الأمن العام ( أمن وحماية )
 

السلام عليكم جميعا


اخواني الله يسلمكم عندي سؤال وابي نصيحتكم

اخواني ابشركم جاني قبول نهائي ب ( أمن وحماية ) تبع الأمن العام بالرياض
وراح تكون دورتي يوم 24 / 6 لانهم اتصلو علي وقالو تحضر بذا اليوم مع الأشخاص الاخرين


اول شي أخواني انا قبلوني على رتبة جندي أول
ثاني شي انا من الطائف وتعييني بالطائف
ثالث شي دوامي راح يكون بثوب

فحبيت أخذ رايكم فيها وكم مدة الدورة تقريبا لان ناس تقول 6 وناس تقول 9 اشهر


وأيضا امس جاني اتصال من شركة اليمامة وقالو تدريب منتهي بالتوظيف وراتب شهري 3000 وبعد التخرج 6700 ومقر الوظيفة بجدة واتخرج بشهادة دبلوم ( فني لحام ) وغيرها من الميزات


يا أخوان تكفون فيدوني وين أروح .. ما اخفيكم كل من شافني قلي لا تفرط بامن وحماية بسبب راحة دوامها و الرواتب وغير كذا الحكومة اضمن


واسف جدا على الإطالة

ميحتاج من دون ما تشاور أكيد الأمن العام وجندي أول م مشاء اللة ورسميه
بالتوفيق ي بعدي

طيب لو اخذ شهادتي الجامعية اللي هي انتساب
يرقوني ولا لا ؟؟

أكيد لو تطوف تترقاء علي طول الأولي لك الترقيه

طيب اخوي انت مقدم ملفات أو احتياط

لني انا مقدم ملفات ولا اتصلوا علي

اخوي انا والله تقديمي كان صدفة هههههه بالطائف
كان عندي شغلة بالشرطة والله ومدير الشرطة اعرفة معرفة شخصية فعاد سالتة قلت ما عندكم وظائف
قال والله كلها عسكرية قلت لا ابي مدني قال مافية والله بس خلي ملفك وابشر
وطبعا كان معة شخص اللي هو مدير امن وحماية الرائد عادل الغامدي وانا طالع نادني قلي تعال قال تبي بامن وحماية صراحة استغربت قلت وش امن وحماية قال مدني بثوبك وراحة و دوامك من 7 ونص لين 3 وغير كذا عند اهلك بالطائف قلت والله مدري قال فكر ومرنا بالمركز بكرة وشوف طبيعة عملنا قلت طيب والله ثاني يوم رحت لهم وصراحة راحة و مستاجرين فلة ودوامهم مرة راحة بس على كمبيوتر جالس عاد والله طلعت الدور الثالث وقلت ابيها قلي خلاص ابشر وانت اول واحد تنقبل والله وحنا طالبين 6 شواغر وحدة راحت وباقي 5 واستنى مني اتصال بعد أسبوع

والله بعد أسبوع اتصلو وقالو تحاليل وكل شي وسويت وبعدها باسبوعين دقو وقالو تحضر للدورة خلاص يوم 24

وانا امس كنت عند الرائد بتاكد ووراني والله الأوراق وطلع اسمي من جد مسجل اول واحد
وحتى قلي بيجي تقديم قريب بالامن العام قلي قدم فيه ( راح يكون تقديم روتيني فقط )


وذي السالفة

يعني فيه تقديم بيفتح قريب ولا لا ؟؟؟!!!

على كلامة ايه قلي فيه تقديم قريب بالامن العام

يآخوك كلم الغامدي وقوله هذا وآحد من العيال اسمه رائد ، وهذا ملفه تكفا سنعني والله اعطيك الي تبغا