سامبا ومقابلة التوظيف ؟؟
 

السلام عليكم

مساء الخير

من شهرين اتصلوا فيني سامبا الاداره العامه في الرياض وطلبوني لمقابلة توظيف عندهم
وحددولي موعد

وحظرت عندهم وعبيت النموذج وسلمتهم الشهادات والدورات شهادتي ادارة اعمال من جامعة الملك سعود

وسويولي المقابله كانت مع 3 اشخاص في الاداره وقالولي بعدها نرد عليك

صبرت اسبوعين او اكثر ولا جاني اي اتصال رجعت كلمتهم واعطيتهم بياناتي قالولي وضعك في السليم واستنا اتصالنا خلال هذا الاسبوع عشان العرض

وعدا الاسبوع ولا جاني اي اتصال صبرت بعدها اسبوعين او ثلاث اسابيع ورجعت كلمتهم قالوا نفس الشي وظعك في السليم وفي ضغط توظيف عشان كذا نطول واستنا اتصالنا


والان كملت شهرين ولا اتصلوا فيني

ما ادري في ذي الحاله اش وضعي واش اسوي علقوني صراحه
وهل في احد حصلو زي اللي حصلي مع سامبا

حبيبي العوض على الله

في الاغلب اذا تعدت المدة اسبوع ولا ردو عليك معناته لم يقبلوووك

uppppp

معقوله ١٠٠ زياره ولا احد عنده معلومات يفيدني ؟؟؟

هلا اخوي شوف انا حصل معي نفس اللي حصلك بس ببنك الاهلي
والحمدلله الحين انا بدخل الدوره المصرفيه
يعني يالغالي مالك الا تصبر هم كذا يتاخرون و ان شااءالله امورك تمشي و تتوفق يارب
بس تراهم يتاخرون لا تتضايق

أنا قبل سنه صار لي نفس الشي و كلمت البنك بالأخير صار الكشف الطبي ما وصل للبنك
و جيت من القصيم للرياض عشان بعض الإجراءات ناقصه بالشكف !
أنتظرت فتره و كلموني للدوره , المهم نظام البنوك عموما كذا ممكن صحيح فيه ضغط
أو ممكن عندهم حمله توظيفيه مره وحده حتى تكون الدوره تشمل أكبر عدد من الموظفين الجدد
أستغفر ربك و تصبر و بحول الله و قوته أنتظر إتصالهم

الله يغنينا وياك بحلاله عن حرامه

ماتدري اذا ماردو بالرفض يمكن يبونك ومدام قالو لك وضعك بالسليم معناتها اجتزت
بصراحه انا قدمت ببنوك كثير بس مثل نظام البنك الاهلي ماشفت صراحه تعرف نفسك اجتتزت ولالا مايقعدون يعلقونك انا سويت مقابله وبعدها قالت لي انتظري الرد اسبوعين وفعلا جاني القبول والحين انتظر العرض الوظيفي الله يكتب لك الخيررر

مشكورييين ماقصرتوا على كلامكم الجميل

الحمد لله تم الاتصال وفي مقابله ثانيه الله يعين

حاليا بنك سامبا يعطي دوره قبل ما الشخص يمسك الوظيفه؟؟
ولو يعطي كم مدتها

بنك سامبا بالأخص يتأخر كثيراً

وهي عادهـ عندهم تطمن دامهم يقولون في السليم
ولي تجربه سابقة معه ما كلمني الأ بعد ما وقعت عقد مع بنك أخررر