مدري وش اسوي
السلام عليكم ورحمة الله وبركاته أنا مشكلتي فريده من نوعها احس مافي احد مثلي :( أنا بعد فتره إن شاء الله بمسك وظيفة مؤقته تنفعني كخبره إن شاء الله والوظيفة فيها تحيليل انظمه وبرمجيات الخ .. نفس تخصصي يعني :i بس مشكلتي درست وطلعت وانا ماني فاهمه شي من هالتخصص احفظ واحل وانسى و انجح بالبركه :cry: وسألوني عن اشياء كثيرة ماعندي ماعند جدتي وقسم :m آكله تبن وانتم بكرامه مدري وش اسوي استر على عمري واطنش ولا يمصخروني بالشغل واحتمال انطرد :c لا والطآمة الكبرى كل كلامهم انجليزي باانجليزي وانا ميح دونت سموكنق واتز هابند مدري وش اسوي احد صار له مثلي ولا أنا بس اللي ادرعم بهالدنيا على غير سنع :cry: هيلب مي بليز .. |
ضحكتيني كثير الله يوفقك كل التمسخر بنفسك
اذا الجهة مهي تعليمية درعمي على قولتك بس اطلبي دورات وتنجحين بأذن الله |
أقول أنتي أول ولا أخر واحد يمر بهذا الموقف
أستمري وأن شاءالله تتعلمي مع العمل يعني تعقتدين بأن كل من درس حفظ كل مادرسه |
انتي مع الوقت بتكسبين خبره
مو كل من درس عرف كل شي لما تزاولي مهنتك راح يرجع لمخك كل شي درستيه .. اما من ناحية الانقلش فترا كثير ناس مايعرفون ومع الاختلاط صار بلابل .. توكلي على الله وماعليك |
انتي مع الوقت بتكسبين خبره
|
يابرودك طيب بدل ماجالسه تندبين روحى اشتري كتب وادخلى مواقع واقري وجربي وتعلمي هو احد لاقي شغل هالايام !!!!!!!!!!!!!!!!!
|
استمري بالعمل ولكن لا تطنشين حاولي انك تتعلمي و تطوري من نفسك
كل واحد منا يشتغل في وظيفه لاول مره يحصل معاه نفس الشي مع الوقت راح تتعلمي |
انا الي خلاني ارد كلمت "دونت سموكنق" << مالها دخل بالموضوع بقووة هههههههههههههههههه
عالعموم الله يوفقك ان شاء الله على فكرة اغلب الخريجين ميح لانو الدراسة تقريبا تختلف عن سوق العمل لكن مو غلط انك تاخذي خبرة حتى لو ماكملتي معاهم وتحاولي تتطوري من نفسك اكثر . |
ماراح تكون مؤقته راح تبدعين وتوريهم قدراتك وبيرسمونك ان شاء الله
ثقي بربك اولا ثم نفسك ثانيآ بالتوفيق ي رب |
يجب عليكي تكوني جريئة . مع الوقت تكتسبين خبرة و يجب انك تكوني مستمعة جيدة لكل شئ يقل لك لتتعلمين سريعا و ان تستمعين اكثر من أن تتكلمين و تستفيدي من الاكثر خبرة منك .. و يجب ايضا تكوني مستعدة لأي مواقف محرجة بسبب قلة خبرتك و نقص اللغة الإنجليزية و تكوني مستعدة للتعامل مع هذه الموقف بلباقة
|
الساعة الآن 12:05 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين