كيف يطور الطفران نفسه ؟
السلام عليكم ورحمة الله وبركاته
الموضوع زي ماقريتوا فوق وهو كيف يطور الطفران( اي العاطل الذي لايملك ريال او موظف وراتبه قليل او عليه ديون ) نفسه يعني الانسان اللي عنده قدرات وطموح واهداف يبغى يوصل لها لكن يقف امامه عائق عدم وجود المال ! لقيت في الموقع كيف تطور ذاتك وتتعلم اللغه لكن الوظائف الحكومية والاهليه ماتعترف بتطويرك لذاتك الا بشهادة معتمدة والشهادة المعتمدة تحتاج فلوس .!! نريد حلول واقعية عملية بعدين عن السوالف اللتي ملينا من سماعها >> انت في داخلك مارد ومادري ايشش >>> ابشركم انحاش المارد من كثر مااطلقه ولا رجع :c>> ماردي غدا والسلوقي ضاع مثل مالشباب جزاهم الله خير استطاعوا تدشين هذا الموقع ان شاء الله قادرين على ان نجد طريق لتطوير الشباب الطموح انتم الحين اسدحوا افكاركم وانا معكم >> انا عندي مراجعين وكتبت كلام غير مرتب بس الفكره واضحه واتمنى المشاركه من الكل |
ولا رد :c لكم الله يالطفارى مالكم الا المارد حاولوا تصحونه من النوم :d |
اافا نرد عليك وليه مانرد
بس فيه معاهد مجانيه مثلا راتبك اقل من 8الاف -او من اصحاب الضمان الاجتماعي يصير تدرس مجاني والشهاده معتمده والله يوفقنا اجمعين |
مركز العثيم لخدمة المجتمع يعطي دورات تطويريه مدتها قصيره جدا
بعضها 3 ايام او يومين والشهادات معتمده وكلها مجانية ، كل اسبوع اتصل عليهم وشوف وش عندهم ددورة ؟ واذا اعجبتك سجل فيها |
هههههاي فعلا
|
اسنثمر نفسك جيدا
.........اشتغل لو ببلاش وتعلم صنعة أو حرفة ..... على فكرة الشركات الناجحة تدو ر أصحاب القدرات والمهارات |
الله يرزق جميع المسلمين من بركات الارض والسماء
|
الطفران ،، اذا تعتقد انه لا يمتلك مال ،، انا بالنسبة لي الي مايمتلك عقل يفكر فيه بطريقة سليمة هو الطفران ،،
حالياُ ،، في الوقت الراهن ، قليل من مايحصل وظيفة ،، يعني ،، لو تترك كل قيود المجتمع والشروط الوظيفية ، مثل مابي أشتغل في مطعم ولا أبي وظيفة قريبة البيت ، صدقني رأح تحصل فرصة ولو ب 3000 ريال ،، بالنسبة للي مايمتلك مال ،،، بإمكانه يطور نفسه عن طريق اليوتيوب ، المنتديات ،، ،، تعلم كيف توفر من المبلغ الي عندك ،، مثلاُ ، لو تبي تتعلم لغة انجليزي ، ماهو لازم تدخل في معهد وتدفع في الشهر 2000 ريال ،، بإمكانك تدرس عن طريق النت ، وراح تكسب معرفة ومهارة توازي الي تأخذها من المعهد ، وكذا ووفرت عليك 2000 ريال ، وهكذا على باقي الدورات التطويرية ،، لكن تحتاج الجدية والصبر ،، واذا تبي شي تستفيد منه في حياتك الإستثمارية ، اكتب في اليوتيوب ،، لجنة شباب الأعمال ، وتابع قصص النجاح ، صدقني فيها معلومات ، قد يدفع بعض الناس الألف ريالات عليها ، و في اليوتيوب مجاناُ :r على فكرة في كثير من الجمعيات والجهات تتبنى بعض الدورات الي تصدر لها شهادة معتمدة ، انت عليك تدور وتبحث للقريب من منطقتك ،، حالياُ ،، تحتاج تغير من نهج تفكيرك وبعدها ،، راح تبدع مع الفلوس الي تصير عندك وراح تصير حضرمي :cool: يعني ممكن ماتعزم أخوياك عشان توفر كم ريال :k لكنك كذا بتكون في الطريق السليم نحو الإستقلال المالي ^_^ |
ربي يرزقك من واسع فضله
|
ياارب يرزقك ورزقني ورزق كل طفران بسعوديه بس نحاسه ههههه
|
اشكر كل الاخوان والاخوات اللي رد على الموضوع
بس الردود كانت تخاطبني اللي يقول الله يرزقك واللي ينصحني كيف اجمع الريال انا الحمد لله موظف وعندي دورات لكن هذا موضوع للعموم حبيت اطرحه واشارك اخواني في تطوير انفسهم من خلال توجيهاتكم وافكاركم |
الله يوفق الجميع
|
فيه دورات عالميه وما تحتاج منك الا تدفع للاختبار وتاخذ الشهادة (شهادة معترف فيها عالميا مب محليا فقط) وتقدر تدرس محتوى الكورس دراسة ذاتية وفي اي وقت
|
ههههههههه الله يسعدك ويردلك ماردك السلوقي هههههه
ماراح اتفلسف عليك مع انو من جد اللي يبي يتعلم بيتعلم وتعرف في طريقه مثلا لوكنت ممتاز بالانجليزي تروح لوزاره العمل وتقول ابي شهاده اظن شهاده مهاره المهم حسب مهارتك يوجهونك لمعهد تمتحن مباشره ولوعديت خذت الشها ده وعموما الوضع من حفره لدحديره |
الساعة الآن 05:57 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين