طقطقة بمشروع تقسيط.. اقلطو
 

وعليكم السلام ورحمة الله

موضوع رائع جدا شكرا لك

التقسيط اكثر المشاريع امناً

لايمكن ان تخسر مالك اطلاقا الا في حالة واحدة لاغير وهي اذا هج عميلك وورثته الي كوكب اخر ( اقصد المعنى حرفياً وليس مجاز )

اضرب لك ابسط مثال افرض انك ذو ثروة او شخص موظف براتب طيب وانت ميسور ومرفه على قدك

ولك خدمة في العمل تصل الي 5سنوات ومع الادخار اللي حصدته بقصد او بدون قصد في هالسنوات

وجدت برصيدك حول 100الف ريال

وانت رجال مالك اهتمام بالتجارة ولا عمرك فكرت فيها

وفجأة شار عليك زميلك "ياهو افتح بوفية وجبات سريعة واستقدم عامل وادفع الإيجار واطلب رزقك"
وعجبتك الفكرة وسحبت 60الف ريال وجهزت كل شيء ديكور وايجار وبضاعة << هذا اذا كفى المبلغ ^_^

وابتدى العمل ومن اول شهرين لاحظت ان المشروع لاجدوى منه وانك بدل ماتسترجع جزء من رأس مالك جالس تخسر من جيبك اكثر واكثر ...

الشهر الثالث اعلنت افلاس المحل وانسحبت من التجارة وانت تتملكك الحسرة والندم والغضب .. يالله رصيدي كان 100الف وكنت في حالي عايش مستور لكن ابيت الا ان اغامر واخسر 60الف ريال

تنظر الي رصيدك 40الف وتتساءل ليه بأي حق تبخرت 60الف ؟!!
صدقني يومها مابتنفعك مقولة " التجارة ربح وخسارة " :q
بتقول لنفسك من المسؤل زميلي ؟! لا والله ماهو زميلك ياحبيبي
او صاحب المحل نصب عليّ بالإيجار ؟! لاوالله كل شيء تم عن رضا واتفاق

يومها بتتمنى لو ان لديك شخص تلصق به سبب انهيار رصيدك
وسوف تتمنى انك تسترجع لو فقط ربع رأس مالك لو على اقساط شهرية
بمعدل ( 300ريال بالشهر ) ولكن كيف ومن وين ومن مَنْ وبأي حق؟!! :Thumbs_down:


,


اما تجارة التقسيط فسوف تسترجع رأس مالك + الأرباح بالملي متر ^_^
كيف لا وانت مسمي المبلغ بإسمك وموثق

افرض انك دخلت بال60ريال في التقسيط لـ نقل تقسيط بطاقات سوا او اي نوع من انواع التورق السريع

المهم وزعت رأس مالك ال60 الف ريال على 12اشخاص كل شخص 5الآف ريال يقسطها لك على 16شهر كل شهر 500ريال .. لين تصير 8000ريال ربحك من كل 5000ريال = 3000ريال

مستحيل مستحيل يتخلف نصف العملاء ال12 عن التسديد وانت هدفك هو مجموع ما سيدفعه 8عملاء منتظمين وفي الغالب والله اكثر الناس تخاف الله وتعي معنى الدين يأخي النبي صل الله عليه وسلم رفض يصلى على جنازة رجل لانه مات ولم يترك مايوفي دينه ,
مثلا يعني لو كل شهر يعتذر منك 4عملاء او يدفعوا جزء من القسط لن تتأثر , ومن المستحيل ان يعتذر نفس العميل عن شهرين متتالية ,, اسؤ العملاء ينتظر 4 شهور عشان يستاذنك ويطلب تأجيل القسط وانت براحتك توافق او ترفض او تطلب منه يغطي لو جزء بسيط من القسط يعني بدل مايدفع 500 يدفع 200هالشهر

ماتنتهي المدة الا وانت رابح كثير والمتعثرين مابيشغلونك كثير لان كل اقساطهم هي ارباح ولا يمنع ان تعيد لهم جدولة اقساطهم بحيث تخفض القسط من 500 الي 300 او 200

انا اعمل في التقسيط خلال سنة توصلت لدرجة ان فيه عميل عندي من يوم بدات لليوم وهو يدفع 800ريال طبعا هذا واجب عليه فلا شكر له ولكنه يشكر على مبادرته الدائمة فكل شهر لا يسبقه احد بدفع القسط وكل المبالغ المتبقية عليه هي ارباح لان انا نظامي في 10شهور استرجع راس مالي من كل صفقة وهذا العميل من الشهر الجاي يطق 13شهر المهم ماخفضت له جزء من القسط بل قلت له لك من 100 الي 800 اللي بدك تدفعه مقبول ^_^ لكن اذا اردت ان تكون مؤهل للحصول على اعادة تمويل او تمويل مؤجل حاول تدفع قسط كبير

اسف على الاطالة بالطقطقة ههههههه ولكن التقسيط منجم ذهب خصوصا عند تدوير العوائد
ولكن الكثير من الناس يغفلون عنه

يعطيكم العافية

سؤال :
تقدر تطلع سجل تجاري بدون فتح محل نظامي
والا عن طريق مكاتب ؟

كلامك ممتاز اخي الكريم نستثمر مبتدء
ولكن لا يمنع ان هناك كثير نتس تجارتهم من البوفيهات
وناس كثير تمل في التقسيط ويوقهم ماشي ما شاء الله تبارك الله
ولي اكثر من زميل يعمل في التقسيط
ولي ملاحظة على بعضهم
يستغلون حاجة الناس
لان من ياخذ اقساط في الاساس محتاج مبلغ
اما دين او اجار بيت وخلافه
لذلك يستغلون حاجته وياخذون ارباح ١٠٠٪
وهذا كثير جداً
ولكن الخير موجود ايضاً
زميل اخر يعمل في التقسيط
وياخذ ٥٠٪ واقساط سهله وميسرة ولا ياخذ قسط رمضان لحاجة الناس لمصاريف العيد
وهذا المطلوب مراعاة لظروف الناس والرازق الله عز وجل

هلا
 

هلا اخوي كم نسبة الاجل في السنة النسبة المناسبة

انت تريد سجل لكي تعمل استقطاع من الراجحي

اقول لك من الحين لو هذا هدفك أأ... ( مدري كيف اقولها وتكون
خفيفة عليك لانها طالعة مني بكل ودية )
استريـــــــــــــــــــــــــــح :d

لان معظم اللي يلجؤن للتمويل من المقسطين لايملكون حساب بالراجحي
ومصيرك تكسر هالقاعدة ( ماراح ابيع الا بإستقطاع )
واي صاحب مكتب تقسيط يبربر في النت ويقول مانبيع الا بإستقطاع لاتسمع له

مايصملون على هالقاعدة الا في حالة واحدة وهي عدم توفر سيولة
ولكن كل ماتوفرت عندهم سيولة من العوائد او من المستثمرين كسروا القاعدة

بالنسبة للجواب المباشر على سؤالك :-
انا موظف لذلك مافكرت حتى التفكير في السجل

^

اضافة اذا بتدخل التقسيط نصيحة لا تجعل همك الوحيد هو اخذ الأقساط كاملة بالموعد المحدد بالضبط
بل كن يقيناً انه مهما تأخر شي من الاقساط فإنه ملاقيك مع الايام
اعلم بأن كل فلس تضعه في تجارة القسيط بيد انسان مماطل لاقدر الله
هو انك قد رميت هذا الفلس امامك ولكن بقوة ومصيرك تلاقيه
اما اي فلس ترميه في مشروع اخر وتخسر
تكون وقتها رميته خلفك

بالنسبة لإستغلال الحاجة فلو لا الحاجة لتعطلت الحياة

( نَحْنُ قَسَمْنَا بَيْنَهُمْ مَعِيشَتَهُمْ فِي الْحَيَاةِ الدُّنْيَا ۚ وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِيَتَّخِذَ بَعْضُهُمْ بَعْضًا سُخْرِيًّا )

سُخْرِيًّا : أي ليسخّر بعضهم بعضاً في الأعمال، لاحتياج هذا إلى هذا وهذا إلى هذا

وكلامك سليم الرحمة امر طيب ومطلوب وهذا دليل على نقاء قلبك الله يبارك

نفس النسبة

مثلا عندي عميل ماشيء تمام وباقي له 5شهور او اقل اعطيه تمويل اخر تبدا اقساطه بعد نهاية الاقساط الحالية

كنت لا اميل الي هذا النوع من التمويل ولكن

في احدى المرات طلب مني احد العملاء الاوفياء اللي كل شهر يكون من اوائل المسددين تمويل مؤجل وبنفس الوقت جاء عميل ثاني والله مادري كيف عطيته هو مو موظف ومعتمد على ايجار بيت والبيت تبع والده وللأسف والده غير متعاون شهر يعطي الايجار لابنه وشهر لا كله عناد لي

انا تعلمت منه درس بصراحة

لانه في اول شهر علم ان ابنه اخذ مني تمويل سحب عليه الايجار , قلت للولد وش السالفة هالشهر عندك تعثر قال والله الوالد كذا وكذا

اتصلت على والده وانا كلي ثقة بيقول تعال خذ حقك :s

قلت : الو
قال : نعم
قلت : له السالفة
قال : انت تتحمل العاقبة !
قلت : له اذا ما سلم ابنك انا مضطر اتخذ اجراءات رسمية ..
قال : يعني بترضى تسجنه ؟!
قلت : اذا ابوه مسك عنه القسط ورضى به ينسجن كيف ما ارضى .
قال : انت الحين جاي تكلمني ليه ماعرفتني يوم جاك ابني يبغى تمويل !
قلت : ماتوقعت انك بتتدخل وتأخذ القسط .
قال : كيف تمول شخص مو موظف ولا يملك حرية مالية .
قلت : صدقت ومعك حق والله يعين وان شاء الله نصبر على ابنك وان شاء الله ماتقصر .

ومن يومها وهو شهر يدفع وشهر لا فتمنيت لو اني عطيت عميلي الوفي دين مؤجل لكان اريح لي ..

المهم الدرس اللي تعلمته من الشايب هو : اني من تلك اللحظة وانا حاط هالكلمتين بين قوسين
( الحرية المالية )

بالتوفيق