بخصوص حديثي التخرج حاسب آلي
 

"السلام عليكم ورحمة الله وبركاته"






حاب استفسر بخصوص خريجي الحاسب آلي ..كم يجلسوا سنة ويتم تعيينعهم ؟
وآخر دفعة تعينت متى كانت ؟

لأنو بصراحة كلام مو منطقي .. ادرس 5 سنوات باللغة الانجليزي ودوام كرف من الصباح لين الساعة 5 عصر ..واجازات الويكند ما نعرفها .. يحطوا فيها اختبارات ..وفي الاخير نجلس سنوات نستنى وظيفة !! :(

طيب لو طفشت من الانتظار وحبيت ادخل في الوظائف التعليمية .. هل لازم اختبر كفايات واكمّل تربوي .. ولا كفايات بس ؟ :c

حبيب قلبي.. الحاسب في هالبلد وضعه مزري جدًا
وأنا أحد ضحايا تخصص علوم حاسب.. كل الدوائر الحكومية والوزارات متعاقدة في قسم الIT مع شركات واغلب الشركات اجانب.
وبالنسبة للتدريس احتياج الحاسب صفر من 3 سنوات!! يعني تبي تدفع 10 الاف عشان تدرس سنة دبلوم تربية وبعدها تصف سرا مع خريجي كليات المعلمين!

والله يا فيني غبنه ما يعلم بها الا الله.. كرهت حياتي من هالتخصص الفاشل، اخوياي خريجي تخصصات سهلة والحين بوظايفهم بنفس مدينتهم الله يرزقنا مثلهم.

الحاسب عند الشباب

وضعه جدا صعب في القطاع الحكومي

ما عندك إلا القطاع الخاص

ليه يختلف عن البناتمعقووووول
البنات ماششاءالله يتعينو بسررررعه معلمات حاسب وكثيييييير منهم بدون تربوي وتقديرهم جيد

حبيت أضيف معلومة اليوم مريت فرع وزارة الخدعة المدنية وقالوا لي احتمال فيه مفاضلة بشهر 4 هذا ويسبقها اختبار نفس اللي اعلنوا اساميهم مؤخرًا في التخصصات الإدارية وسألته عن الدبلوم التربوي قلت لو اخذته وبعد عمرن طويل صار فيه توظيف للحاسب هل اتساوى مع خريجي كلية المعلمين ؟ قال لا الأولوية لخريجي كلية المعلمين لأن مسارهم أساسًا تربوي يعني تدرس 5 سنوات حاسب بالانجلش وفوقها تاخذ دبلوم تربية ب10 آلاف وبالأخير لو فتح التوظيف للحاسب في التعليم راح يتفوقون عليك خريجي كلية المعلمين.. الله يكتب لنا الرزق الحلال راحت سنين العمر وحنا ننتظر الله لا يوفق من دمر احلامنا وبدد ثروة البلد على الدول المجاورة.. عيال البلد أولى يا خونه

انا صاف سراء من عام 1432 , حتى دبلوم تربوي ماقدرت أخذه من الشروط التعجيزية . والقطاع الخاص مايبغى يوظف حاسب انا متأكد من ها الشي , مالك الا العسكرية أغلب زملاءي دخلو العسكرية

للأسف تخصصات الحاسب مالها وظايف ابدا في الحكومة منذ اكثر من سنتين
ياليت يقفلون اقسام الحاسب خصوصا هندسة الحاسب
اذا انت بكالوريوس وطولك 168 قدم على الامنية
او روح قطاع خاص
اما الخدمة المدنية انساها الين ربك يفرجها

الله يرزقنا من فضله

الله المستعان ، ليش يصير فينا كذا .

الحاسب على وشك يصبح مثل اللغة العربية ، التوظيف فيه شحيح جداً .

الشركات للأسف كل ما أروح أقدم عندهم يقولون احتياج IT بشكل عام صفر .

مادة الحاسب في المدارس متوسط وثانوي من يدرسها؟؟؟؟؟خريجين ايش؟؟
والله مو مستوعبه معقوله كيف وضع الاولاد عكس البنات مع انه واحد من قرايبي تخرج وتعين على طول مااخذ سنتين بطاله