افكار مشاريع سريعه ومضمونة الربح
 

السلام عليكم

انا موظفة لدي رأس مال 95 الف

ماهي المشاريع المتاحه

علما نصحوني بالذهب والبعض نصحني بعدم الخوض فيه

ونصحوني باستلام مقصف مدرسه بس مدري كيف اجيب مدارس

السلام عليكم
فكرت شراء الذهب بالوقت الحالي حلوة لأنة الان نازل سعرة عن اول
طبعا افضل شراء سبائك الذهب لان سعر بيعة بيكون ثابت مع السعر العالمي للذهب

اذا مالك خبرة بالذهب ما انصحك فيه ... بعدين انتي تقولي تبغي فكرة مضمونة !

مافي شي مضمون 100%

التجارة لازم فيها مخاطرة لكن تختلف حسب كل نشاط

ياريت لو تقولي بأي مدينة انتِ .. وماهي المجالات التي تفضلينها بالاستثمار ؟

عندي فكرتين حلوين لك ولكن يبغى لها عامل يشتغل عندك وتنقلي كفالته عليك اذا عندك قدرة

انا بالرياض

موظفه برا الببت من 6 ونص الصباح الى 5 تقريب
وفوق كدا ادرس انتساب
يعني مشغوله شوي

واللي بيدلني على مشروع بينوله اجر من عندالله إن شاء الله
لاني ابي المال لعمل انساني


مشكورين

مجالات مفضله مااعرف والله ماقد استثمرت بشي

اهم شي تكون حاجه تناسب وقتي

عندي مشروع خاص للنساء باذن الله راح يكون مشروع ناجح جدا ويمكن يغنيك ويدخلك عالم ثاني من الثراء اذا كتب الله له التوفيق طبعا المشروع عباره عن موقع الكتروني خاص بالنساء وانا مستعد اتنازل عنه مقابل دعوه لي بالشفاء التفاصيل راح ارسلها لك بالخاص اذا ما عندك اي خبره بانشاء المواقع تقدرين تستعينين باي شركه من شركات تصميم المواقع وهي تتكفل بكل شي واذا حابه المشاركه فقط بحيث يكون منك راس المال وانا اتكفل بانشاء الموقع والاعلانات برضه ما عندك مشكله
ومشروع اخر جديد نوعا ما وفي نفس الوقت من المشاريع الي انا اشوف ان لها باذن الله اقبال واسع وخصوصا من النساء الي ما عندهم استطاعة الخروج من البيت المشروع عباره عن مشغل نسائي متنقل او صالون نسائي متنقل راح يكلفك فقط سياره ومستلزمات المكياج والمشغل وسائق وكوفيره وعملهم راح يكون بالمنازل وعن طريق الجوال
واذا انتي مو من النوع الي يحب يغامر بمشاريع جديده فاقترح عليك تسوين محل هدايا والمحلات الي من هالنوع كثيره وسبب نجاحها وفشلها بعد اذن الله معتمد فقط على الموقع وقوة الاعلانات
واذا عملك ما يساعدك للتفرغ لمثل هالمشاريع فاشوف ان لو تستثمرين المبلغ الي معك بقطعة ارض حتى لو كانت بعيده لان العقار الاستثمار فيه امن جدا هاذا اذا لقيتي ارض بهالمبلغ حسب المدينه الي انتي متواجده بها
واخيرا وادري اني لخبطتك مشروع معروف وسوقه ماشي زي الحلاوه بس انه متعب شوي ومكاسبه فيها مخاطره بس انها عاليه وتسترجعين راس مالك من وراه في اقل مده الي هو تقسيط وتمويل لاي فئه تقدرين الوصول اليها وهالمشروع معروف وتقدرين تسالين عنه اي شخص عنده خبره بهالمجال وراح يفيدك بجميع التفاصيل

نصيييييحه
 

[warning]null[/warning][warning][/warning]

بسم الله والحمد لله والصلاة والسلام على رسول الله

اما انا نصييحتي لا تخطين سنتمتر واحد الا وعارفه وش تسوين وايش النتيجه
لالالالاتضيعين فلوسك مثلي ولايغير فيك الكلام الحلو انتبهي لحلالك وان تستثمري بنفسك فهو ان شاء الله اظمن واوضح مثل تعليم تدريب ابتعاث

وفيه موقع يبيع افكار وهو بلس تو واكرر انتبهي انتبهي ولاتنسين صلاة الاستخاره في كل حال

ودعواتك والسلام عليكم ورحمة الله وبركاته

هلاا وغلااا اختي

المبلغ يعتبر قليل بعالم المشاريع
لكن ممكن تقسمين المبلغ اكثر من قسم :
قسم تدخلي في جمعيه وتستلمينها الوقت اللي يناسبك.
وقسم تشتري شغلات نسائيه اكسسورات وشنط وبحكم عملك تصرفيهاا.
وقسم تحتفظي فيه بالبنك والارباح اللي تجيكي من الجمعيه والشغلات النسائيه تزيديها عليهم وحاولي تستمري بزيادة المبلغ ع الاقل ل300الف


انصحك بشراء قلاب ويتم تشغيله بمشروع لعقد وعادة العقود تبدأ من 6شهور لسنه واكثر ويجيك مبلغ شهريا من 13 الف الى 25 الف ..
واعرف وسيط يخاف الله وثقه يشتريها لك ويتابعها لك بتشغيلها بمشروع مقاولات وانتي تتابعي معه مشروعك وتشوفي كل شيء بنفسك وبضمانات واوراق رسميه ..
لويناسبك استخيري واتواصلي معاي خاص والله يوفقكك.

افظل استثمار على وضعك مشغوله دائما هو الاستثمار في سوق الاسهم في شركات ممتازه ولها مستقبل زاهر مثل ( ساسكو ، شركات الاسمنت ، المواساه للخدمات الصحيه ، جبل عمر ، بنك الانماء )
الان محطات البنزين بتمسكها شركات مثل ساسكو والدريس
والطلب على الاسمنت يتوقع ان يزيد في الفترة الجايه

انا شخصيا مستثمر في شركة المواساه ، واي تفاصيل انا حاضر .

موفقة