وظايف عديده بمستشفى الحرس الوطنــي /بالرياض (شباب)
 

وظايف عديده بمستشفى الحرس الوطنــي /بالرياض (شباب)



وظائف عديدة بمستشفى الحرس الوطني بالرياض

(( للشباب والبنات .. ثانوي وجامعي ))



التفاصيل :

_ عندهم احتياج كبير (السبب بعد صدور الميزانية)


_ طالبين مؤهل دراسي : الجامعي (أغلب التخصصات) + الثانوية (علمي طبعا)

مو محددين معدل معين (يعني حتى اللي مقبول يتوكل على الله ويقدم) ومهم يكون عندك المام بالانجليزية.


_ اذا رحتوا هناك اول خطوه بيعملها الموظف معاكم بيختبركم اختبار فوري (انجليزي)

بسيط جدا في اساسيات الانجليزي (اختبرته شخصيا وبصراحة اي واحد فيكم بيجتازه انشالله).


_ اذا عديت الاختبار الفوري(بيصحح الاختبار وانت عنده مباشرة ..

هذا السبب اللي يخليه مايطلب منك اوراقك في البداية لانك ممكن ماتجتاز الفوري وبالتالي الله معاك)

بيطلب منك السيرة الذاتية بالانجليزي (شرط اسااااااسي عندهم.. بالعربي مايبغاها نهائيا)

+ صور الشهادات + صورة الهوية

( بالنسبة للسيرة الذاتية اللي مايعرف يسويها ترى الموظف عنده نموذج مصغر مثل البرشام بيعطيك النموذج وبيقولك روح سوي مثله وتعال ).


_آخر خطوة (بعد اجتيازك للاختبار الفوري) بيقولك الله معاك وراح نتصل عليك ( اتصل علي في نفس اليوم الساعة 4 العصر)

ويحدد لك موعد الاختبار الوظيفي (انجليزي)

ولابد تجيب 60% من الاختبار هذا عشان يوظفونك.(عادة موعد الاختبار الوظيفي بيكون بعد اسبوع من تقديمك لهم).

_اذا مااجتزت الاختبار الوظيفي (جبت 40% مثلا ) ....يعطونك فرصة ثانية لدخول الاختبار لكن بعد مرور شهر من دخولك الاختبار لاول مرة.

العنوان :

ابدأ معاكم من الطريق السريع (الدائري الشرقي) تدخل مخرج 13 (طريق خريص) تمشي الى ان يجي على يمينك مركز ضخم (مركز ماكس)

بعد ماتشوفه ادخل طريق الخدمة بتجي اشارة تآخذ معها يمين (الآن انت في شارع جابر)

بيجي نقطة تفتيش تتعداها وثاني اشارة راح تلاقي بوابة المستشفى على يسارك

(وانت عند الاشارة تشوفها) بجانب البوابة مكتب التوظيف (أيضا وانت عند الاشارة تشوفه).

التلفون :

012520088

( اللي بيتأكد بنفسه قبل مايروح وهذا الافضل..ابراء للذمة)

اتمنى (من كل قلبي) التوفيق للجميع وخصوصا العاطلين والعاطلات

على فكرة الجامعي يعطونه راتب من 6 الى 8 آلاف غير البدلات

اما الثانوي من 4 الى 6 آلاف غير البدلات...هذا اللي سمعته.


_
وادعووو لراسل هذا الموضوع ومسنقه : ))

الله يعطيك العافيه ماقصرت يابعدي

يعطيك العافية اخوي

وصحيح انا اختبرت قبل كذا عندهم

بس على حد علمي اذا كنت ثانوية

مجموع الدرجات يكون 100 لازم تجيب 25

انا من حظي السئ اختبرت وجبت 24

ولكن ربي ماوفقني فيها

اتمنى للجميع التوفيق

اخوي والي من برا الرياض وش يسوي

سنوكه

مشكورة يعيطك ربي الف عافيه

تسلمين

يعطيك العافية

اخوي والي من خارج السعودية

يعطيك العافية

مشكورررررررررررررررررررررررررررررررررررررررررررررر ره

شروط الترقية في مستشفى الحرس الوطني

كا الاتي :-

شهادة ميلاد من المجمعة تغنيك عن الجامعة

شهادة ميلاد من سدير تغنيك عن الماجستير

عشان تمشي امورك في مستشفى الحرس الوطني.

ولا دور لك وظيفه غيرها
دوام طويل العلاوات لفئة من الناس .