مشكلتي مع الشركة
 

السلام عليكم ورحمة الله وبركاتة

تدربت بمعهد تدريب منتهي بالتوظيف لمدة سنة وخلصت الدورة الحمدلله
بس هنا بدت المشكلة معاي كلمت الادارة عشان يرسلوني للشركة الى وقعت عقد معهم
قالو خلاص عطنا سيرتك الذاتية ونرسلها لهم وهم يتصلون عليك قلت تمام
لي شهر الحين وماتصلو علي وكل ماروح للمعهد يصرفني يقول مدير الموارد البشرية بالشركة مسافر قلت له طيب انا وش ذنبي ابي اتوظف قالي انت بتاخذ مكافاءه
يعني الى فهمته يقول اقعد ببيتكم وخذ المكافاءه بدون وظيفة ...؟ مادري وش اسوي معهم
حتى العقد يوم سجلت قبل سنة ماعطوني صورة ..!
وش رايكم اروح مكتب العمل او اروح للشركة وتفاهم معهم لاني بحثت بالنت وعرفت موقعهم
شورو على الله يجزاكم خير

اخي العزيز
ابحث عن اسمك مسجل بوزارة العمل بالشركة وكذلك التأمينات
وخذ برنت من سجلهم واذهب اذا حصلت نفسك مسجل كموظف بالشركة اذهب لهم واستفسر متى تباشر عملك حسب عقدك واطلب نسخة من عقدك

اسمي مسجل في التامينات ووزارة العمل من يوم وقعت العقد
شكرا لمرورك