السلام عليكُم

مساء الخير الأخوة والأخوات ,

أحتاج مساعدتكم وأرائكم حيال موضوعي :

أنا أعمل في الجامعة السعودية الإلكترونية كإداري ومُرتبي في حدود التسعة ألاف ,

أتاني عرض في مصرف الراجحي بمُرتب يُقارب الـ 12 ألف ,

أحد أسباب ترددي بالوظيفتين أن وظيفة الجامعة ذات أمان وظيفي بعد الله إضافة لكون مرتبها لابأس فيه والعمل خالي من الضغوط نوعاً ما , لكن سوء الوظيفة مرتبط بروتين العمل ودرجة تطوير الموظف ضعيفة إلى كون أن الزيادة بالراتب خلال سنوات طويلة قادمة ستكون طفيفة مُقارنة في القطاع الخاص " والواحد يحتاج يكون نفسه علشان يتزوج ويوسع على زوجته وعياله "

مصرف الراجحي في الجانب الآخر المُغري فيه العرض الوظيفي المُقدم لي , إضافة لكون البنوك بيئة تطويرية من الممكن ترتفع قيمتي السوقية وأكون محط رغبة مستقبلية لدى العديد من الشركات بمُرتبات عالية , السلبي بخصوص الراجحي إن الكثير من الموظفين يشتكون من تعامله مع موظفينه , إضافة لإن ضغط العمل شديد من 8 ل 5 وممكن مرات العمل يمتد لأكثر من ذلك , مع إمكانية إستغناء البنك عني لأي سبب مستقبلاً ..

لم أستطع حتى الآن الوصول لقرار جازم في داخلي , أحتاج لأرائكم وإقتراحاتكم ونصائحكم , لعل أجد ضالتي

شكُراً مقدماً لتجاوبكم

أخوكم / سعد

نصيحه اخويه لاتفرط بوظيفتك وتروح للراجحي
الاغلب يروحون لافضل وانت كذا بتدمر نفسك
ومن قال ان فيه تطوير للموظف زميله لي لها 17 سنه ومازالت بنفس الوظيفه لاترقيات ولاعلاوات
بالاخير استخير والله يكتب اللي فيه الخير

يامرحبا بسعد

اخوي سعد ..انا طالب بالجامعة الالكترونية ولكن فصلت منها ,,, والى االان ماجاء ملفي

سؤالين يطولي بعمرك متى يجي ملفي مع العلم تاريخ طلب الانسحاب شهرين من الان ,,

وايضاً هل هناك وظايف في الجامعه بالثانوي ,,. ياليت ترد هنا او في الخاص

وشكرا

لاتنسى إن طبيعة العمل داخل المصرف تختلف كليًا عن عملك الحالي


عملك الحالي إداري. والمصرف ..؟ رح يختلف الوضع.

الفرق ألفين؟ الفرق مايسوى من وجهة نظري.

إذا تبحث عن توسيع دائرة عملك روح للبنك و منها بتلقى عروض أخرى في حال خبرتك ..

أما إذا حبيت تظل في نفس مناك خلك بالجامعة .. دامها حكومة

ياخي في مواضيع مدري وش تبي
الحين (سعد) يقول انا مرتاح في وظيفتي في الجامعه واخذ قرابة 9000 ريال ومبسوط والعمل خالي من الضغوط وغيره لكن مافي تطوير وظيفي ... ويقول العكس عن الراجحي تعب وضغط وراتب اكثر يعني اغلب العالم يدورو على الراحة النفسية في العمل اول شي قبل الراتب وبعدين الفرق 2000 3000 والله ماهي فرق اللي يخليك تغامر وتترك وظيفة انت مرتاح فيها ... اذا الواحد قالك خلك في وظيفتك راح تقول بس الراجحي يعطيني راتب اكثر واذا قلنالك روح الراجحي راح تقول بس كثير من الناس ماهم مرتاحين في الراجحي انت حاسم الموضوع بانك راح تبقى في وظيفتك في الجامعه لان العمل في القطاع الخاص يبيلة ناس تشتغل وما توقف لكن العمل في القطاع الحكومي دلع بالكثير تداوم 5 ساعات وانت راجع بيتكم
انا اقولك اصرف خلك في الجامعه لانك ما تقدر على القطاع الخاص ...

انصحك بالاستخاره وبس وكل امرك لله

ابك انت صاحي تترك وظيفتك الحكومية

شوف حبيبي بنسبة انت تقول تطوير وما ادري ايش في شيء اسمه تطوير ذاتي يعني تاخذ شهادات دورات إدارية وممكن بكره تصير مدير مثل شهادة PMP

اما الراجحي وش مسمى الوظيفية تفرق ووش طبيعة العمل وكرف وقلل وممكن يطردونك يعني خل في السليم

ولو انا مكانك كانت فتحت لي تجاره واديب بدل الفرق 3000 اجيبه 6000


وبتوفيق وتذكر التطوير ذاتيوانت واضح انك شوي كبير يعني فكر في عيالك وزوجتك وخلك وافتحلك تجاره

السلام عليكم ورحمة الله وبركاته

ماهو المسمى الوظيفي في مصرف الراجحي