لكل عاطل وعاطلة..هنا مستقبل وظيفي جيد( الحرس الوطني)
 

بادئ ذي بدئ .....بسم الله الرحمن الرحيم
الموضوع : وظائف عديدة بمستشفى الحرس الوطني بالرياض (للشباب والشابات) (ثانوي أو جامعي)
واكون صريح معاكم انا ماطرحت الموضوع الا وانا متاكد شخصيا ...لاني اليوم ذهبت بنفسي وقدمت اوراقي ....فالموضوع جد بجد ( والله على ماأقول شهيد)
التفاصيل : _ عندهم احتياج كبير (السبب بعد صدور الميزانية)
_ طالبين مؤهل دراسي : الجامعي (أغلب التخصصات) + الثانوية (علمي طبعا)...مو محددين معدل معين (يعني حتى اللي مقبول يتوكل على الله ويقدم) ومهم يكون عندك المام بالانجليزية.
_ اذا رحتوا هناك اول خطوه بيعملها الموظف معاكم بيختبركم اختبار فوري (انجليزي) ....بسيط جدا في اساسيات الانجليزي (اختبرته شخصيا وبصراحة اي واحد فيكم بيجتازه انشالله).
_ اذا عديت الاختبار الفوري(بيصحح الاختبار وانت عنده مباشرة ..هذا السبب اللي يخليه مايطلب منك اوراقك في البداية لانك ممكن ماتجتاز الفوري وبالتالي الله معاك) بيطلب منك السيرة الذاتية بالانجليزي (شرط اسااااااسي عندهم.. بالعربي مايبغاها نهائيا) + صور الشهادات + صورة الهوية ( بالنسبة للسيرة الذاتية اللي مايعرف يسويها ترى الموظف محتاط وعنده نموذج مصغر مثل البرشام بيعطيك النموذج وبيقولك روح سوي مثله وتعال ).
_آخر خطوة (بعد اجتيازك للاختبار الفوري) بيقولك الله معاك وراح نتصل عليك ( اتصل علي في نفس اليوم الساعة 4 العصر) ويحدد لك موعد الاختبار الوظيفي (انجليزي) ولابد تجيب 60% من الاختبار هذا عشان يوظفونك.(عادة موعد الاختبار الوظيفي بيكون بعد اسبوع من تقديمك لهم).

_اذا مااجتزت الاختبار الوظيفي (جبت 40% مثلا ) ....يعطونك فرصة ثانية لدخول الاختبار لكن بعد مرور شهر من دخولك الاختبار لاول مرة.

العنوان : ابدأ معاكم من الطريق السريع (الدائري الشرقي) تدخل مخرج 13 (طريق خريص) تمشي الى ان يجي على يمينك مركز ضخم (مركز ماكس) بعد ماتشوفه ادخل طريق الخدمة بتجي اشارة تآخذ معها يمين (الآن انت في شارع جابر) بيجي نقطة تفتيش تتعداها وثاني اشارة راح تلاقي بوابة المستشفى على يسارك (وانت عند الاشارة تشوفها) بجانب البوابة مكتب التوظيف (أيضا وانت عند الاشارة تشوفه).

التلفون : 012520088 ( اللي بيتأكد بنفسه قبل مايروح وهذا الافضل..ابراء للذمة)

اتمنى (من كل قلبي) التوفيق للجميع وخصوصا العاطلين والعاطلات.(على فكرة الجامعي

يعطونه راتب من 6 الى 8 آلاف غير البدلات ...اما الثانوي من 4 الى 6 آلاف غير البدلات...هذا اللي سمعته.
_أخيرا وليس آخرا (اللي الله يوفقه عندهم يدعيلي بالجاه والمال والذرية الصالحة____>> مسكين أنا مو طماع........اتفقنا)

جزاك الله خير العميل ماقصرت الرواتب حلوه جدن ياليت يكون لي فيها نصيب
وانا راح ادعيلك من اليوم

اذا الله كتب لك وتوظفت عندهم ....وحاب تشكرني ماديا >>>>> ممكن اعطيك رقم الحساب (لاتخاف امزح)............الله يوفقنا جميعا
_ على فكرة ترى هذا واجبي تجاه كل عاطل وعاطلة يحمل الجنسية السعودية ( أبناء بلدي فقط)....البلد هذي خيرها مو لاهلها للاسف ( الاجانب ماخلوا شي ) ......الله يرزق الجميع المهم شدوا حيلكم واعملوا بالاسباب والباقي على الله .

طيب اخي ممكن هل هذه المستشفيات فقط الموجوده بالرياض هي من تحتاج


يعني الي بالمنطقة الغربية لو نقدم مايكون فيها طلب !

اتمنى ترد

ههههههههههههههههههههههههههه ابشر ولايهمك وتسلم والله انا حاس اني راح اتوظف فيها انشاء الله

بكل مصداقية التقديم هذا في الرياض .....لكن اتصلي عليهم بكرة الصباح واساليهم اذا فيه تقديم بالمنطقة اللي انتي فيها وهم بيعطوك الخبر الاكيد..........وبالتوفيق انشالله.

جزاك الله خير .. بس لو انك تلاقيلي في مجال التسويق عشان انا عندي بكالوريوس تسويق

عزيزي ( متعطل منذ سبع سنين ) انشالله يوظفونك (يارب) ...... بس بعد مايوظفوني طبعا .... عشان نكون زملاء عمل + زملاء منتدى البطالة .... ( شاااااايف الدنيا كيف صغيرة ... هذا مايسمى بالعولمة)....المهم خل عنك الضحك (مايمنع توسع صدرك شوي) وتصبح عندهم بكرة.....اوكي (خلك ذئب مثلي....والا أكلتك الدجاج).

ههههههههههههههههههههههههههههههههههههههههههههههههه الله يرج ابليسك وعادي اذا وظفوك اول عشان تتوسطلي عندهم هههههههههه

يعطيك الف عافية ..
الله يرزقك بالمال والعيال ..يكفي كذا والا ازيد؟:)

مشكلة اختك ماهنااااش بالانجليزي.. تتوقع اتوكل على الله واقدم والا اوفر على نفسي الفشيلة!