فتح باب التسجيل لـ (600) طالب في معهد سلاح الإشارة بالطائف
 

تعلن قيادة القوات البرية الملكية السعودية – اللجنة المركزية لقبول طلبة القوات البرية – عن فتح باب التسجيل بمعهد سلاح الإشارة بمنطقة الطائف برتبة (جندي أول ) لحملة شهادة الثانوية العامة لعدد (600) طالب اعتبارا من (01 / 05 / 1435 هـ) ولمدة أسبوعين وفي حال توفر الشروط المنوه عنها أعلها يتم مراجعة المعهد بمنطقة الطائف

بارك الله فيك

الحين هذي دراسه سنه ونص كيف او لا

متى تقديم الامن العام

ايش المميزات فيه جندي اول بس وكم الراتب

ايش الشروط .. لآهنت

بالتوفيق للجميع نتائج الجوية قريب لو قدر الله وما انقبلت عز الله بقدم عليها والله حلوه و لا اجلس عاطل

الي يسأل عن الراتب يا حبيبي اقسم بالله ما يقل عن 7 والتقديم جندي أول 7 وعليها وتفرق حسب الصنف حق التخصص و انا داري بيجي واحد يقول الامن العام افضل هذا زمان يا حبيبي اما الحين الجيش افضل من ناحية الراتب+ الراحة في ميزة في الامن العام هي عدم النقل عند الترقيه فقط و انت ماتدري وين رزقك و في نهاية الامر كلن براسه عقل ويعرف خلاصه بيجي يوم تدور جندي بالسلاح المشاه بدون تخصص ما تلقاها وراح اذكرك بالتوفيق

طيب التقديم الكترووني ولا لااازم نروح لهم ؟؟

طيب مدة الدراسة بالمعهد ؟
واللي معاه دبلوم وش يعطون رتبة؟
تكفون ياشباب اللي يعرف يفيدنا واللي عنده احد موظف بالمعهد يسأل لنا وترى بندعيله

وترى الجيش رواتبهم زينة الوقت الحالي

هواريو ..
ي جماعة الخير نبي الشروط .. حصلت لي اكثر من اعلان بس للآسف لايوجد فيه شروط
ودخلت الموقع بالنفس ولا حصلت الشروط ..
ياليت الي يعرف ايش شروطهم ومدة الدراسة بالمعهد وايش المتطلبآت يفيدنـا .. واكون شاكر ومقدر له

نفس حالتك اخوي بحثت ولالقيت الشروط شكلهم بدون شروط

ياشباب التقديم ملفات والحظور بنفس المركز ولا التقديم الكتروني ؟


ب التوفيق للجميع ...

الله يعطيك العافية اخوي الحرس الحدود

رفع
اللي عنده معلومات عن هالقطاع

انتظروا حتى يفتح موعد التسجيل
http://rslf.gov.sa/Arabic/Eservices/...ages/sing.aspx

وابحثوا في قوقل المنتدى بيطلع لكم مواضيع سابقه تاخذون فكره عن هالقطاع
.
موفقين بإذن الله

الوثائق المطلوبة لـ*التسجيل في القوات البرية 1435ان تكون حاصل على شهادة الكلبات المتوسطة والكليات التقنية والكليات الصحية وكلية الاتصالات والثانوية العامة بتقدير جيد واعلى .ان يكون المتقدم سعودي الاصل والمنشأ .ان يكون العمر ما بين ” 18 سنة و 26 سنة ” لحملة الشهادة الثانوية ولا يزيد عن ” 30 سنة ” لحملة شهادات الكليات .ان لا يزيد طول المتقدم عن 168 سم .ان يتمتع المتقدم باللياقة البدنية العالية .مشهد حسن السيرة والسلوك .احضار الشهادة الدراسية الاصلية .بطاقة الهوية الوطنية .صور شخصية عددها 8 على ان تكون كاشف الرأس وبمقاس 4 × 6


هاذي الشروط كانت اخر تقديم لهم

ي سامي هاذي ماهي شروط سلاح الاشاره هاذي شروط وحدات المظليين والقوات الخاصة

كلامك صحيح أخوي سلاح الإشارة. أكيد أقل شيء. 160

بالتوفيق لجميع المتقدمين وربنا يسر أموركم ويفرجها من واسع

يالربع شكله لازم نروح لهم ملفات ؟

بالتوفيق لجميع المتقدمين

ب التوفيق للجميع ...

شباب الي راح ياليت يقول وش الششروط ؟

شباب في امل يكون التعيين في جدة

أنا رحت لهم يوم الأحد و رقم الطلب وصل 200 وعليها يعني لو نحسبها لمدة اسبوعين يطلعون حول 3000 و المطلوب 600 طالب
الأوراق المطلوبه صورة لشهادة و صورتين مكشوف الرأس وصورة لحسن السيرة و السلوك و الشهادة الأساس للمطابقة وصورة البطاقة و الطول 165 لني سمعت واحد هناك يقول أنه الطول المطلوب 165 وأنا داخل من عند البوابة
وبعدها تدخل عند اللجنة وزن و طول و تعبي ورقة و يأخذون الملف و يعطونك ورقه تعبيها و رقم طلب و موعد تجي لهم بالبس الرياضي شكلها اختبار لياقة
وباقي فرز للقبول المبدئي و فرز للنهائي وباقي كشف طبي
لكن ابي اسال يمديني اتعين بالطائف او جدة الدورة 9شهور و20 يوم تتخرج جندي أول فني يعني بتخصص
لكن في ناس يقولون تاخذ الفرد الاساسي و ترجع تاخذ التخصص وانت تداوم هل هذا صحيح ارجو الافادة

الي يملك معلومة عن طريقة الدورة هل هي 9 شهور دقة وحدة ما تطلع و الا كيف تكفون اهم شيء عندي هالمعلومه لن 9 شهور وربي نكبة ونفسية طوووووويله

اخوي فيه تدقيق على الوزن ؟

ولا مشي حالك ؟

طيب بس ثانوي مايبغون دبلوم

ياشباب تكفون اللي عنده علم يردلي والله محتاااااااااااااج الوطيفه
شهادتي كفاءه وشهاده من المعهد التقني تخصص دهان سواء هالوظيفه او غيرها اي شي
والله يفرج هم اللي يدلني

تبون الصراحة يااخوان سلاح الاشارة شدة عسكرية من ناحية التعين انت مسير وليس مخير ممكن التعين في لواء في اي منطقة نصيحتي لكم ابعدو عن الجيش مافي استقرار كل سنة في منطقة

ربي يرزقكم