|
عنـدي طلب تكـفون ادخــــــــــــــلو
[align=center][align=justify] السلام عليكم ورحمة الله وبركاته حبايبي ابيكم تدعون ان الله يجعل قلبي قاااااسي اقسا من الحجر لان هذا القلب تعبني موتني معاد اقدر اعرف افكر ولا اعيش مثل الناس اي شيء يؤلمني واحس فيه اي شيء يهمني اتدخل في شؤون غيري واحس فيهم واحاول احل مشاكلهم على حساب نفسي وحياتي وعمري ،،، عجزت اتغير ادعو ان الله يجعل قلبي قاسي مع الناس ولايحرمني رحمة ربي ويكتب لي الجنة هذا طلبي واتمناء الكل يقدر شعوري [/align][/align] |
مي تو
|
نصحية : لا تقحم إحساسك فـ / بعض المتآهآت وخلك ما تعلم : حتى لو كنت تعلم ! وعشان تتفادى جروح ، وخـسارات ( سطح علاقاتك مع الناس تسلم ) ! |
اقتباس:
والناس تحسدني وانا أموت بسكات أقضي نهاري بالمزح والتسالي واسهر بليلي في هموم معانات غريبه هالدنيا على كل حالي الحزن دايم ! والفرح بس لحظات |
اقتباس:
وش حيلتي مادام حظي عصاني ,,, أصبحت عاجز حاير في مكاني وخدي بدمع العين ياما كويته ,,, هذا القدر مكتوب والعمر فاني لكن امانه كان موتي لفاني ,,, قبري تحطونه على باب بيته يمكن إذا شافه بلحظة بكاني ,,, وإلا ترد الروح في نفس ميتة |
تذكرني بوحده من الزميلات
بس والله العظيم احس مسكينة محد حابها وكل الإتهامات على راسها لدرجة تقول بالله اذا قالوا لك ايش تقييمك لي قولي اللي تشوفينه قلت لها اكيد ومستحيل احد يأثر علّي حتى لو كرهوك اللي حولك رغم احساسك بهم وما ودك يتضررون وهم يضرونك علانيه اخوي احنا لازم نحس في الاخرين مافيها اختلاف بس لدرجة نكون مره ظالمين لانفسنا يعني نحلها من هنا ونخربها من هناك |
اقتباس:
ياليت اطلع بنظرهم انسان طيب ويحب الخير لا اكتشف بعد فتره انهم ينظرون لي بدونية وتصغير وكأني ساذج او اتلمس ودهم او القرب منهم مايدرون اني اسوي كل شيء لله وبسبب طبعي الشين اللي انا اشوفه شين لان اللي يحترم الناس او يقدرهم بهذا الزمن غلطان وغبي ولا عنده سالفة متى بس اصير قاسي قلبي مثل الحجر ما افكر في احد ولا يهمني احد متى متى بس |
^
والله كأنك انت هي بالفعل نفس اللي يصير لها انت دواك تحتاج احد يدعم اذا شاف اللين الضعيف ان صح التعبير يفوقك من غيبوبتك كذا انا معاها لدرحة سمت نفسها فلانه 2 وتقول فلانه 1 خلاص ماضي وكل ما حسيتها انا بترجع زي قبل ضعيفه وان صح التعبير في نظرهم ساذجة اقول لها فلانه بترجعين واحد يعني > كنوع من التهديد والتذكير تقول لا لا لا وهي مبسوطه من هذا الدعم والتغيير حبه حبه انت تحتاج حتى تتغير لداعم يكون سند لك |
اقتباس:
استفدت من كلامك كثير واتمناء لك التوفيق بحياتك شكراً لك وبأذن الله ادبر عمري وارجع قيمتي صح |
الطيب واللي فيه صفة احب لأخيك ماتحب لنفسك مايقدر يصبر عن فعل الخير ويحب مساعدة الناس
انت ضميرك حي ومن الناس اللي تصرفه يجي عفوي وتلقائي ماهي سذاجه أو غباء تعوذ من قساوة القلب وش تبغى فيها لكن حاول قدر المستطاع البعد عن ما يضرك ويجرح مشاعرك .. |
صادق نفسك وابتعد عنهم فترة وجدد حياتك .
انت بحاجة تتعرف على نفسك من جديد وتهتم فيها هوشئ طيب شعورك وتضامنك مع اللي حولك لاتغيرمن طيبتك اوتحاول تصيرقاسي لانه على نياتــكم ترزقـــــــــــــــون كل شئ تسويه لأجل الله سبحانه صدقني بيرجع لك ضعف بس لاتحمل نفسك فوق طاقتها عشان اي احد بادر ساعد ارحم لكن لنفسك عليك حق ارفق بها وسبق وقريت لك موضوع اظن عن الكلى ابتعد عن الغبن والضغوط النفسية لانها تدمرصحتك اشغل وقتك اكتشف اشياء جديدة ماجربتها هواياتك موهبتك لصنعت عالم خاص فيك صدقني ماراح تأثرفيك هالامور وبتنشغل وماراح تلاقي وقت حتى تتذكر وإذا على تقديرالغير واستحسانهم بتتعب لأن البعض استغلاليين يحملونك همومهم ولاجيت تشكى ماالتفتوا لك فليش تضيع وقتك بالحسرة تقرب لله سبحانه هو اللي يرحمك ويحميك والله يسخرلك قلوب خلقه وييسرأمرك |
اقتباس:
ادري انه صعب اتغير لاني سنين ماقدرت اتغير اما القساوة بهذا الزمن هي الحل حتى يكون للانسان عزة وكرامة |
اقتباس:
ياكثرهم والله وبعد مايخلصون منك يرمونك كأنك سلعة شارينها بس لانفسهم ومصلحتهم حتى كلمة شكرا لوجه الله نادراً اسمعها ترى مايفيد بهالزمن الا القلب القاسي والقوي اللي مايخاف ولا يحزن الا من الله سبحانة وبس |
~
أخي : للطيبة مستويات مثلاً لما تكون تعامل الناس معاملة طيبة لوجه الله ولا تبتغي جزاءً ولا شكوراً هذا هو الأصل في أخلاقنا كمسلمين ولما تُقابل بالإساءة احتسبها لوجه الله وإقتداءاً بحبيبنا المصطفى اللهم صلّ وسلم عليه ولا تندم أبداً على فعل قدمته وأُسيء الظن فيك لأنه لن يذهب هباءاً منثوراً سيُخبّأ في جيوب الأيام القادمة وسيغدو سعادة لك بإذن الله مع فيضٍ من أجور ، أما الطيبة التي فيها هضم لِ حقّك وظلم لك هنا من حقّك أن تثبت نفسك و يصبح لك حجة تبرر فيها موقفك وتوضّح مايزعجك بكل وضوح " و تذكر الإنسان الطيب اللي نيته طيبة ربي بيسهل له كل شيء ، النيّة النيّة " . |
اولا احمد ربك على طيبتك ولاتلتفت للناس اعمل الخير
ثانيا هناك سجل خاص لك عند خالقك قد تكون الافعال التى تقوم بها تنقذك من يوم كان شره مستطيرا ثالثا هناك اشياء خصوصيه لاقرب الاقربين يجب ان لانتدخل فيها الا اذا طلب منا التدخل وقالو اجدادنا قديما جرح ماهو فيك لاتحكه ارى انك حساس جدا فحاول الابتعاد قليلا عن المشاكل حتى لاتصاب بالضغط والسكر كن مع الله ولاتنتظر شكر احد وانرسجلك بما يمليه عليك ضميرك تحياتى لك |
" قسوه القلب ليست بالشي الجميل اخي ولا بالشي المحمود" كن نفسك وتجاهل الذين لا يروقون لك..
|
والله والنعم فيك وباخلاقك وطيبتك
لكن لكل شي حد نصيحه حاول تصير قاسي مع هالنوعيه من البشر |
اقتباس:
الكلام المكتوب هنا ( جميل جداً ) وأزيد عليه بأن .. لكل إنسان صفات محاسن ومساوئ ..والشخص الذكي هو من يستطيع أن يستخدم محاسنه ومساوئه كل في مكانه الصحيح ووقته المناسب أنصحك بالابتعاد لمدة شهر عن الناس والتغاضي عن جميع الاشياء التي تطلب منك مجرد تصفيه ذهن والعودة للتخطيط وكيفية سير علاقاتك وإستخدام صفاتك الطيبه في المكان المناسب. توقع إنك لن تنجح في المره الأولى لاكن مع المحاوله تستطيع أن تغير من طريقة تعاملك معهم وتذكر دائماً بأن لا شي يبقى على حاله ووجب أن يتغير سواء كان بإرادتك أو لا. خدمة الناس وطيبة القلب شي جميل وبالتأكيد صاحب هذي الصفه يمتلك روح ساميه ، لاكن وجب على من يتميز بهذي الصفه أن يكون ذو قوي وراقي وأيضاً صاحب وعي لان جميع الأشخاص الذي تتعامل معهم يختلفون من ناحية صفاتهم وشخصياتهم وصاحب المبادره والروح الساميه هذي يستطيع ان يعرف ويتعلم كيف التحكم فيهم. من الممكن أن تتطور حالتك إلى مشاكل نفسيه وعضويه إذا ما عالجتها، بالنسبة لي أنصحك بأن تبتعد عن الناس فتره من الزمن زي ما ذكرت فوق وتمارس ( الريـاضه ) بشكل مستمر لأنها شي فوق المتوقع ونتائجها النفسيه مذهله بغض النظر عن كونها صحيه. ( جربها ما راح تخسر شي ) أتمنى لك التوفيق .. [/align] |
وعليكم السلام
لا مو القسوة اللي تنفع في هذا الزمن الطيبة والرحمة زينة وأجر ان شاء الله لكن اللي ينفع هو التعامل الرسمي مع الكل سلام كيف الحال ومواضيع بعيدة عن الحياة الشخصية بعد المشرق عن المغرب واذا بتساعد ساعد على قدر استطاعتك ولاتنتظر أبدا أبدا أبدا الشكر ولا تنتظر أبدا أبدا أبدا انهم يعاملونك زي ماتعاملهم وأهم شي اخلص النية لله وان مساعدتك لهم لوجه الله ومايضيع عند ربي شي هذي وجهة نظري وطريقتي في التعايش مع الاخرين |
الرسول صلى الله عليه وسلم اتعوذ من القسوة وانت تطلبها !
هداك الله |
| الساعة الآن 12:00 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين