هذي معاناتي مدري اضحك ولا ابكي
السلام عليكم ورحمة الله وبركاته اخواني اخواتي انا بحكي لكم قصتي انا كنت موظفه بقطاع خاص والصدق وظيفتي ما كان لها راتب مغري بس كنت صابره لاكتساب الخبره بعد فتره بسنوات توظفت وظيفه رسميه خارج الرياض اهم شي طلعت للوظيفه صح فيه معاناه بسكن والسواقين بس قلت يالله بكره تيسر وانقل طبعا المشكله بعد الوظيفه حظنا طاح بموضوع الزواج أذا احد جاء يخطب وعرف انا مو برياض يختفى لاحس ولا خبر مع العلم ان من اهم الاشياء اللي أنا حريصه عليها انه مايهم وضعه المادي اهم شي يخاف الله وموظف مهما كان وضعه وراتبه انا بسال هل احد مره بنفس الوضع اللي عايشينه ولا حاله نادره لاني بديت افكراترك الوظيفه مادري هل كل من توظفا وتغربت خلاص يكون الرغبه بالارتباط فيها ضعيفه ولا ايش احد مر بنفس الحاله :u |
هل تعلمين أسباب رفضهم ؟؟
لأبد مـن معرفة الأسباب حتى البيان يكون واضح هناك بعض الشباب عندما يجد الفتاة بعيدة عن اهلها تبدأ الشكوك تسيطر علية وتبدأ الأفكار السيئة تسترسل ذهابآ وأيابأ ( هذا زمن الملاحظات بة كثيرة ) وفي النهاية أتمنى لك التوفيق .. أذا لك نصيب بالزواج ستحصلين علية رغم أنفك وفقك الله |
الله يرزقك بإبن الحلال اللي يسعدك
|
اقتباس:
رجاءً لا ترفع ضغطي :mish: |
أختي انا بانصحك الحين الزمن مو زمن شاب بس
لاء لازم الوحده تتمسك بمبادئها الكثير يتروجون وهم بعيدين عن اهلهم ماكو مشكله المشكله بالشاب نفسه وبعدين اذا تركتي الوظيفه لهذا السبب بعد فترة بتندمين صدقيني وبالنهايه القرار لك |
حبيبتي الزواج قسم ونصيب سبب رفظهم مب مقنع
اذا وظيفتك زينه لا تتركينها والله بيرزقك بالزوج اللي يسعدك عسى الله يوفقك ويستر عليك |
دبلوم إدارة كلامك 100 % أعرف وحده ملكت وجننها بالأسئلة والكلام الفاضي .. وخلته الحين مشكلة بعض الشباب عقله صغير والله لايلومه مع كثرة البلاوي والمصايب يبدأ الشك يراوده .. قليل العاقل اللي يشوف ويسكت أو اللي وده يعني يعرف وش تسوي هناك وكيف تروح ومع مين خصوصا أن الوظائف تلم الناس فيه ناس عندهم عادات عيب ومتمسكين وناس لا عندهم الوضع فري وتختلط الناس مع بعض مو ان الوحده تنسى عادات أو تخليها لكن زي ماتقولين خلاص عشرة وقعده مع بعض لكن نصيحه لوجه الله يااختي لاتتركين الوظيفة لو انها في أعلى جبل عشان زواج الزواج قسمة ونصيب وكل شيء في الحياة قسمة ونصيب اذا ربي كتب لك تزوجين تبا تزوجين سوا في وظيفة أو بدون وظيفة وأفرضي أنك خليتيها عشان هذا السبب وماأحد تقدم ساعتها تبا تندمين .. خلي عندك يقين أن كل واحد جاء وتقدم وراح أن فيه شيء بس ربي صاارفه عنك .. وان شاء الله يجيك نقل في المكان اللي تبينه وبعدها ربي يسخر لك رجال يخاف الله أهم شيء الصلاح لاشكل ولامنصب ولاغيره وش يبا يفيد لو كان أغنى الناس وسيارته وشكله ماشاء الله ومن الداخل استغفر الله لايقدر ولايحشم لاحرمه ولاأهل الحرمه ولا يشوف الناس شيء .. الموضوع بسيط لاتعطينه أكبر من حجمه وتفكرين فيه صحيح ان الزواج ستر لكن دام ان ماجاء المناسب وانتم مو محجرين وكذا الحمدلله في كل وقت وفي كل حين وأستمري في عملك ولاتشششغلين بالك أبداً وشيلي الموضوع من رأسك لاتحطين أن [ أنا ] فيني شيء وأن وأن يبدأ الإنسان يتعب أنسي كل شيء .. والله يوفقك يارب العالمين أصلاً الحين بعض الرجال اللي متزوج لاشاف المتوظفات قال ياليت عندي حرمه صرافه بدال ماهي فرامه والحين اللي متوظفة ماتلقى الرجال الصاحي اللي يقدر مااحد مرتاحح ترى وياكثر كلامي كثرررراه .. سامحيني بس ماباك تشغلين نفسك في موضوع بسيط وتحطين أن أنتي فيك شيء وكايد وووو.. وخلاص أربطوا ييدي |
اقتباس:
|
انا بصراحه ما جاء في بالي ان بعض الاشخاص شكاكين مثل ما تفضل الاخ دبلوم عموما لو يجي واحد شكاك انا اللي برفض فاضيه بعد اتزوج لي موسوس ان شاء الله اتزوج واحد تفكيره نظيف وجنتل واهم شي يكون من نجد العذيه
|
الله يرزقك يارب وأهم شيء الصلاح نجد أو الشرقية أو الجنوب
المحاكم فيها أشياء تهول العقل الله يسخر لك الطيب |
الساعة الآن 08:01 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين