انا محتااااااااارر باشباب
 

السلام عليكم ياشباب اخباركم انا ا الثلاثاء دخلت الامن العام الدوره وطلعت اليوم؟ والله ياشباب جانا كرف عند الله خبرررره ونفسيتي تعبانه لان اهلي شوي معصبين علشان اني تركت الدوره لاكن والله مو بيدي غصبن عني قبل افكر فيهم بنص التدريب قلت تهون الا فجئه جاني شيء اعمااني عن الوظيفه والله ياشباب انا متندم ولا كم مقهوووووور

يمكن عين ماصلت عالنبي جتك

أكثر من الأستغفار وتحصن باأدعية الصباح والمساء

والله يعوضك بوضيفه افضل منها

والله يصبرك

هذا يسمونه دلع وانا اخوك
لو كنت محتاج للوظيفه هذي كان تحملت المشاق عشان تجيب لقمه عيشك
وانا عارف انك مقهور الآن وكلامي راج يزعلك كمان لكن هذي عشان ما تتكرر في الفرصات الجاءيه


أتمنى ان تلتحق بإقرب دورة عسكريه وتكون عند حسن ظن أهلك

بالتوفيق لك

الله يرزق ان شاالله وظيفه احسن منه

ايش سولكم في الدوره وهل طلع كثير؟
هل المجموعات مع بعض والا كل مجموعة لحالها؟
والله يرزقك بالأحسن0000

ياخوووووووووي الله يرزق باحسن منها ان شاء الله


بس علمني طلعووو ناس كثيرين كم عددهم الي طلعوو يعني


ياخوي ريحني ترى خووي الخااص هنا مادري شنو صار فيه

ياخوي ارجع للدوره وخل عنك التعب والله مافيه تعب ماغير في البدايه وارجع ولاتفكر في اي شي ثاني فكر بس تكون رجل قد التحدي وحاول ترجع لدورتك وصدقني انهم مارايح يقصرون معك العسكر في الرجوع وربي يوفق الجميع

فعلا هذا اسمه دلع

الحين كثيرين يتمنون يدخلون الدورة الي انت دخلتها حرام عليك

حنا الحين بزمن صعب ولازم الواحد يتحمل مشاق هالدنيا عشان لقمت العيش وانت قاعد تتدلع مع احترامي الكبير لك

العسكرية للرجال طبعا انا ماأقلل من رجولتك بس وربي اني زعلت منك وانقهرت حرام تتركها والله حرام عليك

عاطل بااااطل ليش كذا
والله عيب عليك تخش الدوره بعدين تطلع ليش كذا شباب اخر زمن خلك رجال
واستحمل هما ترى لازم يتطفشون الواحد في اول اسبوع بالذات وبعدين خلاص

يارجال يمكن خيره لك الله يعوضك باحسن منها

الله يرزقك بأحسن منها


لكن وش نوع الكرف ؟؟ تدريبات ولا ايش ؟؟

اترك عنك الدلع وارجع لدورتك وخلك قد التحدي والعسكرية تعتبر مصانع للرجال
وانت قدها وقدود وصدقني ترى العسكرية في هالوقت احسن من غيرها من جميع النواحي

الحمد لله الخيره فيما اختارها الله .
ما كتب لك الله انك تستمر بالدورة .
احمد ربك واشكره وهذي ماهي نهاية الدنيا .
وخل اللي حصلك دافع لك للبحث عن ما يناسبك .

تبي نصيحتي ارجع لهم وترا الكرف بس باول الايام والله يكتب لك الخير

الله يسهل امورك

خيرها بغيرها وكل شي صعب في بدايته

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,

اله يوفقك انشالله ويا اخي لعلها خيره لك انشالله ونك انشالله تحصل وضيفه احسن منها وعين ما صلت على النبي بس اذا ممكن كم اللي طلعو من الدوره معاك كثيير والا انتا بس لحالك وشو نووع الكرف اللي جاكم يعني عطنا شئ مختصر عن اللي شفتوه بالدوره

وفكر في انها خيرره انشالله لك وربي يوفقك انشالله ويوفق جميع العاطلين ونحصل الوضايف انشالله

جزاكم الله خير اول شيء اللي يسئل يقول مع بعض لا كل تخصص بغرفه لحال ومدرب والغرف بجنب بععض واللي طلعو تقريبا 500 شخص طلعو من الدوره والتدريباات شاقه حيل يععني موقفين من الساعه 7 الي 12 الظهر بالشمس موت والله وقله حياء

السلام عليكم ورحمة الله وبركاته

اخوي عاطل الله يلوم الي يلومك ياشيخ

يناس معقوله في دوره تبداء شهر 7 يناس بالعقل وربي مايصلح ابد

روحو شوفو كم درجة الحراره الظهر وربي توصل 50 درجه وربي شي مو طبيعي

والله لو تفقش بيض بالسطح خمس دقايق وهي مستويه

من جدكم انتو والله انا مالومه ولا الوم اي شخص يطلع منهم

واتوقع لو تروح وتحاول توصل لأعلى مسؤول تقدر توصل له وتعلمه باللي ساير

صدقني راح ينضرون في امرها

الناس قاعدين يلومون الرجال لأنهم جالسين تحت المكيف ولو احلف محد شاف الشمس

نوم النهار سهر الليل

روحو اطلعو الظهر شوفو كيف اللهيب والموت الاحمر

فما بالكم من يوم تطلع الشمس الين تغرب وهو تمارين وهروله

والله شي جنوني

اصلن الظهر اطلعو الحوش ووقفو بدون نعال اتحداكم تكملون دقيقتين اذا ماكانت دقيقه

الله يعينك ياخوك

والله يصبر الي بالدوره اكيد ماطلعو لأنهم في اسواء حال مادي الله يكون بعونهم يارب

والله يخفف عليهم ان شالله

هذه وجهة نظري بموضوع اخوي عاطل الله يعينه ويوفقه

السلام عليكم

هذا شي طبيعي انه يحصل
لاكن لو صبرت شوي راح تروح الضيقة
ولعل في الامر خير ه
ولا تندم ولا حاجه
هذا الي الله كاتبة
ولاكن انت قدم في اقرب دوره وانشالله ان الله يوفقك

والله ياشباب افكر؟؟؟؟؟ باشياء مو زينه ياناس اهلي متغيرين علي؟ اشوف ان مالي داعي والله؟ والله اني طايح بالميداان 4 مرات منصرع بآول يوم والله يكرمكم تطريش وقله حياء ولاتاكل زي الناس والله يوم دخلونا للسكن طبععن السكن عن المكان اللي دخلنا منه 3 كيلو والله المدربين بالسيارات وحنا نركض وراهم وهم راكبين جيوب دوريات؟ وانا اقول ماني منحاش بس ياخي جتني ضيقه نفس الموت يعني شفت الموت بعيوني؟ والله اني اقول للمدرب ابي اشرب مويه وارجع يقول لا ماتشرب وغير كذا الماء حار حتي بارد مافيه غير بالميز ولا النوم والله المكيفات خربانه قاللو الطلاب للمدرب المكيفات ماتشتغل؟ ليه قال اهم شيء فيه سراير وبطانيات المكيفاات لاحقين عليهم؟؟؟؟؟؟ وش رايكم انا وش اسوي؟ انا افكر اسجل بالحرس لان دورته 3 شهور ابي ارضي اهلي والله نفسيتي تعبانه حيل حتي افكر اني اترك البيت

تتوقعون؟ يدخلوني لو ارجع؟ ماعقتد لانهم كتبو لي ورقه فصل؟؟؟؟ وهل فيه عسكريه تقبلني ثانيه؟؟ لانهم ماسجلوني عسكري طالب الي الحين؟؟

أخوي عاطل بآطل :
ذكرتني بقصة واحد دخل الامن العام قبل اربع سنوات تقريباً وطلع من اول اسبوع مثلك تمام والله انه الان يتمنى يقدر يدخل مره ثانيه اربع سنوات يحاول يحصل على وظيفه بدون فائده .
اخوي صدقني التعب اول اسبوعين ثم خلاص ينتهى يعني يشدون اول اسبوعين بس وهذا معروف في كل الدورات العسكريه وبعدين تصير دراسه واخف بكثير
ولا تسمع كلام احد عن الوظيفه صدقني لو مافيه خير ومستقبلها مو حلو ماشفت كل هالعالم مقديمن فيها ومتمسكين فيها وكل واحد يجب واسطه عشان يدخل
نصيحتي : ارجع واصبر كلها اسبوعين وخلاص ترتاح

يالغالي كيف ارجع؟؟؟؟؟؟؟ انا بحفر الباطن والرياض 500 كيلو؟ اجي ويطردوني؟ ياخي يقولون اللي يطلعع مايررجع؟والله ماني فاضي اطق مشوار واوقول لاهلي برجع ويكرشوني والله هم يبون يطفششوننا علشان يدخلون قرايبهم بمده بعيده شوي يشدون علينا يبون الواسطات تدخل انا اعرف واحد دخل بعد 45 يوم وش رايك؟ بس دخل 3 شهور تخصص و3 شهور البروفاات مادخلها والحين بالمرور موظف والله قهر بس اكيد يقبلوني لو رجعت

اقول حاول انك ترجع وذا مررة حاس نفسك منت قادر اخصرك منهم وربي يرزقك انشاء الله احسن منها بس تبغى الصراحة اذا عمرك صغير لاترجع لهم وكمل دراستك

أخوي راح يرجعونك غصب عنهم وانا اعرف ناس كثير تطلع وترجع انت حاول وظيفتك ومستقبلك ما يستاهل هالمشوار وبعدين صدقني اذا تبي مستقبل زين لا تسمع كلام احد ولا تلتفت لـخرابيط واحد دخل بعد 45 واحد مدري كيف واسطات .. والله انت مو الوحيد الي ينكرف بدوه معك اربع الاف غيرك حالك من حالهم والخ انت لازم تعرف ان هذي الدوره مده مؤقته وخلاص بعدها ترتاح ولازم تعرف ان الوظيفه فرصه ماتعوض
رح لهم وانشالله ترجع وتتيسر امورك
والله يسهل على الشباب الي في الدوره ويوفقهم انشالله ويكتب لك الي فيه الخير

الله يعين

ياليت تفهمني يعني الم اغراضي وامشي؟ ولا وشلون اخاف يكرشوني انا بصمت ع ورقه قالو توكل؟ ياخي ممكن تجيبون لي رقم التسجيل بالرياض الامن العام؟ تكفون ابي ررقمهم

الحمدلله اللذي لايحمد على مكروه سواه
دامك بصحة وعافية كل شي يهون
انا كنت في احد شركات ارامكو المتعاقدة ، نفس نظام العسكرية 12 ساعة هذي يوميا ً واقف غير الاهانات من المسؤولين الاجانب
ولكن الله يوفقك ويوفق كل عاطل بما فيه صلاح لدنياه ونعيم لأخرته

الله يوفقك اخوي ويليتك صبرت شوي والله اعرف ناس معاك مدري شنو مسوين
الله يعينهم جميع هذا رقمهم تدريب الامن العام بالرياض
انهم مرة دقوا علي قالوا اوراقك ناقصة ورحت لهم ومع هذا ما نزل رقمي
خذ الرقم هذا هو 012466015

يالحبيب في مثل يقول الي يبي الدح لايقول أح

تحياتي لك

لو سمحت الأغلبية من اي مجموعة طلعت؟
امكن على حسب المدرب 0000والا كلهم تمارينهم وحده (المجموعات)
وهل خيروكم بالتخصصات؟؟ يعني مرور شرطة......الخ والا باقي

خيـــره انشـاء الله وربي يعووضك ازين منها

بس اذا تحس انك ندمان تقـدر تماكنهم لان اعرف ناس واجد طلعوو بس بعدها بيومين رجعو

بس يبيلها شويت واسطه الله يوفقك

نعم كنت انا بدورة امن المنشات وطلعت منها واقسم بالله انني قدمت على الحرس الوطني وانقبلت فيها برتبة وكيل رقيب وبنفس التخصص الجامعي (وظيفة ادارية)

موقع الحرس الوطني بالقطاع الشرقي: http://www.nge.gov.sa/ar_home.asp

رابط التوظيف: http://www.nge.gov.sa/contactus.htm

رئاسة الحرس الوطني: http://www.sang.gov.sa/SANGcs/Arabic/default.htm

الجهات والمكاتب المسؤولة عن القبول
1-الرياض/ هيئة شؤون الأفراد / إدارة التجنيد ، حي الربوة ، شارع الأمير بدر بن عبدا لعزيز ، هاتف مباشر 4933620
أو 4912222 تحويله 28004
2-جدة/ إدارة شؤون الأفراد / قسم التجنيد ، شارع الميناء ، خلف مبنى وزارة الإعلام .
هاتف 6711334 تحويله 363 – 364 – 365
3-الدمام / إدارة شؤون الأفراد / قسم التجنيد ، وكالة الحرس الوطني ، طريق الخبر.
هاتف: 8590826 أو 8580000 ، تحويله : 24307


البريدالالكتروني: a1a1f2f2@hotmail.com
الجوال: 0504820138

يااااااااااااااااااااااااااااهلال عزك عزنااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااا

احب اعلق ع مواضيعكم اول شيء الرياض مدربينه ومدينته كلها زفت بزفت تخيل من السريه الي الباب الرئيسي تمشي ساعه ونص علشان توصل ياشباب مدينه الرياض كبيره وربي يمكن 10 كيلو لحد يدخلها اما التدريبات ياخي بس ثبوتنا بالشمس 3 ساعات بين الظهر والعصر يكفي وغير الززحف والتخصص ع كيفهم الرياض كل شيء ع كيفهم حتي الدوره ع كيفهم وربي انا ناس واجد نصحوني قالو انحش عن الرياض ياخي الدمام انت تختار التخصص خويي اختار امن طرق انا ححطوني اسلحه ومتفجراات طبعن سريتنا طلعو منها 500 اول يوم وثاني يوم اطلعو وفيه ناس واجد طاحو من السراير وتكسرو ويهرولون معانا وربي بالعكازاات يركضون يعني نو رحمه اللي يبي الراحه يخش مدينه القصيم او الدمام اعرف ناس تخرجو منها يمدحونها الرياااااااض(يهـــــــــــــــــــود يهــــــــــــود) ورحت لهم قبل امس قالو اوراقك عند اللواء وقعع ع فصلكم يعني مالك امل ترجع بخش حاسب واخذ رخصه عمومي وشهاده سباحه يعني الجوازات او الدفاع المدني ان شالله لاكن ياشباب كرف كرف كرف قله حياء×اكل الله يكرم النعمه محد ياكله رز مصري ابيض ورجل دجاجه كلها دم مو مطبوخـه واول يوم نمنا بدون مكيفات وغسلنا الحمامات الله يكرمكم اهانه اهانه اهانه

يعووووضك الله بوظيفة احسن منها
ان شاء الله
ولا تندم على تركك لها وان شاء الله انها خيره
وانصحك انك تبحث عن وظيفه لك في اقرب وقت حتى تنساها

بالتوفيق

احترم وجهة نظرك انا اخوي بالدوره وكان موظف براتب 3000 قطاع خاص والله كان مرتاح وفي احسن حال وكل العائلة موظفين وما قاصرهم شي بس انه كان يبغى وظيفة حكومية
وكلمنا ليلة الثلاثاء مبسووووووووووط مع اني متوقعة انه مايكمل لانه مو متعود على الكرف بس الكل مفهمه انهم بيكرفونه في البدايه وبعدين ان شاء الله يرتاح .. ان شاء الله يكمل ويخفف عليه والله يوفقه ويوفق الجميع يارب

والاخ كاتب الموضوع اذا ممكن ترجع ....حاول والله ترى صعبة وانا اختك ...انا حاسه بأهلك والله يكتب اللي فيه الخير لك يارب