استفسار عن البيع للمحلات
 

السلام عليكم ورحمة الله وبركاته

مساكم الله بالخير

واحد من اخوياي اشترى بضاعة من الصين (اكسسوارات جوال) ويبيعها على الانترنت او لأقاربه

كلموه محلين جوالات من النت و طلبوا منه كمية كبيرة

اقترحت عليه يروح لمحلات الجوالات يبيعها عليهم علشان يبيع بشكل أسرع

فما أدري وش الطريقة؟

كيف التعامل مع المحلات وكيف أفضل طريقة؟

وهل الفكرة هذي حلوة أو يبيعها على النت أحسن؟

الله يوفقنا وياكم

يقدم سلعته لمحلات الجمله اذا كانت الكميه كبيرة ,, صحيح الربح يكون قليل لكن بيتخلص من البضاعة بسرعه :Thumbs:

إذا يفكر بالتوزيع على المحلات شي حلو وممتاز ولكن في اشياء كثيره لازم يراعيها
اول حاجه يستخرج له سجل تجاري عشان يطبع له فواتير بإسمه لضمان حقوقه
ولازم يحط في باله ان اغلب المحلات ما تدفع كاش شغلهم على التصريف
ويستحسن لو يحط له واحد اجنبي يوزع على المحلات تكون عنده خبره بسيطه ويعطيه نسبه على المبيعات
مثلك عارف الغالبيه العظمى من اهل المحلات اجانب ويستنكرون السعودي ولا ياخذون منه شي حتى لو كانت بضاعته جيده وسعرها مناسب

بالتوفيق.

يعطيكم العافية ما قصرتوا ..

خالد .. فكرة الموزع جات في بالي بس قلت لو يروح هو بنفسه يمكن يثقون أكثر خاصة ان فيه اصحاب محلات سعوديين

بس بنشوف فكرة الموزع الاجنبي

وبالنسبة لبيع التصريف وش طريقته؟ يعني متى اجيه استلم الفلوس وكيف اضمن راعي المحل؟