استفساراتكم عن أمن المنشآت هنــــــــــــــــــــــــــــا
 

السلام عليكم ورحمة الله ..

حبيت افيدكم عن تقديم أمن المنشات وطريقتهم ..

اولا وبعد ظهور قبولك المبدئي .. تتجه للكليه الأمنيه بالرياض ..

لازم تكون عندهم الساعه 11 تقريبا ..

ويبدؤون أول شي بالملفات وفرز وتصحيح وأول كشف يبدأون فيه هو الطول والوزن ..

احنا من المرحله السادسه وعدد المتقدمين 13 الف احس انو نصهم او ثلاث ارباعهم طلعو بسبب الطول والوزن :Looking: .. أكثر حاجه يكزون فيها ..

وبعدها الدم البول والجراحه والاشاعه النظر والسمع والاسنان كل الكشوفات عندهم ..

يعجبك انهم مرتبين .. طبعا مدة الكشف هذا يومين بس ..

بالاخير يعطونك ملف او دفتر ازرق او اخضر .. ع شان تعبيه من الشيخ او الاماره او الاحوال .. واذا قبلوك نهائي تسلمه لهم مع برنت لك من الاحوال ..

ونصيحه للي يبي يخلص بدري .. جيب معك كل الاوراق .. واهم شي برنت صفحه التسجيل الي فيها بياناتك حتى ماتتأخر عندهم ..

اما بالنسبه للتخصصات احنا دورتنا بمكه عندنا تخصصين دوريات او مدربين ..

لأن المدربين عندنا باكستان حاليا ..

والله يوفقكم ان شاء الله .. ولا تفوتكم امن المنشاء تروه قطاع حلو وجديد ..

زطالبين فيه 35 الف ولين الحين ماغطو ولا حتى النص .. يعني ارقام شاغره كثير وترقياتها على طول ماشيه ...

ان شاء اكون رديت على جميع استفساراتكم .. :)

واذا عندكم اي شي اسألوا ..

تحيتي لكم جميعا ..

مشكوووووووووور وماقصرت لاكن تتوقع كل المقبولين يخشون الدورات بنفس الوقت؟ او ع دفعات مثل ماتعرف ان مالهم مركز تدريب خاص يدربون طلابهم بالرياض بمدينه التدريب وبالحرس وبتجنيد المباحث براس تنوره؟ لاكن الدوره اي شهر؟؟؟؟؟؟؟؟ وكل المقبلولين يدخلون او دفعات؟ وشكرا

اخوي بيض الله وجهك واتمنى من ترد على استفساراتي وياجعلك بالجنه

اولا / مدة الدوره كم هي سته اشهور مثل باقي الدورات
ثانيا / ممكن تعطينا تفاصيل عن المراكز التدريب التي راح تتم فيه التدريب والتاهيل مثال مركز الايواء بمكه ومثل كذا لجل الكل يستفيد ومواقعه
ثالثا / اول مربوط للجندي كم
رابعا / ماطبيعة العمل لانه كل الي تم تعينهم لم يحكو لنا طبيعة عملهم مثال حراسات ادارات وهل هي مريحه وما المميز بالدوام وما الشين بالدوام
خامسا / يا جماعة الخير نبي نفهم وش اهم الشروط عندهم غير الطول والوزن هل يدققون بالاسنان والدم الي معه انيميا منجليه وفقر دم ومثل هيك
وسادسا / خلاص انتهت الاسئله


والي يقرئ اسئلتي ولا يرد عليه يااااااااااااا الله انك تهب به بعامود كهرباء بس ان كان مايعرف الاجابات لاتهبه باعمود كهرباء

ههههههههها

الرجاء الرد لضروره التامه لاصحاب الخبره بامن المنشاة ولكم دعوه بوزن الذهب من الوالده حفظها الله لاتوظفووو اخواني

ههههههههههههههه لا والله ما نعرف اي شي عنها يالغالي ولو اعرف من عيوني اعلمك كل شي عنها بس يا الاعضاء اللي تعرفون عن الاسئلة يليت تردون علية لان فيها عمود كهرباء ومدري ويش انتبهوووووا ههههههههههههه

السلام عليكم ورحمة الله وبركاته
عندي سؤال عن التقديم على أمن المنشات
عن مدة الدورة كم ؟؟؟؟؟ وعن طبيعة العمل ؟؟؟؟ وعن التعيين ؟؟؟؟
أنا من أهل الشمال هل أقدر أتعين بالشمال أم التعيين مقتصر على مكان الدورة
لك جزيل الشكر والتقدير

مشكور يالغالي دام الموضوع استفسارات نبي نستسفر من اهل الخبره او الدورات؟؟::: كم طالب تتوقعون يقبلون واجـد؟ بدايه اول دوره متي؟ هل كل اللي سجلو يدخلون الدوره مع بعض او ع مرااحل.. هل فيه دوره يسوونها بالحفر؟؟ هل اللي مايصيب الهدف يطردونه او يحجزونه لاني انا بمشي بواسطه من النظر ان شالله النظر معدوم من الانترنت واي احسن مركز تدريب. وش افضل تخصص.. واللبس العسكري كيف ؟ اقصد بعد التخرج بدلات زي الشرطه والمرور او زي الحرسس او زي البحريه.. تتوقعون القي دقيش بالدوره لحفر الباطن وشكرا

ياليت يكون بدايه الدوره بعد رمضان ماودي تفوت علينا الافلام ههههههه ومنها ندخل مع المدارس ماتضيق صدورنا مو زي الامن العام الناس استلمو شهايدهم وهم امتد انهض الله يعينهم تتوقعون اول دوره؟ متي شهر 10 او شهر 8؟ لاني اشوف شغلهم سريع سريع

الجامعي وش رتبته وكم اول مربوط له
اللي عنده خلفيه لا يبخل علينا يعلمنا

حبيت استفسر عن المنشئات؟ تابعه لمين الامن العام او قطاع ثاني؟ لاني انا مره شفتهم في بقيق واستغربت من لبسهم نفس اللبس حق الدوريات والشرطـه بس بكتفه اليسار فيه مربع اصفر يقولون مكتوب فيه امن المنشئاات ولا زي اللبس والبريهه

اشوف الشباب يسئلون وين يحطوني بالشماليه ولا الشرقيه ولاالغربيه ولا ولا << الي يجي من الله حياه الله احمدو ربكم وظيفه يجيك راتب وتوقف عن الصرافه كل شهر غيرك ماحصلها .. طيب انا ابغى المدينه فيه دقيش < من بدري يبي يحجز ههههههههههه
الله يوفقنا

نسيت الي معه فقر دم يخذونه والي ماعنده رخصه خصوصي ؟؟

السلام عليكم


طيب هل في تعيين بحائل او الشمال على الاقل


وانا وزني 44 << ريشه

اقبل ولا لا..؟؟

الله يوفق الجميع

هلا بك اخوي عااطل ..

لا الدجورات تدخلونها على دفعاات ..

دورتنا وزعو دفعات على الرياض والدمام والخميس وتبوك << كل ذولي تخرجو من الـ 45 يوم واحنا تونا دخلنا دورتنا مع اننا كلنا نفس المرحله ..

قريب باذن الله بينتهيون من المبنى الجديد لأمن المنشات في جده ..

وهو خااص بامن المنشات وسمعت انو اكبر حتى من كلية الملك فهد .. وبتجمع فيه جميع دورات المنشات ..

واعتقد المرحله السابعه بيجون فيها ..

لأن مركز الايواء عندنا بيتسلم للحماليه في 25 / 11 من السنه هذي ..

يعني احنا الكتيبه الرابعه اخر دورة بمركز الايواء ..

اخوي بيض الله وجهك واتمنى من ترد على استفساراتي وياجعلك بالجنه

هي سته شهور لكن اغلب الاحيان انها تزيد .. لكن ماتزيد عن 9 شهور ..
يعني تقدر تقول من 6 الى 9 شهور ..

انا مااعرف الا مركز الايواء ..
طبعا المدربين باكستان .. ةالسكن بمخيمات يعني الظهر الله يعينك ع الحر المكيفات يادوب تبرد بالظهر مع انها مركزية ..
قولي وش بالضبط الي تبي تعرف عنه بمركز الايواء .. وانا ارد عليك ..
تقريبا 5200 ريال ..
حراسات على البوابات او دوريه جيب تلفلف بها ..

النظر مهم جدا .. شفت انا كم واحد طلع لضعف نظره ..

مرحبا فهد الشمال ..

الدورة سته شهور لكن ممكن تزيد ..

طبيعة العمل حراسات على منشآت حكوميه .. اما على بوابه او يعطونك دوريه ..

التعيينات مادري والله .. لكن اغلب التعيينات بتكون اكيد بالشرقيه وينبع ..

فيه دفعه كانت 1600 تخرجت من مركز الايواء .. 900 منهم في الشرقيه ..

اعرف واحد من اخوياي كمان من نفس المركز تعين بالشرقيه ..

واحد من الدفعه الخامسه كانت دورته ا\بالرياض وتعين بمطقة مكه ..

يعني هي حظوظ ..