فاشل فاشل فاشل من كثر ما سمعتها نسيت اسمي
السلام عليكم ورحمة الله وبركاته
اولاً انا عضو جديد بالمنتدى واتمنى ان انضم لكم في هذه الدوامه المتعبه التي اسأل الله سبحانه بان يفرجها على كل مضطر وييسر كل دروبكم وتتحقق كل امانيـاتكم واحلامكم ثانياً بحكي لكم قصتي التي عانيت فيها وكانت مأساويه كنت ادرس الثانويه وكنت انسان مليئ بالطموح والتفائل وعدة ايام الدراسه وكنت اواجه مشاكلي بكل قوه واصرار تخرجت من الثانويه عام 1423 وكان تقديري ممتاز ونسبتي 95% والقدراة 75 كنت لحظتها اتمنى وارسم للمستقبل بكل رحابة صدر المهم تخرجت ودرسة بجامعه وكان تخصصي هندسه يعني (الباش مهندس) وكان الوالد والوالده يسموني بهالاسم الي كنت افخر فيه (((لكل مجتهد نصيب))) المهم درست وتعبت وتوالت الاحداث التي بدأت بمأساتي المهم جاتني ضروف نفسيه متعبه وحاولت اواصل الدراسه لكن تتدهورت صحتي ((وكرهت الجامعه)) واذا دخلتها كأني داخل جهنم وما اصدق اطلع منها المهم وللأسف تطورت هالمشاكل وكملت 4 سنوات وكان معدلي الدراسي في نزول سريع وكنت احاول والله والشاهد الله اني كنت احاول ارفع معدلي لكن بدأ اليأس يدخل فيني وبعد 4 سنوات تركت الجامعه بسبب معدلي المهم مالي وجه اقابل اهلي الي بدوا يتكلموا علي بكلام مألم ومبكي الناس بدأت تشمت فيني لدرجة ما تتصورونها كنت لحظتها اتمنى شخص يوقف بجنبي لو بكلمه ((((والكل تخلى عني والله حتى الصديق مالقيته))) حبيت اكون منعزل عن الناس كلهم ولا احب اقابلهم والآن عدة خامس سنه من بعد التخرج وكنت احاول ادور لي حل حتى الحق نفسي لان اليأس سكن بدخلي وما عاد اعرف وش هدفي حتى اصبحت شخص عديم الفائده وجالس بغرفتي لساعات والله ما اطلع الا لوقت الصلاه بصراحه هذه قصتي ياليت تساعدوني بأفكاركم وحبيت افضفض لكم الي بدخلي تعبت حيييل من هالدنيا يارب افرجها دعواتكم |
ينقل للقسم المخصص .
|
الله يفرجها لك ....لكن كل انسان في الدنيا لابد انه تمر عليه ضروف صعبه لكن الواجب علينا الصبر ........... الله يفرجها لك ولنا يارب
|
شوف اخوي
انا ماني متفلسف لكن بعطيك اللي عندي اولا الضروف تمر على كل انسان والشاطر اللي يصمد قدامها انت استسلمت من اول ضرف على طول انا ماني حاب افتح جروح قديمه لك بس شوف على قولتهم :: لكل جواد كبوهـ :: انت حاول تعيد ترتيب نفسك من جديد لا تقول خلاص انا وانا ما عاد لي قيمه ومستقبلي ضاع المستقبل عند الله ولو تقعد 20 سنه رزقك بيجيك انت حاول تقوم من كبوتك ولا تستسلم زي ما صار عليك اول " وعســـى ان تكــرهوا شـيئـاً وهـو خيـر لكم " انت خل املك بالله كبير واعرف انك بجلوسك لا بتنفع احد ولا تضر احد بالعكس الضرر راح يرجع عليك انت وارجع لوالديك واحكي لهم كل اللي صار عليك وخلهم يدعون لك حتى لو قالو وقالو انت قول بس ابي دعوتكم الله يفــرج همك اخوي شوف انت على ما قلت ان لك 5 سنوات بعد ما تركت الجامعه اللي اعرفه الجامعه 4 سنوات ما يمديك تقدم ولا ترجع لها الحين شوف قدم اوراقك اذا لك نفس تدرس بالجامعه اما اذا مالك نفس تدرس فما انصحك انك تدخلها اخر شيء اقدر اقوله لك انك تحاول تجلس مع نفسك فكر وفكر وفكر فكر وقول انا لو جلست ايش بيصير لي حاول تفكر بعقلانيه وصدقني راح تجيك نتيجه ملاحضه : الجــأ الى الدعــاء اخــر الليل لعل الله يفرجهــا عليـــكـ . تحيـــاتي اخــــوكـ المقهوور |
الله يعينك والله ياخوي حالتك نفس حالتي بالظبط بس اللهم انا ثنوي والحين عمري 20 ولي سنتين عااطل والظااهر الثاله والرابعه االعااشره بالطريق
ماقول غير لاحول ولا قوة الا بالله الوااحد يتعب ويتحمل اشيااء كثيره بس لجل انه يتخرج وبالاخير مايلقى مكاان ويقعد في بيت امه ******** ويجيه كلااام يتمنى وقتها ملك الموت يجيه |
الله يرزقك اخوي لا تايئس
عندي لك فكره اشتغل في محل حاسب منها تضيع طفش وتكتسب خبره وتخالط الناس وبكذا المعنويات ترتفع ممكن بعد ما تاخذ خبره تفتح مشروع |
كأنك تتحدث عن قصتي بالضبط
|
اخوي ماجد اشكرك ع الكلام الطيب ياوجه الخير والله يفرج همك
اخوي المقهور ((ربا اخاً لم تلده امك)) اشكرك على روحه الطيبه ((اشكالك بهالدنيا قليل)) الله يفرج همك وغمك انا عاطل انت بالبدايه وسنتين قليله وانا اخوك 000الله يوفقك سعود الحارثي شكل الحال من بعضه الله يفرج همي وهمك وهم كل عاطل من جدك؟؟؟مثلي |
اشكرك اخوي داوود
الله يفرج همي وهمك |
الحياه تجارب في منها الفاشل ومنها الناجح
وانت ببساطه اختبرت تجربه فاشله واكيد خرجت بشي منها على سبيل المثال عرفت مين صديقك ومين وقف جنبك ومين لا؟؟؟ الي مريت فيه مو نهاية العالم ولانهايه لطموحك بالعكس بامكانك بكل لحظه تبدا بدايه جديده. ابواب الدراسه مفتوحه بس انت لازم تطرق الابواب وتختبر الحياه وتسأل وتجرب طريقه ثانيه للتعاطي مع هذا الموضوع لانك جربت العزله وجربت الجلوس دون هدف والفراغ وتذكر الماضي وحبست نفسك داخل تجربه وحده ولمدة طويله وايش استفدت؟؟؟نصيحتي لك حاليا انه تحاول تضيف شي لحياتك بالتدريج...سجل بدوره -ابحث عن اعلانات الوظايف-اشتري كتب تقدر تستفيد منها والاهم اقرأها-استفسر اكثر عن موضوع الدراسه-ابدا لاتعزل نفسك لانك شوي شوي راح تفقد نفسك بالطريقه هذي....الله يفرج همك وبالتوفيق |
اشكرك اختي عاطله ع النصيحه والله يفرجها عليك وييسر دروبك
|
رب ضارة نافعة
اخوي لا تيأس من الحياة لسه انت صغير وبأول عمرك والحياة قدامك ولازم تكون متفاءل وما ينفع تفاؤل بدون سعي ولا تحط في بالك انك انسان فاشل بالعكس مافي نجاح بدون فشل واعتبرها تجربه ومريت فيها وتعلمت الكثيــــــــــــر منها اعتبر نفسك انك غلطت في تحديد الطريق الصحيح والحين انت بتصححه وكلنا نغلط ونحاول ما نكرر الغلط اذا انت مالقيت نفسك في هذا المجال ابحث عن مجال ثاني وانا انصحك بأنك تأخذ دورات قصيره في خدمة عملاء وحاسب والانجليزي يعني كل الحكاية تاخذ معاك سنه وبعدين دور لك على وظيفه المهم ولا تضيع عليك السنوات سجل في اقرب جامعة لك انتساب ادارة اعمال كلها اسبوعين في الترم تروح الجامعه فيها واذا كان جامعة الملك عبد العزيز 3000 الترم يصير بعد اربع سنوات وانت معاك شهادة بكالوريوس وحاول انك تعتمد على نفسك وتقوي نفسك ولا تنتظر من يرفع معنوياتك في هذا الزمن كل واحد ياالله نفسي انا ذقت الامرين لحد ما اتخرجت من الجامعه والحين عاطله اذا انت ما فكرت في نفسك ما احد بيفكر فيك لازم تكون قوي ويكون تفكيرك ايجابي وتكون مؤمن بالله واحسن الظن بالله واطلبه وادعيه والله يوفقك ويفرج همك وهم الاخوان والاخوات |
إي والله بس ماهوب لها الدرجة انت كنت تخصص إنجليزي وباقي لي مستويين
وصار معي مثل اللي معك وحتى سنة التخرج وحده |
اشكرك على الروح الطيبه اخت نرسيان الله يوفقك وييسر دروبك
|
اخوي سعود ما فهمت وضح اكثر انا هندسه 5 سنوات درستها
يعني انت انجليزي الله يوفقك وييسر دربك وانا اخوك |
السلام عليكم
مساكم الله بالخير وبالأخص صاحب الموضوع هلا اخوي اصبر وهونها وتهون بس اهم شيئ انك ما تتسخط على القدر ارض بما قسم الله لك تكن اغنى الناس انا عارف ان هالكلام مو وقته بس انا معي دبلوم كلية تقنية قسم كهرباء وتوظفت بشركة وخليتها ولقيت شركة قوية يوم بغيت ادوام فيها الأمور خربت وتسلفت فلوس علشان اخذ لغة يوم بغيت ادرس في المعهد خربت السيارة يعني الحال من بعضه ودمت بخير |
زعيم الله يرزقك واكثر من الاستغفار
|
سبحان الله والحمدلله عظيم كريم رحيم بعبادة
كتبت هالموضوع قبل 10 سنوات تحديداً يبدل الله من حال إلى حال افضل ولكن احسن الظن بالله |
رد: فاشل فاشل فاشل من كثر ما سمعتها نسيت اسمي
مرحبا استاذي كساب الطيب
نورت المنتدى بطلتك علينا والحمد لله الذي بدل الحال وجعل ايامك كلها سعادة |
اقتباس:
|
رد: فاشل فاشل فاشل من كثر ما سمعتها نسيت اسمي
مشاءالله رجعت ورفعت موضوعك
بعد هذه السنين شي طيب من اناس اطيب لو كان ممكن اكتب احداث التغير وهل وصلت لــ م كنت تتمنى ؟ |
رد: فاشل فاشل فاشل من كثر ما سمعتها نسيت اسمي
الله يوفقك
|
الساعة الآن 03:14 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين