رفض طلب تأشيرات لمؤسسة فرديه بسبب تغيير المهنة
السلام عليكم ورحمة الله وبركاته،
اخواني انا عندي مشكلة بين الاحوال ومكتب العمل وكل واحد يقولي كلام ومتورط انا عندي سجل تجاري لموسسة فرديه رحت استقدم تاشيرات عمال من مكتب العمل ورفضوا طلبي بسبب ان مهنتي فالاحوال طالب وقالوا بازم تحول متسبب قلت انا موظف طيب قالوا متسبب يستقدم فقط ولما رحت للاحوال بعدل متسبب اعطوني تعهد اني مااشتغل موظف في قطاع حكومي او خاص واتعهد اذا حدث خلاف ذلك يتم تغريم سجن وغرامة وانا محتاج استخرج تاشيرات فا انصحوني ايش اسوي !!؟ وحزاكم الله خير |
عدل متسبب والله محد حوولك والاحوال ماتدقق في المهنه عدلها متسبب وخلها على طول كذا طالما انت بتشتغل في التجارة
|
خذ موعد عن طريق النت على الاحوال المدنية وراجعهم معك :
بطاقة الاحوال الاصل + صورة اخر موهل دراسي وغير من طالب لمتسبب طبعاً ما يحتاج شهود وخرابيط وانتهى موضوعك واذا حصلت وظيفة حكومية وطلبو تنقل الموسسه لاسم شخص ثاني انقلها باسم الوالده او احد اخوانك مع العلم واحد من الشباب موظف حكومي تبع الداخلية من اربع سنوات شيكنا اسمه قبل اسبوع عن طريق الخدمات الالكترونية وزارة الداخلية مسماه : طالب !!!!! |
بيض الله وجيهكم ماقصرتوا ، ودي اعدل متسبب بس اخاف يكون نظامهم مرتبط بالتامينات الاجتماعية ،،، ويصيدوني موظف قطاع اهلي
وعن اللي يقول وظيفة حكومية والله لو يجيني وظيفة لواء ركن ماتوظفة حكومي انا اللي خوفني السجن لمدة لاتقل عن ٦ شهور ولا الغرامة امرها هين ومدري يعني اروح اغير المهنة لمتسبب واتوكل على الله |
الساعة الآن 10:39 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين