الله يرحم والديكم الكل يدخل حالتي صعبة
 

السلام عليكم ورحمة الله وبركاته
بدون مقدمات بقولكم سالفتي انا شاب متخرج من الثانوي السنه الماضية تخرجت وما قلت على الله ابغى الوظيفة باي شكل من الاشكال المهم قدمت على اسواق كارفور وياليتني ما قدمت المهم في نفس اليوم من التقديم داومت وهذي هي الحسنة الوحيدة لهم
والله ما انسى دموع امي وابوي يوم شافوني باللبس حق الدوام المهم داومت عندهم شهرين
وجاء ذاك اليوم الاسود جيت بقفل وقت الصلاة طبعا الوظيفة كاشير جيت اقفل جاني واحد من اخوياي قال حاسب لي العلك هذا حاسبته له علك نوفا بس سعره 35 هلله شافوني بالكميرات ونادوني وسوو معي تحقيق المهم قالوا انت مالك مكان عندنا حاولت فيهم ترجيتهم لكن للاسف دون جدوى مع العلم انهم عادو الكميرات علي طوووووول ايامي اللي داومتها ماحصلوا غير هذي القضية المهم قالوا تجيينا بعد شهر تستلم حق الايام اللي دوامتها طبعا 21 يوم المبلغ 3100 قلت اوكيه مر شهر ورحت لهم وكل يوم يقول تعالي بكره وكل يوم يقول تعال بكره على العلم اني اليوم وانا اكتب الموضوع تميت شهرين وفلوسي ماجات وحقي ماجاني استفساري هو كيف اشتكيهم انصحوني وش اسوي والله الدنيا قافله بوجهي
اخوااني اللي يخبرلي وظيفة يوظفوني بسرعة بدون تعقيد او اللي عنده شركة ويفزع لي ترى من فرج على مسلم فرج الله عليه يوم القيامة
اخيرا اعتذر اشد الاعتذار على تدخال الكلمات لكن انشاء الله انكم فهمتم

شي غريب بصراحة عشانك حاسبت عن خويك يفصلونك ؟؟!
على العموم الله يفرجها عنك ويرزقك من حيث لا تحتسب

على طول بدون أي نقاش

أرفع دعوى عليهم بمكتب العمل وتوصلك فلوسك غصب عنهم

أرفع دعوى مستحقات ماليه

غيرهم كثير قدم على بنده والعثيم وماكدونالدز ولايضيق صدرك الرزق مكتوب

الله يعوضگ خيراً منها ياااارب

شدعوى ياخووك تراا انت منت متعطل عليهم، عندك اسواق المجمعات واسواق التغذية وغير سلسلات المطاعم (كنتاكي، هارديز‘ هرفي، كودو، ماك، بيغ برغر، ..............

أشتك عليهم في مكتب العمل ولا تسكت عن حقك لأكن بسالك وش سويت يوم انك حاسبة لخويك

ي خي نظام الشركة يرفع الضغط الحين اذا شريت اي من السوق لازم تكون الفاتورة معك ولا الله يعينك فانا خويي جاني قال عبدالله مامعي الا علك فصعب اني اعطيك ريال عشان علك ب 35 هلله هذا شئ الشئ الثاني هم البناطيل اللي معطينا ما فيها جيوب فكيف يكون مع الرجال فلوس انا اعرف اني اخطيت لكن ما توصل للفصل انا لي الان شهرين بدون شغل
تكفون ي الربع فزعتكم اللي يخبر لي شركة توظيفها سريع لا يبخل علي لو راتبها 3000 ماعندي مشكلة

طيب غير هالمشكله شفت منهم شي
وكيف نظامهم والراتب كم بعد خصم التأمينات ؟؟؟؟
ودي اقدم عليهم

الله ييسر أمورك يا غالي ترى الوظائف ياكثرها راح أعطيك بعض الأسماء وتوكل على الله من بكرى روح قدم عليهم
عندك العثيم وبانده وسنتربوينت ماكدونالز هيرفي رواتبهم 5000 بعد التأمينات قرابه 4600 اثنين من اخوياي فيها وبعد كنتاكي نفس. الراتب واكستر لا تنساها واسأل الله العلي القدير انه ييسر أمورك ويرزقك كل خير