اقتباس:
انا زيك خريج 1432 وللحين لا مطابقة ولا شي .. الله يجيب الي فيه الخير وعلى فكرة نزلت الوظائف الصحية الي موجوده بالاعلان .. بعد الغدا انزلت زي ماقال اخوي دسمال بازي هههههههه طبعا مافية وظائف حق دبلومات .. بس اطباء وصيادلة واخصائين .. حق جامعيين بس :) |
حسبي الله عليهم
ليش مافي وظائف للدبلوم اخوي متخرج عام 1432 تخصص مختبرات طبية والاعلان مافيه وظائف للدبلوم !!!!!!!!!!!!!!!!!!!!!! و حتى تدقيق ماوصله |
موبس دبلومات الصحيه حتي انا دبلوم برمجه حاسب ولا في ش مانقول الا حسبي الله عليهم لي يخلون ندرس بفلوسنا بعد ولا في جعلهم العمي بس زي مااعمو عن الدبلومات لنا ربي مابينسانا يليت نرفع بجريده سبق لايوصل صوتنا بس حاطين ايقونه وتعب نفسهم لي
|
الحل معروف
مايدق الحديد الا الحديد أعمارنا وصلت 30 ولا راح يوظفونا ولا فيه أمل نتوظف والحل معروووووووووف:g |
واللهي مالكم غير الانتظار والصبر .. كل الي قبلنا توظفو مرو بنفس الحالة وانتظرو
لين ما الله فرجها عليهم .. بعدين ترى الحكومه ماهي بكل شي .. يعني ممكن الواحد تضبط معه في تشغيل ذاتي .. ولا مثلا اذا دبلوم حاسب ممكن تضبط معه في شركه حلوه يعني ممكن وضعه بيكون احسن من وضعه بالحكومه اصلا على حسب العرض الوظيفي الي يجيه .. واعرف انا ناس واجد سحبو على الحكومه وراحو توظفو في خاص من جميع تخصصات الدبلوم الصحيه والادارية والفنيه .. بس طبعا الذكي هو الي يعرف يستغل فتره انتظاره للوظيفه الحكوميه انه يشغل في مجال تخصصه ويكون له خبره بنفس مجال التخصص على شان ممكن تضبط معه بغير الحكومه وارجع واقول الحكومه ماهي بكل شي ;) |
^^
أنت فاتح الموضوع عشان تقول هالكلمتين؟؟ قولها بين نفسك وأضحك على نفسك بكلمه الصبر واللي قبلنا أنتظرو 5 -6 سنوات واصلا مانتبهو لهم ولا دار عنهم الا بعد خروجهم للاعلام وتجمعات عند وزار الصحه .. بعدين تقولي الخاص افضل من حكومي مادري اضحك ولا أبكى شي عجيب منك..والناس اللي قبلنا محولين ناس للخاص وسوى صجه عشان يحطوهم بالحكومي وانت تقولي الخاص افضل..ولا فيه ناس سحبت من حكومي عشان تروح خاص !! على قولت أردوغان انضحك لهذا أم نبكي .. الله يقويك تنتظر 5 سنوات أو8 سنوات شد حيلك... |
واللهي كلامي صحيح 100% ولا فيه اي غلط .. هذي غلطتي الحين اني جالس احث واوعي اهل الدبلومات من جميع التخصصات الصحي والاداري والفني انهم مايحطون يدهم على خدهم مثل حكايتك فاقد الامل وبائس ومعلق املك على الحكومه .. ياخي استناها محد قالك لا تستنى وتبي تروح تعترض قدام الخدمه المدنيه اعترض محد ماسكك بس بنفس الوقت اقولكـ ممكن تضبط معك بتشغيل ذاتي او بخاص وترتاح منه وتبدع عندهم وتستفيد من مميزات الشركه . يعني انت الحين تقول تستنى ممكن 8 سنوات على شان يجيك الحكومي .. انا ارد عليك اقولك باذن الله من سنتين الى ثلاث سنوات خبره في مجال التخصص تزيد في احتماليه انك تقبل تشغيل ذاتي في احد المستشفيات العسكريه مثلا براتب حلو وبيكون احسن من راتب وزارة الصحه اذا ماكان نفسه .. وبكذا تكون اختصرت وقت بدال ماتستنى 8 سنوات .. تكون ستنيت من سنتين الى ثلاث واختصرات على نفسك انتظار 8 .. وعلى فكره انا واحد من الناس اشتغلت براتب اول ماتخرجت 3600 وكونت لي خبره بعدها جاني عرض 8300 ريال .. والحمدلله ماشيه اموري .. وهذاني استنى الحكومي متى ماجات قارنت وضعي بالشركه مع الحكومه واستخرت واخذت الافضل .
|
اختي معاها دبلوم تمريض
وقدمت لها بجداره طبعا نهائي ماشفنا مرحلة التدقيق بس احتياط راحت لديوان الخدمه المدنيه وقالولها التقديم الاسبوع الجاي وعن طريق الديوان عاد ماادري تقديم جداره وش قصته بس حسيت من كلام الموظفه انهم مالهم علاقه بجداره واحتياط روحوا الديوان لا يفوتكم التقديم وانتم بانتظار جداره وبالتوفيق للجميع |
السلام عليكم ورحمه الله وبركاته
ياخواني انا رحت لهم شخصياً فرع الخدمه المدنيه اللي بالمدينه المنوره وسئلت الموظف انا قدت على جدارة 3 وانا دبلوم صحي وماجاء تحديد الرغبات زي ماهو مبين بإعلانكم ؟ قالي هذا للبكالريوس الدبلومااات انتظرو اعلانكم لتحديد الرغبات وبعدين المفاضله وبعدين التعين :( تحطمت والله لكن الأمل بالله كبير وتذكرت ( أمر الله كله خير ) وإن شاْالله ناوي أكمل دراسه وهذي نصيحتي لكم والله يوفقكم للي فيه الخير ولا ترعلون انفسكم |
الساعة الآن 04:29 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين