ارجوكم عطوني خبر
 

السلام عليكم
انا سويت تحديث لبياناتي من صفحة اكمال البيانات بعدها جتني رسالة على الجوال تم اعادة تقديم طلبك في حافز هل التحديث اللي سويتة يضر في التقديم على حافز 2 ولالا

وعليكم السلام

لا طبعاً مايضر ابداً

وعليكم السلام ورحمه الله وبركاته

لسى مابعد اعلنوا عن موعد التسجيل

التسجيل خلال الاسابيع القادمه يعلنون عنه

طيب امهاتنا اللي مامعهن شهادات هل يشملهن حافز ولالا

كيف مافهمت يعني اللي ماخذين حافز 1 يجيهم حافز2 ؟؟
وكيف عشر شهورداخل المملكه هل خاص بالمبتعثين ولا حتى السفر للسياحه؟؟

ايه ياخذونه اذا انطبقت عليهم الشروط اللي حاطينها

نفس السؤال :y

اخت صريحه انا غيرة رقم الايبان يشهر واحد والى الان جاري التحقيق مطابقة الايبان وذي اول دفعه استحقه مع العلم انه نزلي بحسابي الاول هل بعد اذا ماتغير الايبان ينزلي حافز شهر 3 ع حسابي الاول

نفس السوال


لو أغير رقم الابيان هل يتوقف حافز أو على طول يقبلونه

سؤال
انا سويت تحديث لبياناتي .. وجاني .. لايوجد تعديل لبيانات الدحل مدري تحديثي صح او لا

" من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب "

متى بالضبط غيرت الايبان..؟ لان التحقق ما ياخذ اكثر من ثلاث اسابيع الى شهر ... الدفعه الجايه تنزل على حسابك الجديد بإذن الله
لا مايتوقف ينزل على القديم حتى يتم التحقق من الحساب الجديد..
وبالعاده التحقق ما ياخذ اكثر من ثلاث اسابيع الى شهر

جزاك الله خيرا

السلام عليكم
انا اليوم تابعت برنامج الثامنه مع داواد الشريان كان مستظيف المعقيل
ويقول ان التسجيل في الاسابيع القادمه والصرف فوري بعد ثلاثة شهور

ايه ونت تستنى ثلاث شهور يجيك وضيفه

الله يجزاك خير اخت صريحه ويجعلها فميزان حسناتك
عندي سؤال الحين يلزمنا نطلع حساب جديد او حسابي القديم ينزل عليه علمآ اني م استخدمت صرافتي من خلص حافز انا من الدفعه الأولى اللي سبق واستلمت او هل تحتاج تحديث من البنك

السلام عليكم يا اخوان

عندي استفسار و ان شاء الله احصل ااجابه شافيه على تساؤلي
حل يحق للمستفيدين من الضمان الاجتماعي التسجيل في برنامج حافز 2 اذا انطبقت على المتقدم جميع الشروط المذكورة اعلاه
و لو كان المتقدم يأخذ من الضمان الاجتماعي مخصص شهري قدره 1100 ريال .. كم راح يكون الصرف له؟

�� نفس السؤال بالضبط ..

وعليكم السلام ايه يحق لاصحاب الضمان ياخذون حافز2 حالهم حال غيرهم من العاطلين دام منطبقة عليهم الشروط كلها
لو ياخذ من الضمان 1100 بيكون ماتعدى الدخل الشهري الللي بسسبه يمنع من حافز خصوصا بالاربع شهور الاولى المخصص اساسا 1500 راح يعطونك 400 ريال زياده والاربع شهور اللي بعدها بتكون حافز 1250 وعلى هالاساس بيعطونك 150 زياده بس والاربع شهور الاخيره بيكون المخصص 1000 يعني اعتقد بيكون دخلك الشهري من الضمان اكثر فبيمنعونها عنك واتمنى بصراحه مايخصمون مننا حنا اهل الضمان حنا بحاجتها حالنا حال غيرنا من ابناء المتقاعدين وابناء الاسر اللي موجود عندها عائل
الله يرزقنا جميعا يارب من حيث نحتسب ومن حيث لانحتسب

لا مايحتاج حساب جديد.. حسابك القديم يكفي ... لكن اهم شي يشتغل الحساب لايكون مجمد

انا مسجل اسمي في مكتب العمل والتامينات الاجتماعيه وابي انززل اسمي عشان حافز كييف الطريقه وكم يووم عشان ينزل اسمي ردو علي وجزاكم الله

بخصوص الوالده اذا مااستجد شي بشروطهم بيشملها حافز 2

الله يسعدك صريحة ويسعدد الجميع يارب

والله يرزقنا جميعا من حيث لا نحتسب

ابغى أتأكد ي حلوين ايش اخر كلام ,

هل اللي يدرسوا مسائي بدون مكافاة يشملهم ؟؟!

حرام والله عاد م يشملهم لازم نقدم اعتراض

وانا مثلكم صبايا احاول ادخل بالرقم السري القديم يقولي غلط ><

انا متخرجة من 6 شهور .. واليوم اهلوني .. من جدهم 1500 شهرياً ؟؟

الدراسة المسائي و الانتساب يشملهم حافز

اما اذا كانت دورة مدتها اكثر من 3 شهور لا يشملها حافز

نورما انتي استلمتي الاعانة السابقة او هذي اول مرة تستلمين

لا ماسبق لي .. هذي اول مرة راح استلمها لاني كنت طالبة وتخرجت من 6 شهور

صريحه متى الحساب يتجمد ان كل ماادخل الموقع مايرضى يدخلني عاحسابي مع العلم انا زمان مادخلت
طيب وش الحل اذا تجمد ؟

اخت نورما اذا كان العمر بين 20 الى 35 راح تستلمين اعانة الباحثين عن عمل اللي هي 2000 كل شهر

اما اذا العمر فوق 35 راح تستلمين اعانة صعوبة ايجاد العمل اول اربع شهور كل شهر 1500 و اربع شهور ثانية كل شهر 1250 و الاربع اشهر الاخيرة كل شهر 1000

سلام
استفساري هو
انا اخذت حافز سنه كامله قبل
هل يشملني حافز 2 او لا
ومشكورين

املي في الحياة الحساب ما يتجمد حاولي تحدثين الرقم السري و ادخلي على بياناتك



عاطله عن الدنيا ايه نعم راح يشملك اذا استلمتي 12 دفعة و لا حصلتي وظيفة يشملك حافز 2

طيب اللي نسى رقم السري لحافز الاول كيف يحدث بيناته لحافز 2

يب عمري 22 شكرا

طيب اليوم قالوا انو تأهلت .. التسجيل الاسبوعي بس مجرد تسجيل للدخول فقط؟
ومتى ينزلون لي ال2000 ؟

الغلا ام زايد بالنسبة لحافز 2 ما بدا التسجيل الى الان



حاولي تحدثين الرقم السري

نفس رقم الجوال اللي مسجل في حافز موجود معك و لا تغير ؟؟؟و اذا كان تغير معك بطاقة احوال خاصة فيك او انتي مضافة في دفتر عائلة؟؟؟

اذا قالوا لك تأهلتي راح تنزل لك في اقرب دفعة تاريخ 5\3\1435هـ

التحديث اسبوعي و اثبات للجدية في الحصول على وظيفة

لازم تدخلين على بياناتك كل 7 ايام مرة وحدة على الاقل و الافضل تدخلين كل 3 ايام او كل يومين حسب مقدرتك

لأنك اذا ما دخلتي على بياناتك كل 7 ايام راح يخصمون 200 ريال و الخصم مستمر على جميع الدفعات


و اذا شهر كامل ما حدثتي البيانات يخصم منك 800 ريال و ينزلون لك 1200 بس

لأنهم يعتبرون اللي ما يحدث البيانات مخالف و لكل مستفيد من حافز 5 عقوبات بحد اقصى و يخصمون 1000 ريال (كل مخالفة بـ 200) ، المخالفة السادسة راح يلغيه البرنامج و ما يستلم و لا ريال

اي موجود رقم الجوال