|
رغب فتح محل فواكة وخضروات من لدية تجارب يفيدني
السلام عليكم ورحمة الله وبركاته
بعد جهد جهيد وتفكير عميق قررت إني أفتح محل بيع خضار وفواكة وعندي بعض الاستفسارات علماً بأنه ليس لدي تجارب في هذا المجال - ماهي التجهيزات الاساسية ديكورات ثلاجةة للمحل والخ؟ - كم تتوقع تكلفة المحل من رسوم للدوائر الحكومية لافتتاح سجل تجاري والخ؟ - ماهو المكان المناسب للمحل((يعني عند شقق أو وسط حارة مثلاً...الخ؟ - كم تتوقع دخل المحل بالشهر إذا كان المحل فتحتين؟ راس المال الحالي 20 الف وقد يصل الي 30 الف اذا لازم الامر ومحتاج بعض النصائح لنجاح هالمحل في انتظاركم واسفين على الاطالة :Thumbs: |
الله يوفقك ويرزقك من واسع فضله
اميييين |
اقتباس:
اللهم امين الله يجزاك كل خير علي هالدعوة الطيبة |
الله يوفقك مشروع حلوووو ومربح
|
السلام عليكم ورحمة الله
هلا وغلا بالغلا عزيزي لي تجربة جميله جدا مع الخضار اناالان بالسيارة سيكون لي الشرف ان اكتب لك بعض النقاط التي اسال الله ان ينفع بها في المسا بحول ﺍﻟﻠﻪ |
اقتباس:
اللهم امين جزاك الله خير |
اقتباس:
في انتظارك لطرح مايفيدني في المشروع :Thumbs: |
في الوقت الحالي اتمنى انك تعيد النظر وماتستعجل وأسال من له تجارب حاليه وليست سابقه
من وجهة نظري ان زمن محل الخضار والفاكهه انتهى لعدة أسباب اولها الباعه المتجولين وكثرتهم ووضع البلديه اماكن بيع لهم اضرت اصحاب المحلات بشكل كبير لانهم لايوجد عندهم تكاليف اجار وعماله وسجلات ورخص بلديه وزكاة ودخل وسعوده لذا يبيعون ارخص من المحلات ثانيا توجه الناس بشكل كبير لشراء الخضار والفاكهه من بنده وكارفور والعثيم وغيرهم سبب شبه شلل لمحلات الخضار والفاكهه ثالثا القرارات الغريبه وغير المتوقعه من مكتب العمل في اي وقت فمثلا لو طبقو السعوده والزموك بتوظيف سعودي سيذهب كثير من ربحك لراتبه رابعا الخضار والفاكهه مدتها محدوده ومعرضه للخراب ونسبة الخساره عاليه خامسا تحتاج لمتابعه ومجهود بحيث تذهب كل يوم الفجر للعزيزيه لشراء البضاعه ومن بعدها تتابع بيع المنتجات هذا لايعني ان جميع المحلات خسرانه لكن يوجد بعض المحلات ماشاء الله تدر ذهب لأصحابها لكن المقصد ان نسبة النجاح الى الفشل ضعيفه لي صديقين الأول عنده محل كان يقوم عليه هو واخوانه ثلاثه وعاملين وماشاء الله مايلحق والان لايوجد الاعامل واحد وسيغلق المحل للأسباب اللي ذكرتها سابقا الثاني نصحته بعدم الدخول في هذا المجال وكان مصر وقلت له اذا مصر اشتر لك ونيت وبع عليه اربح لك من المحل لكن للأسف دخل بفكر اني بركز على توصيل المنازل وبنجح لكن للأسف فشل وخسر وقفل محله |
اقتباس:
|
لو مافيها فلوس
ما تحصل 3 عمال يشتغلون في المحل الواحد من الصبح إلى الليل نجاح محل الخضار في اختيار المكان المناسب. ودائماً اللي في دخلت الحواري تمشي لو انك فاضي اشتغل انت بنفسك والجميل انه ما يكلفك شي حسب ما قريت قبل كذا ان تحتاج لثلاث او اربع اشهر حتى تحس بالارباح يعني مو بيوم وليله وتبي تطلع اللي دفعته انا اقول لو انت متفرغ ومعك الماده وماهي تحويشه عمر افتح محل وطبعاً يبي لها طلعت للجمله وتشتري يومياً وسمعت فيه ناس تجيب لك اللي تبي وياخذ زياده ريال او ريالين |
| الساعة الآن 09:28 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين