اول شي لا اله الا الله الحمدلله على كل حال ينزل بي البلااء وراضيه بقضاء الله وقدره

مانزلت موضوعي الا ابغى كل البنات المحتاجات مثلي يستفيدون وينتبهون الحمدلله على كل حال تزوجت وزوجي بنفس ليلة زواجنا فقد بصره الحمدلله على كل حال واضطريت اني انزل ادور شغل عشان اساعده واشيل مصروفي شهادتي ثانويه + حاسب الي + انقلش دورت بكل مكان ماحصلت الا مستوصف خاص قدمت وقبلوني استقبال كانت مبخوصه كل حقوقي فيه داومت تقريبا 10 ساعات باليوم ووالراتب كان 2200 والله الذي نفسسي بيده كانت انواع الاهانات والشتم وكنت صابره من اجل رزقي وعشان اريح زوجي االمبتلى الحمدلله على كل حال المستوصف كان مافيه امن ومره دخلوا شباب عندنا وانواع الكلام اتصلت على المدير بالمستشفى قلت له انا خايفه وفيه شباب دخلوا وكذا رد بكل برود ( عادي سولفوا معهم عشان نكسبهم )!! انا هناغسلت يدي من المدير وكلمت دكتور معروف عنه اخلاقه عندنا جاء وقام بالواجب وطردهم وجلس قريب من الاستقبال الله يوفقه وين مكان بعد هالقصه باسبوع ناداني المدير وقالي جيبي اوراق لي المكتب جبت له الاوراق اول مادخلت قام وحاول يتحرش فيني جنسيا ولمس جسمي انا هنا صرخت بوجهه وطلعت جري ورحت اتصلت ع سواقي ورجعت بيتي وطول ماانا بالبيت وحالتي النفسيه وقررت اترك الشغل خلاص حياء وشرفي اغلى من الدنيا كلها .. فلذلك يابنات انتبهوا خصوصا من هالشغله وكل شغله فيها اختلاط كل شي بالدنيا يتعوض الا الشرف لا خسرتيه مستحيل بيوم تقدرين تعوضينه وعسى الله يرزقني وبنات المسلمين بالرزق الحلال وان لم يكن بالدنيا يعوضنا بالفردوس الاعلى ..

شكرا للعظة
ولكن ارجو وضع هذا الموضوع بمكان مناسب لأنني لا اراها مشكلة عمل فحسب بل هي مشكلة اخلاقية ومشكلة مجتمع

الله يستر عليك دنيا و اخره و يوفقك و يسعدك وين ما كنتي ونعم فيك وفي من رباك

اختي ارجو ذكر انتي من اي مدينة حتى الاعضاء يحاولون يوجهونك على وظيفة و مناسبة ترا البلد باقي فيها رجال و خلي املك في الله قوي و خلي دائما على لسانك ( وقل حسبي الله لا اله الا هوا عليه توكلت وهوا رب العرش العظيم )

الله يوفقك ويرزقك من واسع رزقه الحلال

البشر تحولو لذئاب تنهش في اعراض المسلمات

ياليت في قانون يردعهم عشان يخاف ويفكر ميه مره قبل مايحاول يسوي شي زي كذا

والله يرزقك الوظيفة عاجلا غير اجلا

اعوذ بالله !

اختي ليش ساكته .. يعني بس تفصلي وخلاص

والله زي هذا اشتكيه

حقه الدعس الووسخ



اخ ياقهر بس

صورة مع التحية لمن يريدون الإختلاط وكل همهم *حقوق المرأة* او بمعنى اصح اختلاط المرأة واكبر همهم الهجوم على اهل الدين والأمر بالمعروف
لو كان فيهم خير كان وجدوا حلول للمطلقات والأرامل والمحتاجين من النساء او راحوا الشام وشافوا نساء المسلمين ايش بيصير فيهم
لكنه الهوى

الحمدلله على كل حال اختي وامر المؤمن كله خير قال من لا ينطق عن الهوى صلى الله عليه وسلم :
عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم .

واعلمي ان الرزق بيد ارحم الراحمين بيده الخير وهو اعلم بحالك وارحم بك من نفسك ومن غيرك فاجعلي شكواك كلها لله, وما اجمل سورة يوسف في هذه الأوقات واكثري من السجود فان ربنا قريب مجيب سميع الدعاء

وكما يقول الشيخ عبدالمحسن الأحمد, لا ترفع من السجود وفي خاطرك شيء