رجعتلكم بعد انقطاع سنه كامله تعالو وشوفو تغير بحياتي ووش صارلي ..الحمدلله ي
السلام عليكم ..انازمان قبل سنه كتبت موضوع انا بنت مربوطه وكذا
https://www.btalah.com/t535697.html ..واليوم تذكرته وتذكرت هذاالمنتدى الرااااااائع ودخلت وتفاجئت انه موضوع محدث!!!والناس للحين يردون عليه ودخلت ولقيت الردود واصله 9صفحات ورسايل الخاص كمان اشكر كل الاخوان اللي راسلوني الله يجزاكم عني خير الجزاء ووالله قرات ردودكم وتاثرررت مرررررررررره ماقدرت امسك نفسي من الصياح ..انا كنت كاتبه اني ماحصل مصروف الا200فقط بالشهر وانه عندي مرض مزمن بالتبول<<<شوفو موضوعي تحت بعنوان وشلون احصل فلوس وانابنت مربوطه..المهم اخواني واخواتي اناجايه اقولكم وش تغير بحالي الحمدلله صرت ادعي يوميا ان الله يشفيني ويرزقني واياكم واتقرب الى الله اكثر لحد مايقنت بالفرج رحت للدكتور لي ماعرف لحالتي ومرضي الغريب وهو من اكبر الدكاتره في المسالك البوليه واستشاري واستمريت عنده سنه لحد ماحسيت بالياس وتركته وصرت ادعي والله هداني للعسل امي شرت لي عسل واستمريت عليه وراحت المشكله!!!!!!!!!!!! الحمدلله الحمدلله حسيت بنعمة الشفاء والصحه والعافيه وتغيرت نظرتي للحياه .وقدمت على حافز ونزل لي حافز بعد ثلاث شهور من التقديم واول مانزل نقصو علي 200 يعني اول دفعه نزلت من حافز كانت 1800 مو 2000 بء الحمدلله فرررررحت بهامرره ورحت شريت لابتوب عشان اضمن اني ادخل على تحديث حافز كل اسبوع وماينقص اكثر كمان والدفعه الثانيه اشتريت العاب لااخواني الصغار<<<ماانسى فرحتهم فيها ادخلت السعاده على قلوبهم كان حلمي اجبر بخواطرهم واجيبلهم اي شي يفرحهم ويطلعهم من جو الفقر والحاجه ..وصرت بس اعطي لااخواني واخواتي واشتري لي اناكمان الحمدلله كانت فلوسي بهابركه من الله. ومره صار عندي مشكله بموقع حافز يرفض الدخول وكنت جايه احاول اسجل الدخول قبل نهايةالموعد اللي لوماسجلت راح ينقص واحاول واحاول مفي فايده وتوترت اعصابي ونقصو علي كمان 200 وصار ينزل لي 1600 ومن يومها تعقدت خلااص صرت يوميا اسجل الدخول على حافز مابيه ينقص اكثر كمان والله ياخواني واخواتي اني حسيت بنعمة الله علي بعد حافز الحمدلله قدرت اشتري اشياء كثير كنت اعتبرها حلم واحسن لحظه مرت علي بحياتي كلها ولاراح يمر علي لحظه احلى منها يوم شريت لامي هديه فرحتهامره وحققت حلمي .. المهم بعدفتره نقصو علي 200كمان رغم اني سجلت الدخول!!!!!والسبب هو اني مااكملت احد الاقسام<ينقصون على حاجات تافهه. وصار حافز يمشي لي 1400 فقط ..وبعد فتره صارلي موقف عظيييم والله راح تستشعرون عظمة الصدقه.. طلعت مره الظهر مع اخوي للسوق والجو حااااااااااار مررره وشمس .وشفت اثنين من عمال النظافه يشتغلون تحت حر الشمس ورحمتهم قطعو قلبي وانا بسرعه فتحت شنطتي وطلعت عشرين وقلت لااخوي رح اعط لكل واحد 10 وراح اعطاهم وبعد اسبوع من الموقف لما جا موعد دفعة حافز الجديده رحت شفت على موقع حافز انهم منزلين لي 2000!!! واستغربت وشلون رجع كامل وتذكرت الموقف على طول وحسيت انها مكافاه لي من الله على الصدقه رغم بساطتها .. انصحكم اخواني واخواتي ماتخلون الدعاااااااااااااء دايما وانا اليوم بعد ماشفت ردودكم وتاثرت لاني كنت مجربه الفقر والحاجه على طول قعدت ادعيلكم ان ربي يرزقكم ويفرج همكم وراح اظل ادعيلكم |
ماشاء الله تبارك الله
يشهد الله إني فرحت لك من قلبي.. الله يزيدك من فضله ويوفقك.. |
ماشاء الله تبارك الرحمن
شي جميل والحمد لله على نعمة الاسلام .. والله يفتحها دائما وابدا بوجهك .. |
اقتباس:
|
اقتباس:
|
الله يفرجها عليك وعلى كل مسلم ياااارب
|
الحمدلله اللي من عليك بالشفاء
انتي اعطي الله مايريد يعطيك فوق ماتريد العسل شفاء بإذن الله .الله يوفقك ويفرج همومك ويجعلك من كل عسر يسر ويفتح لك واهلك ابواب رزقه فاصل اول ماقريت موضوعك امس ذكرني التحديث رحت له ونسيتك ^<~دنياا خخخخ |
القصه جداً معبّره وأحسها طالعه من قلب وعفويه ..
الله يفتح لك أبواب التوفيق ويستر عليك يارب .. وكل مؤمن ومؤمنه ومسلم ومسلمه يارب.. |
وأظيف شغله ..
أستغلي وقتك ولاتضيعين الفرصه .. عشان ماتفتحين فمك بعد حافز :( .. حاولي توفرين فلوس تشوفين لك شغله تغنيك وكذا .. |
اقتباس:
|
الساعة الآن 12:45 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين