي يرسل فيه ايميل للرئيس والمدربين والمدراء فيه موعد الاختبار والمكان ..

ولكن ماحضر الرئيس الاختبار ..
رضينا جميعا بالتمديد ..

واختبرت للمره الثانيه وايضا نجحت
وبلغني السوبر فايزر ..
نظرا لتأخر اثنين في اداء الاختبار
تم تأخير التعيين ..
اشتكينا وصحنا وبكينا
وكان الرد : ماعليكم كل شي يجيكم اثر رجعي من تاريخ الانتهاء من الاختبار ويقولون ان التعيين يجي للدفعه كامله ..
صبرنا
وبعد انقضاء حوالي شهرين تأخرت ساعتين عن الدوام .
وتم استدعائي واستجوابي واني استحق انذار ..
ويقولون نكلمك ونخليك تجي توقع التعهد والانذار ..
بعد اسبوع:
اتصل علي احد معارفي وقال انت مقفل جوالك امس واتصلت علي الشركه ويقولون انه تم فصلك من اسبوع .. كيف تداوم وانت مفصول !؟

انصدمت وذهبت للشركه وطلع اني مفصول واسبوع اداوم ع الفاضي ..
للمعلوميه :
**: خلال فترة التدريب ع رأس العمل اجبرونا ع دوام المناوبات ( شفتات ) تقريبا ست اشهر وداومنا وبدون زيادة بالمكافأه ..

**: خلال فترة التدريب ع رأس العمل تم تغيير مجالي في العمل اربع مرات .. مع العلم ان كل مجال بعيد عن المجال الثاني في طريقة التدريب فيه .. يعني سويت الاختبار في تخصص وكنت ارجف لاني ماتدربت عليه الا شهر فقط من كثر اللخبطه بين المجالات .

**:خلال فترة التدريب ع رأس العمل اجبرونا ع تنظيف الشركه لمدة اسبوع وهددونا بالفصل اذا رفضنا ..

انفصلت وطلبت وشكيت وبكيت ولا في فايده
رؤساء وامراء وبدون فايده ..

بالاخير رفعت دعوا عليهم ..
تقابلنا عند مكتب العمل ومن ثم الهيئه الابتدائيه ..
كان حجتهم بالفصل كثرة الانذارات وبعد ردي بان اخر انذار كان قبل سنه من تاريخ فصلي.

تغيرت الحجه الى اني متكبر وعبيط وايضا رديت واقنعتهم

وبالاخير جابو حجة اني سقطت بالاختبار النهائي .. وانهم تكرمو علي ومددو فترة تدريبي واعادو الاختبار وايضا سقطت ..

وانا الصدق والله اني ناجح

حسبي الله عليهم

مافي يدي اوراق تثبت نجاحي لانها كانت عندهم ..
والسوبر فايزر بلغني واراني الايميلات بنجاحي ..

الحين هاذي سابع جلسه والصراحه مليت
لي تقريبا 8 اشهر وانا كل شهر سفريه وشقق واجار وحاله ..
وماعندي استطاعه اوكل محامي..
اهلي عندهم من الظروف اللي يكفيهم..

ابوس روسكم ساعدوني والله كرهت نفسي ..

اللي بيساعدني بقضيتي
او بوظيفه تستاهل بعدي عن اهلي الله يوفقه

هذا رقمي : 0565678508[/align]

والله إني أشعر بحرقة مثلك أخي الكريم
صعب جداً جداً جداً تأخذ حقك وإنت ما عندك أي أوراق ضدهم
نصيحة لوجه الله أكمل طريقك وشوفلك أي شغلة ثانية خليهم عنك
ما راح تستفيد منهم إلا الخسارة والمشاوير ( أكمل طريقك في الحياة وانسى الماضي )

وعليكم السلام

أخي الكريم : الله يوفقك أن شاءالله وينصرك بنصره

أخي أنت الأن تقدمت بدعوى , ولافيه لك الأن الا أنك تواصل الدعوه وتستمر فيها

وسجل كل نقطه يتغير كلامهم فيه وقدمها كحجه ضدهم

وأنا والله كان ودي أني أنك كنت معنا من أول ماتقدمت بدعوى عشان نفيدك بالمستطاع

على كل حال أخي

1-هل الوضيفه مدعومه من صندوق الموار البشريه
2- كم فترة التدريب بالكليه وأخذت شهاده ولا لا
3- خاطبوك رسمياً بكل أنذار قدموه لك وشرحو الأسباب فيه ووقعت عليه وأستلمت نسخه منه
4- كم الفتره مابين كل أنذار وأنذار
5-قلت لمكتب العمل أنك أختبرت مرتين وبكل أختبار يبلغ رئيسك بأن ناجح وقلت لهم أسم السوبر فايزر وطلبت حضوره وبلغتهم بأن مو بس لحالك عادو الأختبار لكل زملائك
6- قلت لمكتب العمل أن أخر أختبار صار من شهرين وكيف الحين يقولون مو ناجح
7- أيش هي النقاط الي تقدمت بها ضدهم بمكتب العمل

أرجو منك الرد على أستفسارتي وستجد الجواب والمساعده أن قدرنا

فيه بتويتر محامين يقدمون استشارات مجانيه اعرض عليهم قضيتك ويقدمون لك استشارة قانونية

هذا احد الحسابات وفيه غيره كثير

والله يااخوي رغم اني مافهم بالشركات وكذا لكن واضح انهم ناس ظالمين وش لك بمكان كذا ومطالب وراهم ؟؟

تنظيف شركه ؟؟ ليه عمال نظافه وين العمال !؟! اي شركه هذي ؟؟ ليتك قلت اسمها تحذير للناس منها وغير كذا انذارات وظلم وتبلي على الخلق ؟؟ غابه هذي ؟؟ والله لو بمكانك .. اخذ خبرتي منهم واطلع ادور لي مكان ثاني الرازق الله .. ولا يضيع حق عند رب العالمين الله يكتب للأنسان رزقه وهو ببطن امه ,, يمكن رزقك موب معهم وبالعكس احسها خيره .. وعسى ان تكرهوا شيئا وهو خير لكم الله علام الغيوب لو اطلعنا على علم الغيب لـ اخترنا ماختاره الله لنا ... ومازعلنا ولا عصبنا لانه فعلا خير .. والظالم الله فوقه .. الظلم ظلمات يوم القيامه تحسب عليهم وتوكل على ربي ودور رزقك بمكان ثاني اترك هالمشاوير وطور نفسك خذ خبرتك وكمل مو شرط جامعه الحين الجامعه محد يبيها .. لاوزارات صالحه ولا وظايف زي الناس عشان نبي وظايف حكوميه كلنا راكنين شهايدنا وبالعكس ابو الشهايد الحين محد يبيه ومحد يتحطم غيره .. خذ دورات ادخال بيانات حاسب اي شيء .. وطور نفسك الشركات مليانه وبنوك مستشفيات الواحد يدور رزقه ويطور نفسه موب يجلس يندب حظه بالعكس هذي تجربه نستفيد منها ... الله يفرج همك وهم كل مسلم .. موفق خير