وظائف رجال لغير السعوديين
 

مشكوره
وبالتوفيق للكل..

انتم ماعندك طلب لجنسية محددة
لكن عندكم استثناء
الجنسية السعودية

عنوان الموضوع بيان عدم أستقطاب السعودين وتبديلهم بالاجانب


المعنى يوجود وظائف ولاكن لانريد سعوديين !!

استغرب من الاداره الموافقه !!

سؤال لإدارة المنتدى كيف تحلون البطالة وانتم تسمحون بإعلانات وظائف لغير السعوديين

الغريب العجيب في الإعلان إن الوظيفة أخصائي شئون موظفين والشهادة المطلوبة ثانوية واغلب إعلانات الوظائف للسعوديين من خريجين الثانوية تنحصر بين سيكورتي وكاشير

اولا الوظيفة مسعوده وممنوع عمل غير السعوديين عليها لانها من ضمن الوظائف المقصوره على السعوديين بقرار مجلس الوزراء ((وظائف شؤون الموظفين والشئون الإدارية و موظفي الاستقبال وحراس الامن وامين صندوق .... )

لو في أحد بينسخ الإعلان ويرسله على حساب وزارة العمل أو وزير العمل بتويتر أكيد بيجي الشركة تفتيش علماً أن رقم الهاتف الموجود بالإعلان يسهل الوصول للشركة

على يدك ياشؤون الموظفين اشتكي عليهم

السلام عليكم
اﻷسئله اللي هنا اتمنى طرحها على وزارة العمل
http://portal.mol.gov.sa/sites/defau...%252f&Source=/
.
ماراح تموت نفس لم تستكمل رزقها.

عذر غير مقبول يا ادارة

الموضوع مستفز لأبعد درجة يبغون اي جنسية ماعدا الجنسية السعودية والمؤهل شهادة ثانوي

في بلد اسمه السعوديه وفي منتدى مهتم لحل مشكلة البطالة في السعودية

شر البلية ما يضحك

للشكاوي والأقتراحات والاجابه على تساؤلاتكم
https://www.btalah.com/forumdisplay.p...aysprune=&f=16

دامكم ماتبون سعوديين جايين تعلنون هنا ليه ؟؟؟؟

ههههههههههههههههههه
يعني عارفيين الوظيفه هذه وش تحتاج مؤهل

واذا بغو سسعودي قالو انجليزي تحدث وكتابه وجامعي وخبره 4 سنوات

ونعطيه راتب مغري 4500 ريال


يعني عارفين كل وظيفه وش تحتاج مؤهل بس تضيقون علينا
حسبي الله ونعم الوكيل

الموضوع استفزازي

أتوقع صاحب الشركه اجنبي

ترى وزارة العمل هالايام شادين حيلهم بالتفتيش اشتكوا عليهم

هذي شركة السيد للملابس مبتلشين مو لاقين موظفات سعوديات وكل فتره يعلنون شكل الشركه سمعتها مو كويسه الشركات تراعي ظروف النساء الا هالشركه مصرين انو الموظفه تداوم فترتين والمضحك انو راتبهم يعادل راتب فتره وحده بالشركات الثانيه والحين يبون موظف غير سعودي بيخالفون النظام عشان ماحد داري عنهم لكن بالمحلات مضطرين يوظفون سعوديات لانو كلن شايفهم مين منكم ذيب ويبلغ عليهم ^^

اخطأتِ هذه شركة مقاولات ومكانها في السليمانية وصاحبها والموظفين اغلبهم من المذهب اياه اللي بالشرقية وما يقبلون الا واحد من نفس المذهب انا دخلتها وشفتهم البنات والشباب كلهم من نفس المذهب للاسف مع انهم طيبين وبعيدين عن التعصب الطائفي بس ما يقبلوننا يا عيال الرياض يعتقدون فينا انو احنا مثل بعض المتشددين والغلاة والناس اجناس واغلب اهل نجد بعيدين عن التطرف الطائفي بس فيه فئة شوهت صورتنا منهم لله :)

ب التوفيق ........

أختي حجابي نجاتي

بأعتقادي بأننا لن نساهم بتقديم حلول

بما أن مثل هذه الوضائف تطرح لغير السعودين

وخصوصاً لو كان شي ينص عليه العرف والنظام وهو أختصاص السعودين بأدارة أقسام الموارد البشريه


أختي تعتقدين بأنه لو كان هناك أجنبي بشئون الموظفين هل سيكون متعاون مع السعودين أم ضدهم

حسب خبرتي أقول لكي بكل تأكيد ضدهم

هم السعودين ماسلمو من الأجانب في اقسام المبيعات والتسويق والمستودعات

تبغينهم يسلمون منهم وهو شغال أخصائي شئون موظفين


نقطه مهمه /

ماهي الا فتره بسيطه حتى يستقطب هذا الأجنبي جميع بني جلدته للغمل بشركه


هل تعتقدين بأنه لو تقدم له سعودي سيقول له نعم لدينا فرصة عمل


قليلاً أختي قبل أن تتسرعي بالرد فلتمكثي لحظات مع ظميرك وتقرري

وفقك الله

عشان لو قدمو عليه سعودين / يغسلون أيديهم يقول فيه فرصة عمل


وفتره بسيطه كانه مصري تلقا الشركه كلها مصاريه وكانه لبناني تلقاء الشركه كلها لبنانين وهلم مجره

لايهم الجنسية لكن لغير السعوديين فقط !!

__


هذي هي الإشكال اللي دمرت البلد
وجعلة من الإجانب ، شي عظيمم !
والتحطيم بالإيادي السعوديه العاملههُ

لماذا .. لآ يكون سعودي الجنسيه ؟!
خلوكمم على الإجانب اللي عاشوا في بلدنا
وأحنا بس نتفرج .. حسبنآ الله ونعم الوكييل وكفىُ

موضوع آستفزازي ، لعدم قدرة السعوديين على العمل أو بالأصح الثقه معدومه !

آتمنى من آدارة المنتدى ، النظظر لهذا الموضوعُ مره آخرى

والسسلآم ختامُ !