ياجماعة الخير ابي شور اهل الخبره
السلام عليكم
اخواني الله يسعدكم انا قدمت في الحرس الوطني بالكلية التقنية تخصص مستودعات المهم موعدي مقابلتي الاسبوع الجاي يوم الثلوث في جدة والله اني محتار اني اروح ومتخوف شوي وقلقان مدري كيف دورتها والعمل كيف بعد الدوره صراحه محتار ودي اروح ولاودي والفرصه بالعمر مره والله يعين لحد يجلس يلومني ويعاتبني تذكروا الكلمه الطيبه صدقه.. |
افضل قطاع الدفي المدني الحرس الوطني فقط والحرس الملكي هذا الى حلوه
|
انت عادي الحين روح لهم وسو الاجراءات وكل شي، وتشوف الوضع هناك كيف العسكر وتعاملهم،
ومنها يككون عندك وقت كافي تفكر فيه وبعديين فكر اذا تبغى تكمل والا انسحب، اما انك تسحب على الموعد من الحين اخاف بعدين تندم هذي فرصة وجاتك استغلها، شفني مالقيت الا حرس الحدود وجندي اول ومعي تقنية وحاسب |
الله يسعد من ردك ويرزقه كل خير طيب وش هي طريقة الكشف الطبي..
|
الرزق علي الله وانا اخوك والوظايف معاد فيه
لاجامعي ولا كليه ولا ثانوي يلاقي وظايف هالايام والعطاله لمتي وانا اخوك الواحد وده يستقر ويرتاح بحياته انت رح وخذ الاجراءات واستخر ربك من استخر ماخاب والحرس فيها رواتب مشاءالله عاليه يوصل لثمانيه غيرك يتمني لو الحرس وهو جامعي وانت شايف بعينك كل الجامعيين والي معاهم كليات والي معاهم تمريض رجعو لعسكريه ولقمه العيش الحياه صعبه |
الكشف الطبي على حسب القطاع
بعضهم في يوم واحد تخلصه وبعضهم تراجعهم مرتين ثلاث مرات طبعاً انا بذكر لك الكشف في حرس الحدود وهو نفسه تقريباً في كل القطاعات الداخلية والحرس الوطني والجيش 1- تحليل بول - الله يكرمك-. 2- تحليل دم 3- اشعة صدر وظهر 4- كشف جراحة : يشوف في جسمك عمليات او شي ( طبعاً تفسخ سروالك عند الدكتور ويشيك على الرجال يشوف في دوالي او شي). 5- كشف باطنية 6- كشف اذن وحنجرة 7- كشف اسنان 8- كشف نظر وعمى الوان 9- طول ووزن 10- كشف نفسية. توكل على الله كلها سهلة بإذن الله |
بعدين بعطيك نصيحة بتريحك من التوتر والقلق
اذا رحت انبرش وسولف مع الشباب اللي معك وتعرف عليهم لأنهم بيكونون معك في كل الاجراءات ترى مع السوالف يروح التوتر والقلق |
الله يسعدك اخ دبلوم اتصالات وجزاك ربي ع الرد والنصيحه المميزه واشكر الاخوان اللي قبلك ردو ...بالنسبه للتفسيخ يعني تشيل سروالك كامل ولا كيف يشوف امام وخلف ولا امام..
|
اقتباس:
بس امام مايطالع ورا ماعليك كل الشعب بيفسخون :wa شايف الالوية والضباط اللي تشوفهم ترى كلهم قد فسخوا هههههههههههههه |
توكل علا الله الحرس الوطني حلو ونت راح يحطونك وكيل رقيب او عريف يعني رتبه حلوة
والله يوفقك |
الساعة الآن 07:19 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين