استفسار بخصوص دورة منتهية بالتوظيف من صندوق الموارد البشرية
 

السلام عليكم ورحمة الله وبركاتة

شخباركم عساكم بخير

جاني رساله قبل يومين من صندوق الموارد البشرية حلو مكتوب فيها كذا :-

تم ترشيحك من قبل صندوق الموارد البشرية لبرنامج تدريب منتهي بالتوظيف.

بارد بالاتصال خلال 48 ساعة على الارقام :-

وحاط لي رقمين جوال+هاتف ورقم التحويل حلو

اوقات العمل من الساعة 8 صباحا الى 6 مساء.

.................................................. ........................
يوم اتصلت على موظف جواله كله مشغول او مقفل والهاتف كله يسحب رصيدي
اتصلت عليه قبل شوية 9 ورد علي قلتله كذا :

شخصية قيادية: السلام عليكم ورحمة الله وبركاتة

الموظف :وعليكم السلام ورحمة الله وبركاتة

شخصية قيادية :شخبارك يالغلا عساك بخير

الموظف :بخير جعلك سالم انت شخبارك

شخصية قيادية :بخير الحمدالله

شخصية قيادية :قلت طال عمرك قبل يومين مرسلين علي رساله تقول فيها تم ترشيحك

من قبل صندوق الموارد البشرية بالتدريب منتهي بالتوظيف

الموظف: اسمك طال عمرك

شخصية قيادية : نايف الرحيمي

الموظف:والنعم

شخصية قيادية :ماعليك زود يابعد تسبدي

الموظف : اي نعم اخوي نايف صحيح جاتك رسال تدريب منتهي بالتوظيف من قبل صندوق الموارد

البشرية لدينا ايش مشكلتك طال عمرك

شخصية قيادية : حبيت استفسر بكذا نقطة اذا مافي مانع

الموظف: تفضل طال عمرك

شخصية قيادية:هالحين صندوق الموارد البشرية هي تابع لحافز ولا هي جهه ممولة للتدريب

والتوظيف علما اني مؤهل من حافز من شهر 7 الماضي ولكن ماجاني شى ابد منهم

الموظف: شوف طال عمرك احنا جهه رسمية ليس تابع لبرنامج حافز ولكن احنا ندرب ونوظف

بالقطاع الخاص

شخصية قيادية:اها تسذا وانا اقول وراوه تجيني اتصالات من الشركات طيب طال عمرك الان

انا مؤهل من حافز حلو هل التدريب اللي تعطوني اياه يلغي مكافاة حافز ام لا ؟

الموظف: والله وانا اخوك ماعندي علم بالشى هذا لكن يمكنك الاتصال بهم يعلموك

شخصية قيادية: ان شاء الله طيب هالتدريب في ايش بالضبط

الموظف:هالتدريب المنتهي بالتوظيف بالقطاع الخاص احنا راح ندربك لمده 6 شهور فقط

بعد 6 شهور راح ينتهي التدريب اي بمعنى اخر اول 5 شهور تدريب والشهر الاخير اللي هو الشهر

السادس راح تجيك من 6 الى 8 شركات لتوقيع عقد معاك وتشوف اعلى راتبك وتقارن بين الشركات

والاختيار لك بالاول والاخير اما بالنسبة ايش ندربك فيه هيا الحاسب الالي وامن المعلومات والحماية

وغيرها من التدريب

شخصية قيادية : طيب المقابلة الشخصية متى ؟

الموظف :غدا مقابلتك الشخصية على طريق الملك فهد فندق هوليدي الدور الثاني

.................................................. .................................................. ....

هالكلام دار بيني وبينه الساعه 9 وربع تقريبا قبل شوية ونسيت اقول له

هل التدريب يقطعون عني حافز وهل التدريب بوه مكافاة ولا

راحت علي طبعا اتصلت عليه مره ثانيه ابي اتاكد من هالمعلومه لكن مارد علي اعذره

ممكن انشغل شوية بعمله المهم

س: هل بوه احد جاته مثل كذا عن طريق صندق الموارد البشرية ولا ؟

س:هل يقطعون عني حافز في حال تقديمي للتدريب او لا ؟

س:هل بوه مكافاة اثناء التدريب او لا؟

هالاسئله تدور براسي من اليوم واحتسي روحي ههههه

ياليت اللي عنده هالمعلومات يعلمن شكلي باسحب عليهم الله اعلم

نفس الرسالة جاءتني قبل امس ياليت تفيدوني فيها

حافز اتوقع ماراح ينزل لانه هم راح يعطونك ٣٠٠٠ الف وقت التدريب كل شهر اذا كان مثل الشايعوبعدها تتوظف براتب ٤٠٠٠ وشوي هذا اللي عندي اي استفسار على الخاص مارجع للمواضيع