|
لانه الان صارت السعودة م تحسب بنطاقات الا بعد فترة التجربة 13 اسبوع من توقيع العقد لان لاحظوا بعض الشركات توظف السعودي و اذا خلصت من معاملاتها طفشوه ولا لفقوا له سالفة او حتى فصل عيني عينك بدون سبب لانها فترة تجربة لكن كويس حجرت لهم الوزار ة
|
و اي شخص يدخل في الشركات لابد انويتثقف بنظام العمل و العمال عشان م ياكلون حقوقكم .. تقبلوا نصايحي
|
اسم الشركة ،، وشنو مجالها لو تفضلت ؟؟!!
|
مراقبين عمال طبيعة العمل كيف وكم الراتب والاجازه
ولاهنــــت على الطــرح يالطيب |
طيب نبي اسم الشركه؟؟
ترى ما فيه شيء يمنع عن كتابتها وعلشان نكون واضحين |
كا اني اشم ريحه سعوده :d
|
هي شركه مقاوله تبع تشييد و مقاولات على ما اظن عموما انا كان قلبي قارصني من كلامهم او طريقتهم
الي هي : ( دوره لمدة سنه ) طبعا تابعت معاهم و بالاخير صار الوضع ما يطمن باقولكم ليه مايطمن ، الدوره هذي الي يشرف عليها جهه متعاقده الي هي ( التنظيم الوطني للتدريب المشترك ) الي تقع بجانب الكليه التقنيه التنظيم هذا انا دخلت بشركه نفس النظام دراسه سنه بدبلوم حاسب و لغه طبعا باقولكم وش صار درست ٦ اشهر العام الي طاف.. و بعد الًـ ٦ اشهر خلصنا لغه و جينا للحاسب الحاسب طبعا ما يدرسونه الجامعه من كثر الكتب عشر كتب .. تختبرها كلها. ما تتوظف و لا تتخرج الا لما تنجح بكل الكتب هذي الغريب في الامر مو الكتب و كثرها .. الغريب انه اي خطاء لو سؤال واحد ترسب و تعيد من جديد طبعا هم غدروا فينا.. بعد ما كملنا نص الفتره قالوا لنا التالي .. : ١- اي محاضره تتاخر عنها يخصم عليك من المكافاءه يوم كامل ٢- اي غياب حتى لو تجيب عذر طبي لا يقبل ٣- اذا رسبت بسؤال واحد بس .. تدفع ١٠٠ ريال لاجل تعيد الاختبار ٤- اذا متخوف او ماستعديت للاختبار تدفع لنا ٧٠ ريال ٥- التخرج عندهم باللائحه شهر ٣ هجري الي طاف تخيلوا اخوياي الي كملوا و عاندوا الى الان و هم مهمشين في المعهد لا عادوا لهم الاختبار و لا قالوا لهم ( فارقوا ) معلقينهم للحين بدون اختبار يعني حضور على الفاضي طبعا اذا خصم عليك يوم بتاخير او غياب يخصم منك ٢٠٠ او اكثر بالعربي .. سعوده اجباريه كل المساله و كلامي هذا عليه شهود الى الان .. و الي يبي يشوف بنفسه يروح لمعهد الجزيره الي في السويدي عند مسجد الصانع و يسال بعض الطلاب الموجودين هناك طبعا انا طلعت منهم من فاجاءوني بنظام دبلوم الحاسب المطفش المستحيل.. انا حبيت اطرح تجربتي للي يبي يدخل تحت قبضة التنظيم المشترك و في النهايه تبطي تاخذ دبلوم لغه و حاسب حتى لو نجحت ( انا نجحت باللغه و ماعطوني الا انذار بوجهي فصل بسبب تاخرت عن محاضره ) مع اني معاي دبلوم لغه و ماني محتاج دبلومهم بس طول الـ ٦ اشهر منظبط لا تاخير و لا غياب و بالاخير بعد ما نجحت بامتياز باللغه ما عطني حتى شهادة شكر > قالوا مالك شي عندنا الا انذار نصيحه مني لكم ابعدوا عن التنظيم .. لانه وهمي و على فكره التنظيم ترا ياخذ من الموارد البشريه على كل طالب ٣٠ الف في السنه يعني يتقاسمونها هم و الشركه ... و الشركه مستفيده من اسمك بنطاقات و التنظيم مستفيد منك ٣٠ الف و انت بالاخير لا دبلوم و لا وظيفه و الي يبي يروح يتاكد بكيفه .. لكن يسلم لي على سعد الدوسري هو اكبر حرامي لدى التنظيم و حسبي الله عليهم و بس و السلام ، |
اقتباس:
تمنيت انك استفسرت من مصدر المعلومة قبل أن تنقل تجربتك مع التنظيم الوطني المشترك هنا. البرنامج ليس له أية علاقة بالتنظيم الوطني المشترك لا من قريب ولا من بعيد، الوظائف محددة مسبقاً قبل بداية التدريب والعقود مفتوحة وغير محددة المدة، والشركة صاحبة الإعلان هي مجموعة من ستة شركات كالتالي: 1- شركة للتشغيل والصيانة 2- شركة للاستشارات الهندسية 3- شركة للمقاولات والإنشاءات 4- شركة للسياحة والسفر 5- شركة للصناعات الحديدية 6- شركة مختبرات كيميائية والعقود المقدمة للمتعاقدين هي عقود (غير محددة المدة) ويشترط الالتزام بالوظيفة بعد نهاية التدريب، وليس كما ذكر البعض هنا أن الغرض رفع نسب السعودة فقط. أما بالنسبة لبرامج التدريب فهي تبدأ من ثلاثة أشهر وحتى سنة حسب الوظيفة ومؤهلات المرشح، فتدريب مراقبي العمل يختلف كلياً عن تدريب مسؤولي السياحة، بل إن المعاهد التي تم التعاقد معها لتقديم الخدمات التدريبية تختلف من وظيفة إلى أخرى. أما من استفسر عن الفرص التدريبية فهي للجنسين. وأخيراً من لديه أي استفسار فليتفضل مشكوراً بطرحه وشكراً |
طيب والجامعي يتوظف ولا يتدرب عندكم
وشكرا |
استاذي الفاضل ،انا ما تاكدت من المصدر و فقط ....
استاذي هذا كلام موظفكم قي الشركه نفسها هو الي قال لي هالكلام ... انا سالته قلت هل المشرف على التدريب في المعهد انتم ام التنظيم المشترك.. قال الدوره مننا حنا مادري ايش.. قلت سؤالي واضح جاوبني هل التنظيم الوطني هو من يشرف على الطلاب قال لي ( نعم ) و انت هنا تنفي هالشي .. و هو من هناك يقول نعم .. بل لعلمك اني سالته بعد التقديم هل اذهب لكذا و كذا و كذا .. ثم اذهب للتنظيم لاجل اكتب اسمي هناك و التنظيم هو من يرسلني للمعهد قال موظفكم نعم من مين تبيني اتاكد طال عمرك اذا موظفكم يقول نعم.. لدرجة اني كنت ناوي اقدم .. و لما قال لي ان الدعوه فيها تنظيم .. رفضت عموما .. الله يوفقكم لكن اذا بتخلون التنظيم هو من يتابع الطلاب عز الله مانت محصل طالب واحد بيستمر |
| الساعة الآن 08:11 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين